وسى كۇز ايلارىنىڭ سوڭىنا دەيىن وڭتۇستىك كورەيامەن قازاقستان ازاماتتارىنىڭ جۇمىسقا ورنالاستىرۋ پروتسەسىن زاڭداستىرۋ كەلىسسوزى جالعاسادى. بۇل تۋرالى قر ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اسقاربەك ەرتاەۆ ءمالىم ەتتى.

ونىڭ سوزىنە قاراعاندا، قازىر وڭتۇستىك كورەيادا جۇمىس ىستەپ جۇرگەن 15 مىڭ قازاقستاندىقتىڭ 11 مىڭعا جۋىعى وندا زاڭسىز ورنالاسقان.

- ەكى جىل بويى كەلىسسوز جۇرگىزدىك. بىراق، وڭتۇستىك كورەياداعى ساياسي جاعدايعا بايلانىستى ءبىرشاما ءۇزىلىس بولدى. كەلىسىمدە ازاماتتارىمىزدىڭ كورەياعا زاڭدى تۇردە بارىپ، ولاردىڭ ەڭبەك قۇقىقتارى قورعالۋى ءۇشىن كۇز ايلارىنىڭ سوڭىنا دەيىن كەلىسسوزدى جالعاستىرامىز، - دەدى ا. ەرتاەۆ سەناتتا تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، وڭتۇستىك كورەيا جاعى بىرقاتار تالاپ قويعان، سونىڭ ىشىندە زاڭسىز جۇرگەن ادامدارعا قاتىستى شارا قولدانۋدى سۇرانىپ وتىر.

- بۇل تۇرعىدا كوشى-قون زاڭناماسىن بۇزۋ ماسەلەلەرى كوتەرىلدى. ەگەر ادام زاڭسىز جۇمىس ىستەيتىن بولسا، كورەيا رەسپۋبليكاسىنان ەلىمىزگە ورالۋى كەرەك. كەيىننەن بەكىتىلەتىن كەلىسىم اياسىندا سول مەملەكەتتە جۇمىسقا ورنالاسۋى ءتيىس. زاڭدى بۇزۋدى جالعاستىرا بەرسە، كورەيا بيلىگى ەلگە كىرۋگە تولىق تىيىم سالۋى مۇمكىن. سوندىقتان ولاردىڭ كوشى-قون زاڭناماسىن ورىنداۋ ماڭىزدى، - دەدى ۆيتسە-مينيستر.

ەسكە سالساق، بۇعان دەيىن وڭتۇستىك كورەيادا زاڭسىز جۇرگەن قازاقستان ازاماتتارى قايتارىلاتىنى حابارلانعان ەدى.

Abai.kz