Freedom Holding Corp. اكتسيالارى The Motley Fool كونسالتينگتىك كومپانياسى ۇسىناتىن Moneyball ينۆەستيتسيالىق پورتفەلىنە كىردى. FRHC قاعازدارىنا «ساتىپ الۋ» ينۆەستيتسيالىق ۇسىنىسى بەرىلدى.

Moneyball – The Motley Fool كومپانياسىنىڭ فلاگماندىق ينۆەستيتسيالىق ستراتەگيالارىنىڭ ءبىرى. جىل سايىن ساراپشىلار توبى 250-گە دەيىن ەڭ پەرسپەكتيۆالى كومپانيالاردى تەرەڭ فۋندامەنتالدى تالداۋ، نارىق تەندەنتسيالارىن باعالاۋ جانە ي-پلاتفورماسىنىڭ دەرەكتەرىنە سۇيەنە وتىرىپ تاڭدايدى. بۇل ۇسىنىستاردى The Motley Fool-ءدىڭ 650 000-نان استام اقىلى جازىلۋشىلارى الادى، بۇل ستراتەگيانى بولشەك ينۆەستيتسيالار نارىعىنداعى ەڭ بەدەلدىلەردىڭ ءبىرى ەتەدى. قاعازداردى ىرىكتەۋدى كومپانيانىڭ تەڭ قۇرىلتايشىسى توم گاردنەر باسقارادى. Moneyball ستراتەگياسىنىڭ نەگىزگى ماقساتى – ينۆەستورلارعا تۇراقتى تابىسقا جەتۋ جانە نارىقتىڭ ورتاشا كورسەتكىشتەرىنەن اسىپ تۇسۋگە كومەكتەسۋ.

«بۇل تانۋ ءبىزدىڭ اشىقتىق، تۇراقتى ءوسۋ جانە كليەنتتىڭ قاجەتتىلىكتەرىنە نازار اۋدارۋ قاعيداتتارىمىزدىڭ جەتەكشى الەمدىك ينۆەستيتسيا تالداۋشىلارىنىڭ قولداۋىنا يە بولعانىن راستايدى» , – دەدى Freedom Holding Corp كومپانياسىنىڭ باس اتقارۋشى ديرەكتورى تيمۋر تۋرلوۆ.

گاردنەر جانە The Motley Fool تالداۋشىلار توبى Freedom Holding Corp.-ءتىڭ يننوۆاتسيالىق تاسىلىنە قىزىعۋشىلىق ءبىلدىردى جانە كومپانيانىڭ ىڭعايلى جانە قاۋىپسىز تسيفرلىق ورتانى قۇرۋعا بەرىلگەندىگىن اتاپ ءوتتى. The Motley Fool باسشىلىعى Freedom Holding Corp. كومپانياسىنا جولداۋىندا Moneyball ينۆەستيتسيالىق پورتفەلى ۇزاق مەرزىمدى ءوسۋدىڭ تۇراقتى الەۋەتى بار كومپانيالارعا ينۆەستيتسيا سالۋ ستراتەگياسىنا نەگىزدەلگەنىن اتاپ ءوتتى.

Moneyball پورتفەلىنە قوسۋ تۋرالى جاڭالىق جاريالانعاننان كەيىن 13 قازان FRHC اكتسيالارىنىڭ قۇنى 4%-عا ءوسىپ، $169,80-گە جەتتى، ال كومپانيانىڭ نارىقتىق كاپيتاليزاتسياسى $10,3 ملرد-تان استى. 2025 جىلدىڭ باسىنان باستاپ Freedom Holding Corp. كاپيتاليزاتسياسى شامامەن 30%-عا ءوستى.

The Motley Fool-دىڭ تانىلۋى Freedom Holding Corp. ءۇشىن كەزەكتى ماڭىزدى جەتىستىك بولدى. بيىلعى ماۋسىم ايىندا كومپانيانىڭ اكتسيالارى Russell 3000 يندەكسىنە ەندى، بۇل اقش-تىڭ ەڭ ءىرى قوعامدىق كومپانيالارىنىڭ 98% ينۆەستيتسيالىق نارىعىن كورسەتەدى. شىلدە ايىندا FRHC قاعازدارى Goldman Sachs, Citigroup, Robinhood Markets جانە Coinbase Global سياقتى كومپانيالارمەن بىرگە First Trust Financials AlphaDEX Fund (FXO) فوندىنا قوسىلدى. تامىزدا الەمدەگى ەڭ ءىرى ينۆەستيتسيالاردى باسقارۋ كومپانياسى BlackRock Freedom Holding Corp.-تا ءوز ۇلەسىن ۇلعايتقانىن جاريالادى.

Abai.kz