يزرايل حالىقارالىق قىزىل كرەست كوميتەتى ارقىلى گازا سەكتورىنا قازا تاپقان 45 پالەستيندىكتىڭ ءمايىتىن تابىستادى، دەپ جازادى سينحۋا.

بۇل تۋرالى سارسەنبى كۇنى پالەستينالىق انكلاۆتىڭ دەنساۋلىق ساقتاۋ مينيسترلىگى حابارلادى.

مينيسترلىكتىڭ مالىمدەمەسىندە كورسەتىلگەندەي، وسى اپتادا قايتارىلعان مايىتتەردىڭ جالپى سانى 90-عا جەتتى. قالعان 45 ادامنىڭ ءمايىتى 14 قازاندا تاپسىرىلعان بولاتىن.

مايىتتەردى تاپسىرۋ پروتسەسى 10 قازاندا كۇشىنە ەنگەن ءبىتىم تۋرالى كەلىسىمنەن بىرنەشە كۇن وتكەن سوڭ جۇزەگە استى. بۇل كەلىسىم مىسىردىڭ اراعايىندىعىمەن جۇرگىزىلگەن بەلسەندى كەلىسسوزدەر ناتيجەسىندە جاسالدى.

كەلىسىمگە سايكەس، يزرايل اسكەرى ءىشىنارا شىعارىلىپ، تۇتقىندار الماسۋ جانە گازا سەكتورىنا گۋمانيتارلىق كومەكتى جەتكىزۋ ءۇشىن شەكارا وتكەلدەرىن اشۋ قاراستىرىلعان.

ەسكە سالساق، وسىدان بۇرىن حاماس يزرايلگە كەپىلگە الىنعان ءتورت ادامنىڭ دەنەسىن تاپسىرعانى انىقتالدى.

سونىمەن قاتار يزرايل گازا سەكتورىنا گۋمانيتارلىق كومەك كولەمىن ارتتىرۋعا رۇقسات بەردى.

Abai.kz