بەلەم قالاسى، 2025 جىلعى 6 قاراشا – برازيليانىڭ توراعالىعىمەن بىرىككەن ۇلتتار ۇيىمىنىڭ كليماتتىڭ وزگەرۋى تۋرالى نەگىزدەمەلىك كونۆەنتسياسىنىڭ تاراپتار كونفەرەنتسياسىنىڭ 30-شى سەسسياسى (سور30) كوشباسشىلارى ءسامميتىنىڭ رەسمي اشىلۋى ءوتتى.

پلەنارلىق وتىرىسقا مەملەكەت جانە ۇكىمەت باسشىلارى، پارلامەنت سپيكەرلەرى، سىرتقى ىستەر مينيسترلەرى، سالالىق مينيسترلىكتەردىڭ جانە حالىقارالىق ۇيىمداردىڭ باسشىلارى قاتىسىپ، كليماتتىڭ وزگەرۋىنە قارسى كۇرەستەگى وزەكتى سىن-قاتەرلەر مەن مىندەتتەمەلەردى تالقىلادى.

سۋرەت: GOV.KZ سايتىنان الىندى.

اتالعان ءىس-شاراعا قازاقستان دەلەگاتسياسىن ەكولوگيا جانە تابيعي رەسۋرستار ءمينيسترى ەرلان نىسانباەۆ باسقاردى.

ءسامميتتىڭ اشىلۋىندا برازيليا پرەزيدەنتى لۋيس يناسيو لۋلا دا سيلۆا بۇل كەزدەسۋدىڭ كليماتتىق كۇن ءتارتىبى بويىنشا حالىقارالىق جۇمىلۋ مەن ديالوگتىڭ ماڭىزدى كەزەڭى ەكەنىن اتاپ ءوتتى. ول ءسامميتتىڭ امازونيا وڭىرىندە ءوتۋى برازيليا، ايماق جانە جالپى الەم ءۇشىن زور سيمۆولدىق مانگە يە ەكەنىن، سەبەبى تاريحتا العاش رەت سور تروپيكالىق ورمانداردىڭ ورتاسىندا وتكىزىلىپ وتىرعانىن ايتتى.

سۋرەت: GOV.KZ سايتىنان الىندى.

ءسامميتتىڭ ءبىرىنشى كۇنگى پلەنارلىق وتىرىسىندا ءسوز سويلەگەن قازاقستان دەلەگاتسياسىنىڭ جەتەكشىسى ەرلان نىسانباەۆ قازاقستاننىڭ جاھاندىق كليماتتىق كۇن تارتىبىنە ادالدىعىن راستاپ، ەلىمىزدىڭ كليمات سالاسىنداعى كۇش-جىگەرى مەن قابىلدانىپ جاتقان شارالار تۋرالى حالىقارالىق قاۋىمداستىقتى حاباردار ەتتى.

سۋرەت: GOV.KZ سايتىنان الىندى.

سونىمەن قاتار، مينيستر ەرلان نىسانباەۆ ءوز سوزىندە دەلەگاتسيا باسشىلارىن 2026 جىلى قازاقستاندا وتەتىن ايماقتىق ەكولوگيالىق سامميتكە قاتىسۋعا شاقىردى.

سۋرەت: GOV.KZ سايتىنان الىندى.

Abai.kz