قازاقستاندىق كينەماتوگرافيستەر تمد ەلدەرىنىڭ «مادەنيەت. مەديا. تسيفر» فورۋمىنا قاتىستى.

ماسكەۋدە تمد ەلدەرىنىڭ مادەنيەت پەن مەديا سالاسىنا ارنالعان «مادەنيەت. مەديا. تسيفر» فورۋمى ءوتتى.

جيىنعا مەديا، IT, ماركەتينگ، PR جانە كينو سالاسىنىڭ كاسىبي ماماندارى قاتىستى. فورۋمعا قازاقستان اتىنان رەجيسسەر گۇلشات سماعۇلوۆا مەن سەرىك ابىشەۆ قاتىستى.

«شاتىر تۇرعىندارى» ءفيلمىنىڭ اۆتورى گۇلشات سماعۇلوۆا ءوز تۋىندىسى تۋرالى ايتىپ، فيلم الماتىنىڭ بولمىسىن، قالاداعى كۇندەلىكتى ءومىردىڭ كوڭىل-كۇيىن جەتكىزەتىنىن اتاپ ءوتتى. ونىڭ ايتۋىنشا، وقيعانى تابيعي جانە شىنايى جەتكىزۋ ارقىلى الەممەن تىلدەسۋگە بولادى.

سەرىك ابىشەۆ 2015 جىلى الماتىدا قۇرىلعان «پارتيزاندىق قوزعالىس» جوباسىن تانىستىردى. بۇل – تاۋەلسىز كينو تۇسىرەتىن جاس رەجيسسەرلەردىڭ قاۋىمداستىعى.

«ءبىزدىڭ تاريحىمىزداعى بەيمالىم دەرەكتەردى ىزدەپ تابۋعا جانە ونى كينو ارقىلى جەتكىزۋگە بولادى. مۇنداي مىسالدار ءبىزدىڭ مەملەكەتتەرىمىزدىڭ تاريحىندا وتە كوپ»، – دەپ اتاپ ءوتتى كينەماتوگرافيست.

ءىس-شارا مەديا مەن تەحنولوگيانىڭ ونەرگە قالاي جاڭا سەرپىن بەرىپ جاتقانىن ايقىن كورسەتتى. فورۋم بارىسىندا مەديا كەڭىستىكتىڭ وزگەرۋى، بلوگەرلەردىڭ ىقپالى، تسيفرلىق قۇرالداردىڭ دامۋ ۇدەرىسى جانە تمد ەلدەرىنىڭ كرەاتيۆتى سالاداعى ىنتىماقتاستىعى كەڭىنەن تالقىلاندى.

Abai.kz