التاي ايماعى — التاي(سارىسۇمبە) قالاسى، كوكتوعاي اۋدانى، قابا(جەتى قابا) اۋدانى، شىڭگىل اۋدانى، بۋىرشىن اۋدانى، بۋرىلتوعاي(جالپاق) اۋدانى، جەمەنەي(ساۋىر) اۋدانى دەگەن 7 اكىمشىلىككە بولىنەدى. مۇنىڭ ىشىندە ايماقتىڭ شىعىسىنداعى كوكتوعاي اۋدانى مەن شىڭگىل اۋدانى قوسىلىپ ءور-التاي اتانسا، قالعان بەس اۋداننىڭ جەرى تومەنگى ءالتاي(تور التاي) اتانادى.

ورتالىعى — التاي قالاسى.

التاي قالاسىنىڭ قالالىق اۋماعى التىنتاۋ، ازاتتىق، بەرەكە، شاشۋ سىندى ءتورت اۋماقتان، 19 مولتەك اۋداننان تۇرادى. قالاعا 115 ەلدى مەكەندى قامتيتىن 12 اۋىل-كەنت، مال فەرماسى قارايدى. التاي قالاسىنىڭ نەگىزى سارىسۇمبە دەگەن اتپەن 1871 جىلى قالانعان. قالانىڭ اتاۋى 1953 جىلى التاي بولىپ وزگەرتىلدى.

1. ابيتان(سۋقايتى) كەنتىنە ايدارتال، اقارال، قاراتەرەك، اققارىن، دوڭقىرمان قاتارلى 20 ەلدى مەكەن قارايدى. ەڭ باستى رۋى — جانتەكەيدىڭ تاسبيكە رۋى.
2. قىزىلتاس(تۇلتى) كەنتىنە كوكساز، بوكەنبۇلاق، مايقولتىق، ۇياوتكەل، بىتەۋىرگە قاتارلى 17 ەلدى مەكەن قارايدى. ەڭ باستى رۋى — جانتەكەيدىڭ بازارقۇل رۋى. ودان كەيىن قۇلتايبولات رۋى تۇرادى.
3. شەمىرشەك اۋىلىنا سىنتاس، قاراتاس، قوڭىرتوقتى، شۇبارشي، بالقامىس قاتارلى 15 ەلدى مەكەن قارايدى. ەڭ باستى رۋى — جانتەكەيدىڭ شاقاباي رۋى. ودان كەيىن جاستابان رۋى، اشامايلى كەرەيدىڭ شيمويىن رۋى مەن قوجالار تۇرادى.
4. الاعاق اۋىلىنا توپۇيەڭكى، قاراقۇم، تەسىكبەيت، تارالاڭ، ويماقى قاتارلى 11 ەلدى مەكەن قارايدى. ەڭ باستى رۋلارى — جانتەكەيدىڭ ەساعاسى، قازىبەك رۋلارى.
5. شىرىكشي اۋىلىنا قىزىلشىلىك، قىزىلقايىڭ، قىزىلۇيەڭكى، قىزىلقاباق، قىزىلبەل قاتارلى 10 ەلدى مەكەن قارايدى. ەڭ باستى رۋلارى — جانتەكەيدىڭ ەسىرگەپ، بازارقۇل رۋلارى مەن جاستابان رۋى.
6. اقتۇمسىق مال فەرماسىنا مويىن، قيعانقۇدىق، قىزىلقاباق قاتارلى 8 ەلدى مەكەن قارايدى. ەڭ باستى رۋلارى — جانتەكەيدىڭ ەسىرگەپ، بازارقۇل رۋلارى مەن جاستابان رۋى.
7. قارااعاش مال فەرماسىنا قاراتوبە، شاپقانتاس، اقدالا قاتارلى 7 ەلدى مەكەن قارايدى. ەڭ باستى رۋلارى — جانتەكەيدىڭ ەساعاسى، قازىبەك رۋلارى.
8. بالباعاي اۋىلىنا قارااعاش، سارىقارىن، بالۋانتاس قاتارلى 6 ەلدى مەكەن قارايدى. ەڭ باستى رۋى — قاراقاس رۋى. ودان كەيىن تاسبيكە رۋى.
9. قاراشىلىك اۋىلىنا بىتەۋتەرەك، اقتەرەك، قاراشىلىك قاتارلى 6 ەلدى مەكەن قارايدى. ەڭ باستى رۋلارى — جانتەكەيدىڭ ەساعاسى، قازىبەك رۋلارى.
10. حاندىعاتى(بۇلاندى) اۋىلىنا حاندىعاتى، ارشاتى، جوساتى قاتارلى 6 ەلدى مەكەن قارايدى. ەڭ باستى رۋى — مولقى رۋى مەن جانتەكەيدىڭ ءار تارماعى.
11. سارعۋسىن اۋىلىنا ساندىققۇم، قاراتەرەك، كۇرتى قاتارلى 5 ەلدى مەكەن قارايدى. ەڭ باستى رۋى — جانتەكەيدىڭ شاقاباي رۋى.
12. لاستى اۋىلىنا لاستى، نوعايتى، كوكسۋ قاتارلى 4 ەلدى مەكەن قارايدى. ەڭ باستى رۋى — جانتەكەيدىڭ ءار تارماعى.

قورىتا كەلگەندە، التاي قالاسى قازاعىنىڭ 80 پايىزدان استامىن جانتەكەي رۋى ۇستايدى. جانتەكەيدىڭ 21 پايىزىن تاسبيكە رۋى، 19 پايىزىن بازارقۇل رۋى، 15 پايىزىن شاقاباي رۋى قۇرايدى. شاقابايدان كەيىن ەساعاسى، قازىبەك رۋلارى تۇرادى. مۇنداعى قاراقاس-مولقىلار 7 مىڭنان اسادى. نايمان رۋى اۋىلدى جەرلەردە از بولعانىمەن، قالا ىشىندە ءبىرشاما بار.

سۋرەت: اۆتوردىڭ جەكە مۇراعاتىنان الىندى.

كوكتوعاي اۋدانىنا 79 ەلدى مەكەندى قامتيىن 10 اۋىل-كەنت قارايدى.

1. اۋدان ورتالىعى بولىپ تابىلاتىن قۋ-ەرتىس قالاسىنا سەرجان شىعىس، سەرجان باتىس، مادەنيەت شىعىس، مادەنيەت باتىس، باقىت دەگەن 5 مولتەك اۋدان جانە ەرتىس دەگەن 1 ەلدى مەكەن قارايدى. قالانىڭ قۋ-ەرتىس اتانۋى ونىڭ ەرتىس وزەنىنىڭ ءبىرىنشى سالاسى بولعان قۋ-ەرتىس وزەنىنىڭ اڭعارىنا ورنالاسقانىنان. قالاداعى ەڭ باستى رۋلار — قاراقاس، مولقى، شەرۋشى، سارباس، يتەلى.
2. تۇرعىن اۋىلىنا قوزىكە، كەڭقولتىق، قاراجىرا، قوسارال، كوكتەرەك قاتارلى 17 ەلدى مەكەن قارايدى. ەڭ باستى رۋلارى — قاراقاس، شەرۋشى، سارباس.
3. دورە اۋىلىنا تەسىپاققان، سويىلتى، ۇزاقتى، ويقورا، ۇشكەرىش قاتارلى 15 ەلدى مەكەن قارايدى. ەڭ باستى رۋلارى — قاراقاس، يتەلى، مەركىت، ازىراق سارباس.
4. كۇرتى اۋىلىنا سۇپتى، بۇراتى، دالااۋىز، وندىرقارا(وسپانقارا), قالباعاي قاتارلى 11 ەلدى مەكەن قارايدى. ەڭ باستى رۋلارى — قاراقاس، مولقى، يتەلى.
5. قارابۇلعىن اۋىلىنا قاراتاس، جامىكە، قاراسۋ، بالا-ەرتىس، قالشاعاي، جەبەتى قاتارلى 9 ەلدى مەكەن قارايدى. ەڭ باستى رۋى — قاراقاس. ەرتىس وزەنىنىڭ قۋ-ەرتىستەن كەيىنگى ەكىنشى سالاسى بولعان بالا-ەرتىس وزەنى وسى اۋىلدىڭ تاۋلى ايماقتارىنا ورنالاسقان.
6. قاراتۇڭكە كەنتىنە قاراتۇڭكە كەنتى، مىسكەن كەنتى جانە ورتا-ارعىلتاي، تاستاق، قىزىلقۇدىق، تاسباستاۋ، تەرەكتى قاتارلى 5 ەلدى مەكەن قارايدى. ەڭ باستى رۋى — مولقى، ازىراق كونساداق.
7. تەمەكى اۋىلىنا قايىرتى، سارىتەرەك(يتەلى سارىتەرەگى), تۇزباي قاتارلى 7 ەلدى مەكەن قارايدى. ەڭ باستى رۋلارى — مولقى، قاراقاس، يتەلى.
8. قىزىلشىلىك اۋىلىنا سارىتوعاي، كوشەساي، قاراجىگىت قاتارلى 6 ەلدى مەكەن قارايدى. ەڭ باستى رۋى — مولقى، قاراقاس، ازىراق كونساداق.
9. شاكۇرتى كەنتىنە كەرۋەنساراي(يىڭبيڭ) دەگەن 1 مولتەك اۋدان جانە قاشۋىن، شوشانباي، شاكۇرتى دەگەن 3 ەلدى مەكەن قارايدى. ەڭ باستى رۋلارى — قاراقاس، سارباس، شەرۋشى.
10. كوكتوعاي كەنتىنە مادەنيەت باتىس، مادەنيەت شىعىس، بەرەكە دەگەن 3 مولتەك اۋدان جانە تاراتى دەگەن 1 ەلدى مەكەن قارايدى. بۇل كەنت اۋداننىڭ 1959 جىلعا دەيىنگى ورتالىعى بولعان. ەڭ باستى رۋى — جانتەكەي، ودان كەيىن قاراقاس.

قورىتا كەلگەندە، كوكتوعاي اۋدانى قازاعىنىڭ 53 پايىزىن قاراقاس رۋى، 18 پايىزىن مولقى رۋى، 10 پايىزىن شەرۋشى رۋى، 8 پايىزىن سارباس رۋى ۇستايدى.

شىڭگىل اۋدانىنا 59 ەلدى مەكەندى قامتيىن 9 اۋىل-كەنت قارايدى. مۇنىڭ ىشىندە بايتىك مال فەرماسى شىڭگىل اۋدانىنىڭ وڭتۇستىك-شىعىسىندا ورنالاسقانىمەن، اكىمشىلىك جاقتان وڭتۇستىكتەگى سانجى وبلىسىنىڭ شونجى اۋدانىنا قاراستى.

1. اۋدان ورتالىعى بولىپ تابىلاتىن شىڭگىل قالاسىنا بەرەكە شىعىس، مادەنيەت وڭتۇستىك، دەموكراتيا، مادەنيەت سولتۇستىك، دوستىق قاتارلى 5 مولتەك اۋدان جانە اقالاڭقى دەگەن 1 ەلدى مەكەن قارايدى. ەڭ باستى رۋى — مولقى، شاقاباي، سارباس.
2. ارال اۋىلىنا ءدوڭتى، قوبى، قاراڭعىتوعاي، تاستوبە، داباتى قاتارلى 14 ەلدى مەكەن قارايدى. ەڭ باستى رۋى — مولقى.
3. ارالتوبە اۋىلىنا قىزىلساي، قىزىلشىلىك، كوكتوبە، قوسارال، كوكتاس قاتارلى 12 ەلدى مەكەن قارايدى. ەڭ باستى رۋى — مولقى.
4. اعاشوبا اۋىلىنا اقجار، شارىقتاس، قۇمقارىن قاتارلى 7 ەلدى مەكەن قارايدى. ەڭ باستى رۋلارى — سارباس، شاقاباي.
5. شاعانعول اۋىلىنا جامبىتاس، سارىبۇلاق، بوتامويىن قاتارلى 6 ەلدى مەكەن قارايدى. ەڭ باستى رۋلارى — شەرۋشى، سارباس.
6. سارىتوعاي اۋىلىنا قاراشورا، ءۇيتاس، سارىقارىن قاتارلى 6 ەلدى مەكەن قارايدى. ەڭ باستى رۋى — شاقاباي.
7. بايتىك مال فەرماسىنا مالشىلىق 1, مالشىلىق 2, مالشىلىق 3 قاتارلى 6 ەلدى مەكەن قارايدى. ەڭ باستى رۋى — قاراقاس.
8. تايكەشكەن كەنتىنە كەرۋەنساراي(يىڭبيڭ), دوستىق سىندى 2 مولتەك اۋدان جانە سارىبۇلاق، اققارىن، مونشىق قاتارلى 4 ەلدى مەكەن قارايدى. ەڭ باستى رۋى — جانتەكەيدىڭ ءار تارماعى.
9. اقدالا كەنتىنە اقدالا كەنتى جانە اقدالا ەلدى مەكەنى قارايدى. ەڭ باستى رۋلارى — جانتەكەي، سارباس.

قورىتا كەلگەندە، شىڭگىل اۋدانى قازاعىنىڭ تەڭ جارتىسىن مولقى رۋى، 20 پايىزىن شاقاباي رۋى، 16 پايىزىن سارباس رۋى ۇستايدى.

سۋرەت: اۆتوردىڭ جەكە مۇراعاتىنان الىندى.

قابا اۋدانىنا 65 ەلدى مەكەندى قامتيىن 7 اۋىل-كەنت قارايدى. بۇل ءوڭىر جەتى قابا دەپ اتالادى. قابا اتانعان 12 وزەندى جيىپ، ۇلكەن جاقتان جەتى قابا دەي سالادى. بۇلار: 283 شاقىرىم بويى اعاتىن اعۇلگىن قابا(ۇلكەن قابا), 132 شاقىرىم بويى اعاتىن قاراقابا، 52 شاقىرىم بويى اعاتىن نارسىن قابا(اراسان قابا، نارشىن قابا), 100 شاقىرىم بويى اعاتىن نارىنقابا، 99 شاقىرىم بويى اعاتىن اققابا، تەمىرقابا(تەمىرتى قابا), تۇلىم قابا(تۇلىمدى قابا — ءۇش تۇلىمتى), تەرەكتى قابا، جەبەتى قابا، مويىلتى قابا، جامانقابا، شابىرتى قابا.

1. اۋدان ورتالىعى بولىپ تابىلاتىن اقشي قالاسىنا ازاتتىق شىعىس، ازاتتىق ورتا، ازاتتىق باتىس، دەموكراتيا شىعىس، دەموكراتيا ورتا، دەموكراتيا باتىس سىندى 6 مولتەك اۋدان جانە اقشي، كەمەر دەگەن 2 ەلدى مەكەن قارايدى. ەڭ باستى رۋلارى — جادىك، شۇبارايعىر، جاربولدى، قازىبەك.
2. كولباي اۋىلىنا بالتا، سارىتاقتاي، قاراوتكەل، ۇشتوبە، قايىڭدىارال قاتارلى 14 ەلدى مەكەن قارايدى. ەڭ باستى رۋى — جادىك. ازداعان جاربولدى.
3. سارىبۇلاق اۋىلىنا ءۇشاشا، قاراۇڭگىر، القابەك، بىلەزىك، كوكتوعاي قاتارلى 13 ەلدى مەكەن قارايدى. ەڭ باستى رۋلارى — جاربولدى، شۇبارايعىر.
4. سارىتام اۋىلىنا قاراوي، قابىرعاتال، سارىولەڭ، كوكتاس، تەكتۇرماس قاتارلى 13 ەلدى مەكەن قارايدى. ەڭ باستى رۋلارى — قازىبەك، ەساعاسى، جادىك.
5. جايىلما اۋىلىنا كولدەنەڭ، قارااعاش، كوكساز، كەردالا، اقتوە قاتارلى 11 ەلدى مەكەن قارايدى. ەڭ باستى رۋى — جادىك. قالعاندارى ەساعاسى، قازىبەك، شۇبارايعىر، جاربولدى.
6. شۇبار اۋىلىنا كوكسۋ، ايدارۇيەڭكى، قوسارال قاتارلى 8 ەلدى مەكەن قارايدى. ەڭ باستى رۋى — شۇبارايعىر. از ءبولىمى — قازىبەك، ەسەنباي.
7. تەرەكتى(تەرەكتى قابا) اۋىلىنا اققابا، شۇبارشىلىك، اقبۇلاق قاتارلى 4 ەلدى مەكەن قارايدى. ەڭ باستى رۋلارى — جادىك، قازىبەك، ەسەنباي.

قورىتا كەلگەندە، قابا اۋدانى قازاعىنىڭ 40 پايىزىن جادىك رۋى، 22 پايىزىن شۇبارايعىر رۋى، 14 پايىزىن نايماننىڭ جاربولدى رۋى ۇستايدى.

سۋرەت: اۆتوردىڭ جەكە مۇراعاتىنان الىندى.

بۋىرشىن اۋدانىنا 74 ەلدى مەكەندى قامتيىن 7 اۋىل-كەنت قارايدى.

1. اۋدان ورتالىعى بولىپ تابىلاتىن بۋىرشىن قالاسىنا بۋىرشىن، قوسوزەن، ەرتىس، بوياۋكەرىش، پەرىكولى، جەتىسۋ، مۇزتاۋ قاتارلى 7 مولتەك اۋدان جانە 1 ەلدى مەكەن قارايدى. ەڭ باستى رۋلارى — جادىك، جانتەكەي، شەرۋشى، نايمان.
2. ويماقى اۋىلىنا ەلامان، مۇڭايتپاس، قىزىلقاباق، جالعىزتال، قاتاي قاتارلى 23 ەلدى مەكەن قارايدى. ەڭ باستى رۋلارى — جادىك(قۇلانباي، جاقا، جانتاي، جاراسباي، بايان، بايقازان), نايمان، بوتاقارا.
3. شۇڭقىر اۋىلىنا قاراكەمەر، قارابۇلاق، كوكباي، اقايرىق، اقشي قاتارلى 17 ەلدى مەكەن قارايدى. ەڭ باستى رۋلارى — شەرۋشى، سەكەل، تايلاق.
4. دۋلايتى اۋىلىنا اقتام، سارىتەرەك، ەرتىس، قاراتال، بەستەرەك قاتارلى 12 ەلدى مەكەن قارايدى. ەڭ باستى رۋى — جادىك(بايقارا، بايان).
5. قوستىق اۋىلىنا قوستوعان، قارادوڭ، قىزىلۇيەڭكى، اقتەرەك، سارىقۇم قاتارلى 10 ەلدى مەكەن قارايدى. ەڭ باستى رۋلارى — جادىك(بايقارا، بايان), بوتاقارا، ەساعاسى.
6. ەگىزتوبە اۋىلىنا توپتەرەك، قىزىلجار، قوسارال قاتارلى 9 ەلدى مەكەن قارايدى. ەڭ باستى رۋلارى — جادىك(قۇلانباي، جاراسباي، بايقازان), قۇلتايبولات، نايمان(قاراتاي، ءتورتۋىل), قازىبەك، تاسبيكە.
7. قوم-قاناس اۋىلىنا قوم، قاناس دەگەن 2 ەلدى مەكەن قارايدى. ەڭ باستى رۋى — نايمان(قاراتاي). 200 ءۇي قازاق تۇرادى. قورىتا كەلگەندە، بۋىرشىن اۋدانى قازاعىنىڭ 58 پايىزىن جادىك رۋى، 20 پايىزىن جانتەكەي رۋ، 15 پايىزىن شەرۋشى رۋى ۇستايدى.

سۋرەت: اۆتوردىڭ جەكە مۇراعاتىنان الىندى.

بۋرىلتوعاي اۋدانىنا 63 ەلدى مەكەندى قامتيىن 6 اۋىل-كەنت قارايدى. اۋدان ورتالىعى ۇلىڭگىر كولىنىڭ جازىق اتىرابىنا ورنالاسقاندىقتان، بۇل ءوڭىر بۇرىن جالپاق اتانعان.

1. اۋدان ورتالىعى بولىپ تابىلاتىن بۋرىلتوعاي قالاسىنا حالىق، بەيبىت، جىلىكول، قۇرلىس سولتۇستىك، باتىس اينالما، قىلى قاتارلى 6 مولتەك اۋدان جانە باتىس قالا، شىعىس قالا دەگەن 2 اۋماق قارايدى. ەڭ باستى رۋلارى — قىستاۋباي، يتەلى، قازىبەك، مەركىت، بۋرا، ۋاق.
2. جەتىارال اۋىلىنا ءتوشالاۇي، جالپاق، قاراتەرىسكەن، سارىتاقتاي، بوتامويىن 18 ەلدى مەكەن قارايدى. ەڭ باستى رۋلارى — يتەلى، قازىبەك.
3. قاراماعاي اۋىلىنا سارىتال، اقكەرىش، سارىقۇم، جيدەلى، ويقورا قاتارلى 17 ەلدى مەكەن قارايدى. ەڭ باستى رۋلارى — قىستاۋباي، ۋاق.
4. كوكاعاش اۋىلىنا كوپبەرگەن، ەسىكقۇم، كوكجورعا، شۇباروي، دۇزگەندى قاتارلى 14 ەلدى مەكەن قارايدى. ەڭ باستى رۋلارى — مەركىت، قىستاۋباي.
5. شىعانجيدە اۋىلىنا جالاڭاش، قىزىلۇيەڭكى، قىزىلكەرىش قاتارلى 8 ەلدى مەكەن قارايدى. ەڭ باستى رۋلارى — قىستاۋباي، جاستابان، قاراقاس، ەلشىباي، ۋاق، بۋرا.
6. 6 ەلدى مەكەندى قامتيىن، قىتاي اۋىل ەسەپتەلەتىن اردا اۋىلىن ارنايى اتامادىق.

قورىتا كەلگەندە، بۋرىلتوعاي اۋدانى قازاعىنىڭ 34 پايىزىن قىستاۋباي رۋى، 18 پايىزىن يتەلى رۋى، 14 پايىزىن قازىبەك رۋى، تاعى 14 پايىزىن مەركىت رۋى ۇستايدى.

سۋرەت: اۆتوردىڭ جەكە مۇراعاتىنان الىندى.

جەمەنەي اۋدانىنا 41 ەلدى مەكەندى قامتيىن 7 اۋىل-كەنت قارايدى. اۋدان ساۋىر تاۋىنىڭ مۇزتاۋىنىڭ باۋىرىنا ورنالاسقاندىقتان، بۇل ءوڭىر ساۋىر، كەيدە قۇلىن-ساۋىر دەپ اتالادى.

1. اۋدان ورتالىعى بولىپ تابىلاتىن توپتەرەك قالاسىنا وركەنيەت(ۋىنميڭ), قۇرلىس، بەرەكە، حالىق قاتارلى 4 مولتەك اۋدان قارايدى. ەڭ باستى رۋى — مەركىت، قازىبەك، جاستابان، ەساعاسى
2. لاستى(توپتەرەك) اۋىلىنا شاڭدىجۇرت، ارشالى، بايكۇشىك، شۇقىرشا، بورىكتال قاتارلى 14 ەلدى مەكەن قارايدى. ەڭ باستى رۋلارى — مەركىت، ازىراق بوتاقارا.
3. توستى اۋىلىنا تاستى، اققولتىق، سىنتاس قاتارلى 8 ەلدى مەكەن قارايدى. ەڭ باستى رۋلارى — قازىبەك، مەركىت، تورە، قوجا.
4. قارجاۋ اۋىلىنا قاراجىرا، كوكقورا، قىزىلقورا قاتارلى 7 ەلدى مەكەن قارايدى. ەڭ باستى رۋلارى — ەساعاسى، جادىك.
5. جەمەنەي(بەلارىق) كەنتىنە شارىقتى، قىزىلادىر، سارىولەڭ قاتارلى 5 ەلدى مەكەن قارايدى. بۇل كەنت اۋداننىڭ 1962 جىلعا دەيىنگى ورتالىعى بولدى. ەڭ باستى رۋلارى — جاستابان، يتەلى. ازىراق ءنايمان(تورتۋىل، سارىجومارت), مەركىت.
6. بەستەرەك(وشارباي) اۋىلىنا وشارباي، سارىاعىن، جالعىزقاراعاي قاتارلى 4 ەلدى مەكەن قارايدى. ەڭ باستى رۋلارى — مەركىت، قازىبەك، جاستابان.
7. شالشىقاي(اقمىرزا) اۋىلىنا اقمىرزا، قورجا قاتارلى 3 ەلدى مەكەن قارايدى. ەڭ باستى رۋلارى — جاستابان، سامىرات، يتەلى.

قورىتا كەلگەندە، جەمەنەي اۋدانى قازاعىنىڭ 40 پايىزىن مەركىت رۋى، 29 پايىزىن جانتەكەي رۋى، 13 پايىزىن جاستابان رۋى ۇستايدى.

سۋرەت: اۆتوردىڭ جەكە مۇراعاتىنان الىندى.

جيناقتاي كەلىپ، ءبىز التاي قازاعىنىڭ رۋلارىنىڭ ىشىندە جانتەكەي رۋىنىڭ تارماقتارىنىڭ سول جەردەگى قازاقتىڭ 33 پايىزىن ۇستايتىنىن قورىتىندىلادىق. التاي قازاقتارىنىڭ ىشىندە جانتەكەيدەن كەيىنگى ەكىنشى ورىنعا 14 پايىزبەن جادىك رۋى جايعاسادى. ءۇشىنشى ورىندا 13 پايىزبەن قاراقاس رۋى، ءتورتىنشى ورىندا 11 پايىزبەن مولقى رۋى ساپ تۇزەمەك.

شەرۋشى رۋى 30 مىڭعا(5%) تاياسا، مەركىت رۋى 25 مىڭعا(4%), سارباس رۋى 25 مىڭعا(4 %), شۇبارايعىر رۋى 20 مىڭعا(3%), يتەلى رۋى 20 مىڭعا(3%), جاربولدى رۋى 15 مىڭعا(2.5 %) جەتەدى.

زەرتتەگەن: كوكبورى مۇباراك

Abai.kz