بيىل «الماتى جاستارى» باعدارلاماسى اياسىندا www.almaty-zhastary2025.kz سايتى ارقىلى قاتىسۋشىلاردان 6 626 ءوتىنىم قابىلداندى. قازىرگى ۋاقىتتا 3 040 جولداما بەرىلىپ، ولاردىڭ ىشىندە 2 168 الماتىلىق جەڭىلدەتىلگەن نەسيە الىپ، باسپانا ساتىپ الدى.

جۇمىسشى جاستارعا ارنالعان جالدامالى تۇرعىن ءۇي باعدارلاماسى جالعاسىپ جاتىر. بۇل تۋرالى الماتى قالاسىنىڭ كوممۋنالدىق ينفراقۇرىلىم جانە تۇرعىن ءۇي ينسپەكتسياسى باسقارماسى وكىلدەرى ايتتى.

بيىل جەڭىلدىك ساناتىنداعى 48 كەزەكتە تۇرعان ازاماتقا باستاپقى جارنانىڭ ءبىر بولىگىن وتەۋگە ارنالعان تۇرعىن ءۇي سەرتيفيكاتتارى تەگىن نەگىزدە بەرىلدى. جالپى سوما – 72 ملن تەڭگە.

الماتىدا سونداي-اق، جالدامالى تۇرعىن ءۇيدى سۋبسيديالاۋ باعدارلاماسى جۇمىس ىستەيدى. بۇل باعدارلاما اياسىندا ەرەكشە قاجەتتىلىگى بار ادامدار، كوپبالالى وتباسىلار جانە جەتىم بالالار ساناتىنداعى كەزەكتەگىلەرگە جالداۋ اقىسىنىڭ 50%-ى كولەمىندە سۋبسيديا بەرىلەدى. باعدارلامانىڭ وپەراتورى – «وتباسى بانك» اق، ءوتىنىم ونلاين قابىلدانادى. سۋبسيديا الاتىن 639 جالعا الۋشىنىڭ پاتەرى تەكسەرىلدى.

Abai.kz