«ادىلەتتى قازاقستان» — بۇل تەك ساياسي ۇران ەمەس، مەملەكەتتى جاڭاشا قۇرۋ يدەياسىن ايقىندايتىن ۇلتتىق باعدار.

مەملەكەت باسشىسى قاسىم-جومارت توقاەۆ ۇسىنعان بۇل كونتسەپتسيا قوعامداعى تەڭ مۇمكىندىكتى، اشىقتىقتى، ادىلدىك پەن جاۋاپكەرشىلىكتى باستى قۇندىلىق رەتىندە بەلگىلەيدى. پرەزيدەنتتىڭ ايتۋىنشا، قازاقستان ەۆوليۋتسيالىق رەفورمالار ارقىلى بيلىك تارماقتارىنىڭ جۇمىسىن جەتىلدىرىپ، وركەنيەتتى دامۋ جولىن جالعاستىرۋى ءتيىس.

ساياسي جاڭعىرۋدىڭ نەگىزگى باعىتى – پارلامەنتتىڭ ءرولىن كۇشەيتۋ، زاڭ شىعارۋ ۇدەرىسىن اشىق ەتۋ. دەگەنمەن پرەزيدەنت ەلىمىزدىڭ «كۇشتى پرەزيدەنتتىك باسقارۋ» مودەلىن ساقتاپ قالۋى قاجەت ەكەنىن اتاپ ءوتتى. قازىرگى گەوساياسي تۇراقسىزدىق جاعدايىندا بۇل – مەملەكەتتىلىك پەن قاۋىپسىزدىكتىڭ كەپىلى.

بۇل وزگەرىستەردى جاستار دا ءجىتى باقىلاپ وتىر.

الماتىلىق ستۋدەنت ايگەرىم قازتاي: «ادىلەتتى قازاقستان – بىزگە، جاس ۇرپاققا ارنالعان مۇمكىندىك. ەڭ باستىسى، رەفورمالار ءسوز جۇزىندە ەمەس، ءىس جۇزىندە جۇزەگە اسسا. ءبىز اشىقتىق پەن ادىلدىككە سۋساپ ءجۇرمىز»، – دەيدى.

الماتىلىق ارۋجان رىمقۇل: «پرەزيدەنتتىڭ ساياسي جۇيەنى جاڭعىرتۋى – ۋاقىت تالابى. جاستار ءۇشىن قوعامداعى الەۋمەتتىك ليفتتەردىڭ اشىق بولۋى ماڭىزدى. ادىلەتتى قازاقستاندا ەڭبەگى بار ادام مىندەتتى تۇردە باعالانۋى كەرەك»، – دەپ ويىمەن ءبولىستى.

جالپى العاندا، جاستار «ادىلەتتى قازاقستاندى» بولاشاققا باستايتىن سەنىمدى جوبا دەپ قابىلدايدى. ەندى نەگىزگى مىندەت – رەفورمالاردى ناقتى ناتيجە بەرەتىن دەڭگەيدە جۇزەگە اسىرۋ. جاڭا قازاقستان – ءدال بۇگىننەن باستالۋى ءتيىس.

Abai.kz