ۇكىمەت «Alatau» ارنايى ەكونوميكالىق ايماعىن قۇرۋ تۋرالى قاۋلىعا وزگەرىستەر ەنگىزدى. 

قۇجاتتىڭ جاڭا رەداكتسياسىنا سايكەس، جاڭارتىلعان شەكارالار جەكە جوسپارمەن بەكىتىلىپ، «Alatau» اەا قوناەۆ جانە الاتاۋ قالالارىنىڭ، سونداي-اق الماتى وبلىسىنىڭ تالعار جانە ىلە اۋداندارىنىڭ اۋماقتارىن قامتىدى.

سونىمەن قاتار ايماق رەسمي تۇردە پورتتىق ارنايى ەكونوميكالىق ايماق رەتىندە بەلگىلەندى. ونىڭ جالپى اۋماعى 98 982,98 گەكتار. اۋماعىنا ءوڭىردىڭ كولىك-لوگيستيكالىق الەۋەتىن دامىتۋعا ارنالعان ۋچاسكەلەر، ونىڭ ىشىندە اۋەجايلاردىڭ جوبالىق قىزمەت كورسەتۋ ايماقتارى كىرەدى.

قۇجاتتا 2047 جىلعا دەيىنگى ايماقتى دامىتۋعا ارنالعان نىسانالى ينديكاتورلار دا بەلگىلەنگەن. اتاپ ايتقاندا، جالپى ينۆەستيتسيالار كولەمى 1666,64 ملرد تەڭگە. ونىڭ ىشىندە شەتەلدىك ينۆەستيتسيالار — 1028,32 ملرد تەڭگە، ال وتاندىق ينۆەستيتسيالار — 638,32 ملرد تەڭگە.

وعان قوسا، اەا اۋماعىندا وندىرىلەتىن تاۋارلار مەن كورسەتىلەتىن قىزمەتتەردىڭ جالپى كولەمى 1759 ملرد تەڭگەگە جەتۋى ءتيىس. قاتىسۋشى كومپانيالار سانى 53 بولادى دەپ جوسپارلانعان. ارنايى ەكونوميكالىق ايماقتا 17 366 جاڭا جۇمىس ورنى قۇرىلۋى كوزدەلگەن. ال وسى اۋماقتا وندىرىلەتىن ونىمدەگى قازاقستاندىق ۇلەس 91% دەڭگەيىندە ايقىندالعان.

Abai.kz