ەل پرەزيدەنتى توقاەۆ اقش-قا ساپارىندا ۋكراينا باسشىسى ۆلاديمير زەلەنسكيمەن ماڭىزدى كەلىسسوز جۇرگىزگەن بولاتىن. مەملەكەت باسشىسى استانانىڭ سوعىستان كەيىنگى ۋكراينانى قالپىنا كەلتىرۋگە ءازىر ەكەنىن، قازاقستاندىق بيزنەستىڭ ۋكراينانى قالپىنا كەلتىرۋ جۇمىسىنا قاتىسۋعا نيەتتى ەكەنىن جەتكىزىپ، السىرەپ قالعان ەكونوميكالىق بايلانىستاردى قالپىنا كەلتىرۋدى ۇسىنعان.

قاراشانىڭ سوڭىنداعى كقج جاسالعان شابۋىلدان كەيىن ەكى ەل اراسىنداعى ەكونوميكالىق بۇرىنعى ارىپتەستىك قالپىنا كەلۋدىڭ ورنىنا كەرى كەتكەندەي كورىنگەن.

قر ءسىم وكىلى ايبەك سمادياروۆتىڭ ايتۋىنشا، قر ءسىم باسشىسى ەرمەك كوشەرباەۆ ۆەناعا جاساعان ساپارى بارىسىندا ۋكراينالىق ارىپتەسىمەن سويلەسكەن.

«ءارى قاراي ءبىز بۇل ماسەلە بويىنشا پىكىر بىلدىرمەيمىز. ۋكراينامەن بالانىستامىز. جابىق ديپلوماتيالىق ارنالار ارقىلى جۇمىس جۇرگىزەمىز. قازىر ەلشىلەر دەڭگەيىندە تالقىلاۋلار جاساپ جاتىرمىز»، — دەيدى ءسىم.

ۋكراينانىڭ سوڭعى ۋاقىتتا رەسەيدىڭ ستراتەگيالىق ماڭىزى بار ەنەرگەيكالىق نىساندارىنا شابۋىلدى ۇدەتكەنى بەلگىلى. كقج-نە جاسالعان شابۋىل دا سول قاتاردا. دەسە دە كيەۆ قازاقستاننىڭ رەسەيمەن ساۋدا-ساتتىقتا ساقتىققا كوشكەنىن دۇرىس باعالاپ وتىرعانداي. اتاپ ايتقاندا ەلىمىزدە شەكتەۋگە ىلىنگەن تاۋارلاردىڭ رەسەيگە قايتا ەكسپورتتالۋىنا توسقاۋىل قوياتىن باقىلاۋدىڭ جاڭا ەرەجەسى ەنگىزىلگەن. جۇيە كەمىندە ءبىر جىل بويى قولدانىستا بولادى، دەپ جازادى باق.

جاڭا ەرەجەگە سايكەس سانكتسيا تىزىمىندەگى جانە قوس ماقساتتا قولدانىلاتىن تاۋارلاردى ەكسپورتتاۋ ءۇشىن ەندىگى جەردە مىندەتتى ليتسەنزيا الۋ تالاپ ەتىلەدى.

سونداي-اق، ەۋرووداق، اقش جانە ۇلىبريتانيادان اكەلىنگەن تاۋارعا قاتاڭ باقىلاۋ ورناتىلادى. بۇدان بىلاي مۇنداي ونىمدەردىڭ تمد اۋماعىنا، اسىرەسە رەسەيگە قايتا ەكسپورتتالۋىنا تىيىم سالىنادى.

«قازاقستان سانكتسياعا رەسمي قوسىلماسا دا «قارا تىزىمدەگى» تاۋاردىڭ ترانزيتىنە قارسى كۇرەس ماسەلەسىندە باتىستىڭ ءسوزىن سويلەيتىنىن اڭعارتتى. استانا ماسكەۋدىڭ قورعانىس-ونەركاسىپ كەشەنىنە اۋاداي قاجەت تاۋارلارعا قولجەتىمدىلىكتى بىرتىندەپ شەكتەۋگە دايىن ەكەنىن كورسەتىپ وتىر»، — دەپ تۇجىرىمداعان كيەۆ تاراپى.

ۋكراينا سىرتقى بارلاۋ قىزمەتىنىڭ پايىمداۋىنشا، قازاقستان وسىلايشا باتىس ەلدەرى مەن رەسەي اراسىندا تەپە-تەڭدىك ساقتاي وتىرىپ، ورىستاردىڭ سانكتسيانى اينالىپ ءوتۋ تاسىلدەرىن بارىنشا تارىلتۋعا كىرىسكەن.

Abai.kz