كيىز ءۇي جاساۋ ءداستۇرى يۋنەسكو-نىڭ مادەني مۇراسىنا ەندى
يۋنەسكو-نىڭ ادامزاتتىڭ ماتەريالدىق ەمەس مادەني مۇراسىنا قازاقستان، قىرعىزستان جانە وزبەكستان (قاراقالپاقستان) حالىقتارىنىڭ كيىز ءۇي جاساۋ ءداستۇرى ەندى.
بۇل ءداستۇر ۇلتتىق مادەنيەتتى بەينەلەيتىن سيمۆول رەتىندە عاسىرلار بويى شەبەردەن شاكىرتكە بەرىلىپ، ۇرپاق ساباقتاستىعىن ساقتاعان. نوميناتسيا العاش 2014 جىلى ۇسىنىلعان، كەيىن ءۇش ەل بىرلەسىپ كەڭەيتىپ، قورعاۋعا قول جەتكىزدى.
بيىل كوميتەت 68 نوميناتسيانى قارادى، ال حالىقارالىق تىزىمدە 153 ەلدەن 812 ەلەمەنت بار.
Abai.kz
