اقش پرەزيدەنتى دونالد ترامپ 2026 جىلدىڭ 1 قاڭتارىنان باستاپ تاعى جەتى ەلدىڭ ازاماتتارى ءۇشىن تولىق كىرۋ تىيىمىن ەنگىزدى. ەندى بۋركينا-فاسو، مالي، نيگەر، وڭتۇستىك سۋدان، سيريا، لاوس جانە سەررا-لەونە ازاماتتارى ەلگە كىرە المايدى.

اق ءۇيدىڭ رەسمي سايتىندا جاريالانعان مالىمدەمەگە سايكەس، اۋعانستان، گايتي، يران، يەمەن، ليۆيا، ميانما، كونگو رەسپۋبليكاسى، سومالي، سۋدان، چاد، ەكۆاتوريالدىق گۆينەيا جانە ەريترەيا ازاماتتارىنا اقش-قا كىرۋگە سالىنعان تىيىم ءالى دە ساقتالادى.

سونىمەن قاتار، بۋركينا-فاسو، مالي، نيگەر، وڭتۇستىك سۋدان جانە سيريا ازاماتتارى ءۇشىن تولىق كىرۋ تىيىمى ەنگىزىلدى.

قۇجاتتا پالەستينالىق اۆتونوميانىڭ قۇجاتتارىمەن ساياحاتتايتىن تۇلعالارعا دا اقش-قا كىرۋگە تىيىم سالىناتىنى كورسەتىلگەن.

بۇعان قوسا، لاوس پەن سەررا-لەونە ازاماتتارى ءۇشىن ەلگە كىرۋگە تولىق تىيىم سالىنعان، ال بۇعان دەيىن تەك ءىشىنارا شەكتەۋلەر بولعان ەدى.

ءىشىنارا شەكتەۋلەر ەنگىزىلگەن ەلدەر اراسىندا انگولا، انتيگۋا جانە باربۋدا، بەنين، كوت-د’يۆۋار، دومينيكا، گابون، گامبيا، مالاۆي، ماۆريتانيا، نيگەريا، سەنەگال، تانزانيا، تونگا كورولدىگى، زامبيا جانە زيمبابۆە بار.

سونىمەن بىرگە، تۇرىكمەنستانعا قاتىستى شەكتەۋلەر جەڭىلدەتىلدى، ەندى اقش بۇل ەلدىڭ ازاماتتارىنا يمميگراتسيالىق ەمەس ۆيزالار بويىنشا كىرۋگە رۇقسات بەرەدى.

اق ءۇيدىڭ ءباسپاسوز قىزمەتى تاراتقان مالىمدەمەگە سايكەس، شەكتەۋلەر 2026 جىلدىڭ 1 قاڭتارىنان باستاپ كۇشىنە ەنەدى.

Abai.kz