Brent باررەلى ءۇشىن 60 دوللاردان جوعارى ساۋدالانىپ جاتىر.

بەيسەنبى كۇنى الەمدە مۇناي باعاسى رەسەي جانە ۆەنەسۋەلامەن بايلانىستى گەوساياسي تاۋەكەلدەردىڭ كۇشەيۋى اياسىندا ەكىنشى كۇن قاتارىنان ءوستى، دەپ حابارلايدى "ينتەرفاكس" اگەنتتىگى.

لوندونداعى ICE Futures بيرجاسىندا Brent ماركالى مۇنايدىڭ اقپان ايىنا ارنالعان فيۋچەرستەرى ءبىر باررەل ءۇشىن 60,05 دوللارعا جەتتى. بۇل الدىڭعى ساۋدا كۇنىنىڭ جابىلۋ باعاسىنان 0,37 دوللارعا (0,62%) ارتىق. سارسەنبى كۇنى بۇل كەلىسىمشارتتار 0,76 دوللارعا قىمباتتاپ، باررەلىنە 59,68 دوللار بولعان. نيۋ-يورك تاۋار بيرجاسىندا (NYMEX) ەلەكتروندى ساۋدادا WTI ماركالى مۇنايدىڭ قاڭتار ايىنا ارنالعان فيۋچەرستەرى ءبىر باررەلى ءۇشىن 56,36 دوللاردى قۇرادى. الدىڭعى سەسسيا قورىتىندىسى بويىنشا بۇل كەلىسىمشارتتاردىڭ باعاسى 0,67 دوللارعا كوتەرىلىپ، 55,94 دوللارعا جەتكەن.

Bloomberg اگەنتتىگىنىڭ جازۋىنشا، رەسەي ۋكرايناداعى قاقتىعىستى رەتتەۋگە قاتىستى ۇسىنىستاردى قابىلداماسا، اقش بيلىگى رەسەيدىڭ ەنەرگەتيكا سەكتورىنا جاڭا سانكتسيالار ەنگىزۋ مۇمكىندىگىن قاراستىرماق.

ال Reuters اق ءۇي باسشىسى دونالد ترامپتىڭ رەسەيگە جاڭا سانكتسيالار ەنگىزۋ بويىنشا ازىرگە شەشىم قابىلداماعانىن جازدى.

تاياۋدا ترامپ سانكتسياعا ىلىككەن جانە ۆەنەسۋەلاعا باعىت العان بارلىق مۇناي تانكەرلەرىنە قاتىستى بلوكادا رەجيمىن ەنگىزۋدى تاپسىردى. ول ۆەنەسۋەلانىڭ قازىرگى باسشىلىعىن شەتەلدىك تەرروريستىك ۇيىم رەتىندە تانىدى.

Abai.kz