پۋتين قىرعىز، تاجىك، وزبەك باسشىلارىن ماراپاتتادى
قىرعىزستان، تاجىكستان جانە وزبەكستان پرەزيدەنتتەرى سادىر جاپاروۆ، ەمومالي راحمون جانە شاۆكات ميرزيەەۆ لەۆ تولستوي اتىنداعى حالىقارالىق بەيبىتشىلىك سىيلىعىمەن ماراپاتتالدى.
سىيلىق 2025 جىلى ورتالىق ازياداعى بەيبىتشىلىك پەن قاۋىپسىزدىكتى نىعايتۋداعى ۇلەسى ءۇشىن بەرىلدى. ماراپاتتاۋ 21 جەلتوقساندا سانكت-پەتەربۋرگتە ءوتتى.
پرەزيدەنتتەر بىرلەسكەن جۇمىسقا بەرىلگەن باعاسى ءۇشىن العىس ايتىپ، ىنتىماقتاستىقتىڭ ماڭىزىن اتاپ ءوتتى. بۇعان دەيىن ءۇش ەل شەكارالارى تۋرالى كەلىسىم مەن ماڭگىلىك دوستىق تۋرالى حوجانت دەكلاراتسياسىنا قول قويعان ەدى.
Abai.kz
