ەلىمىزدە «2026-2028 جىلدارعا ارنالعان رەسپۋبليكالىق بيۋدجەت تۋرالى» زاڭ كۇشىنە ەندى. بۇگىننەن باستاپ بىرقاتار تولەم مولشەرى وزگەرەدى.

قۇجاتقا سايكەس، 2026 جىلدىڭ 1 قاڭتارىنان باستاپ نەگىزگى ەسەپتىك كورسەتكىشتەردىڭ مولشەرى بەلگىلەندى.

اتاپ ايتقاندا:

• ەڭ تومەنگى جالاقى مولشەرى – 85 000 تەڭگە (وزگەرىسسىز);
• ايلىق ەسەپتىك كورسەتكىش (اەك) – 4 325 تەڭگە (2025 جىلى – 3 932 تەڭگە);
• مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 35 596 تەڭگە (2025 جىلى – 32 360 تەڭگە);
• ەڭ تومەنگى زەينەتاقى مولشەرى – 69 049 تەڭگە (2025 جىلى – 62 771 تەڭگە);
• كۇنكورىس مينيمۋمى – 50 851 تەڭگە (2025 جىلى – 46 228 تەڭگە).

زاڭدا جاسىنا بايلانىستى زەينەتاقى تولەمدەرى مەن ەڭبەك سىڭىرگەن جىلدارى ءۇشىن تاعايىندالاتىن زەينەتاقى تولەمدەرىنە بولىنەتىن قاراجات 10 پايىزعا ارتتىرۋدى ەسكەرە وتىرىپ قاراستىرىلعانى كورسەتىلگەن.

سونداي-اق مەملەكەت تاراپىنان مىندەتتى الەۋمەتتىك مەديتسينالىق ساقتاندىرۋ جۇيەسىنە اۋدارىلاتىن جارنالار مولشەرى ەسەپتەۋ وبەكتىسىنىڭ 2 پايىزى دەڭگەيىندە بەلگىلەندى.

Abai.kz