FP فوتوگرافى ماچادونىڭ جوسپار بويىنشا ترامپپەن تۇسكى اس ءىشۋ ءۇشىن اق ۇيگە ساعات 17:00-دە، باق-تىڭ قاتىسۋىنسىز كىرىپ كەلە جاتقانىن بايقاعان. ماچادونىڭ كەلۋىنەن ءبىر كۇن بۇرىن ترامپ ۆەنەسۋەلانىڭ ۋاقىتشا پرەزيدەنتى رودريگەسپەن تەلەفون ارقىلى ۇزاق سويلەسىپ، مادۋرونىڭ بۇرىنعى ۆيتسە-پرەزيدەنتىن ماقتادى، ول بۇل قوڭىراۋدى ديپلوماتيالىق تىلدە «ءونىمدى ءارى سىپايى» دەپ سيپاتتادى.

شامامەن ءبىر ساعاتتان كەيىن ماچادو اق ۇيدەن شىعىپ، كەزدەسۋدى «وتە جاقسى» ءوتتى دەدى. ول ترامپقا نوبەل بەيبىتشىلىك سىيلىعىنىڭ مەدالىن تاپسىرعانىن، بىراق اقش پرەزيدەنتىنىڭ سىيلىقتى قابىلداعان-قابىلداماعانى بەلگىسىز ەكەنىن ايتتى. ترامپ نوبەل سىيلىعىن كوپتەن بەرى ارمانداپ كەلەدى.

ۆەنەسۋەلا وپپوزيتسياسىنىڭ جەتەكشىسى تىلشىلەرگە وسى قيمىلى ارقىلى ترامپتىڭ ۆەنەسۋەلا حالقىنىڭ بوستاندىعىنا دەگەن ۋادەسىنە قۇرمەت كورسەتكىسى كەلەتىنىن ايتتى. بىراق ەكەۋارا اڭگىمەنىڭ جاي-جاپسارىن اشپادى.

الايدا، ماچادو مەن ترامپ كەزدەسۋدىڭ الدىندا، اق ءۇيدىڭ ءباسپاسوز حاتشىسى لەۆيتت باق-قا ترامپتىڭ ماچادومەن كەزدەسۋدى قاتتى قالايتىنىن، سەبەبى ول باتىل ادام ەكەنىن، بىراق پرەزيدەنت ويىن وزگەرتپەگەنىن جانە ماچادونىڭ ۆەنەسۋەلانى باسقارۋعا لايىقتى ادام ەكەنىنە ءالى دە سەنبەيتىنىن ايتتى. ترامپ ازىرگە ۆەنەسۋەلا وپپوزيتسياسىن قولداۋعا دايىن ەمەس ەكەنىن كورسەتتى جانە ەلدە جاڭا سايلاۋ وتكىزۋدەن باس تارتتى.

باق وكىلدەرى ماچادونىڭ ونىمەن نوبەل بەيبىتشىلىك سىيلىعىن ءبولىسدى قالايتىنى تۋرالى  سۇراعاندا، ترامپ: «مەن ونىڭ سولاي جاسماق بولعانىن ەستىدىم ەستىدىم جانە بۇل مەن ءۇشىن ۇلكەن قۇرمەت بولار ەدى»، - دەپ جاۋاپ بەرگەن ەدى. دەگەنمەن، نوبەل بەيبىتشىلىك سىيلىعى كوميتەتى نوبەل بەيبىتشىلىك سىيلىعىن باسقاعا بەرۋگە، بولىسۋگە نەمەسە قايتارىپ الۋعا بولمايتىنى تۋرالى مالىمدەمە جاسادى. سارسەنبىدە باق قايتادان سۇراعان كەزدە، ترامپ ماچادونىڭ وعان نوبەل سىيلىعىن بەرۋىن قالايتىنىن جوققا شىعاردى.

ۆەنەسۋەلادا ون جىل بويى رەجيمنىڭ قۋدالاۋىنان باس ساۋعالاپ، جەر استىندا ءومىر سۇرگەن ماچادو جەلتوقساندا ەلدەن قاشىپ شىقتى. ول ترامپتىڭ قولداۋىنا يە بولۋعا جانە ۆەنەسۋەلانىڭ بولاشاق دامۋىندا ماڭىزدى ءرول اتقارۋعا ۇمىتتەندى. الايدا، اقش اسكەري كۇشتەرى مادۋرونى تۇتقىنداعاننان كەيىن، ترامپ ماچادونى پرەزيدەنتتىككە كانديدات رەتىندە قاراستىرمادى. ونىڭ سەبەبىن ماچادو ءوز ەلىندە «جەتكىلىكتى قۇرمەتكە يە ەمەس» دەپ ءتۇسىندىردى. كەرسىنشە مادۋرونىڭ ۆيتسە-پرەزيدەنتى رودريگەستى قايتا-قايتا ماقتاپ، ونىمەن ءتىل تابىسۋدىڭ «وڭاي» ەكەنىن العا تارتتى..

ۆەنەسۋەلا وپپوزيتسياسى مەيلى ەل ىشىندەگى بولسىن، مەيلى ەل سىرتىنداعى بولسىن، جاعدايدان كەيىن ۆەنەسۋەلانىڭ دەموكراتياعا بەت بۇرادى دەپ ۇمىتتەنگەن ەدى. دەگەنمەن، ولار ترامپتىڭ مادۋرونى تۇتقىنداعانان كەيىن وزدەرى ون جىلدان استام ۋاقىت بويى قارسىلىق كورسەتىپ كەلگەن مادۋرو رەجيمىنىڭ جاقىن سەرىكتەستەرىنە بەرەتىنىن كۇتپەگەن ەدى.

كەم دەگەندە، ازىرگە ترامپ جاقىن ارادا ۆەنەسۋەلادا سايلاۋ وتكىزۋگە قارسى، اقش-تى جەتكىلىكتى مۇنايمەن قامتاماسىز ەتۋ ءۇشىن سىرتتاي باقىلاي بەرمەك.

Abai.kz