بارلىق جىلۋ ورتالىقتارى مەن قازاندىقتاردا 4,5 ملن توننادان استام كومىر قورى بار. بۇل وتكەن جىلمەن سالىستىرعاندا 7%-عا جوعارى. جەلتوقسان ايىندا ول 5 ملننان دا ارتىق بولعان. بۇل تۋرالى قر ەنەرگەتيكا ۆيتسە-ءمينيسترى سۇڭعات ەسىمحانوۆ ورتالىق كوممۋنيكاتسيالار قىزمەتىنىڭ ءباسپاسوز الاڭىندا ايتتى.

جىلىتۋ ماۋسىمى باستىلعاننان باستاپ 7,5 ملن توننا كومىر جوcپاردان ارتىق وڭىرلەرگە جەتكىزىلدى.

جالپى، اعىمداعى جىلىتۋ ماۋسىمىندا كوممۋنالدىق-تۇرمىستىق سەكتور مەن حالىقتىڭ كومىرگە دەگەن قاجەتتىلىگى 7,46 ملن توننانى قۇرايدى. بۇگىنگى كۇنى 7,68 ملن توننا نەمەسە جىلدىق جوسپاردىڭ 103%-ى ورىندالدى،-دەدى ول.

جوسپاردان ارتىق قور جيناقتالۋى وڭىرلەردەگى اۋا تەمپەراتۋراسىنىڭ تومەندەۋىنە بايلانىستى جۇزەگە اسقان.

ەنەرگەتيكا مينيسترلىگى ءوڭىر اكىمدىكتەرىمەن، قازاقستان تەمىر جولى ۇك» اق، كومىر ءوندىرۋشى كاسىپورىندارمەن بىرلەسىپ رەسپۋبليكالىق شتابتىڭ كۇندەلىكتى وتىرىستارىن وتكىزۋدە.

جاۋاپتى ورگاندار كومىر قورىن قالىپتاستىرۋ، تاسىمالداۋ جانە ەنەرگەتيكالىق قاۋىپسىزدىكتى ساقتاۋ باعىتىنداعى شارالاردى كۇندەلىكتى باقىلاۋدا ۇستاپ وتىر.

Abai.kz