اۋديت قورىتىندىسى بويىنشا، اۋىل شارۋاشىلىعى سالاسىندا 32 ملرد تەڭگە ءتيىمسىز جۇمسالعانى انىقتالدى. بۇل تۋرالى قر اۋىل شارۋاشىلىعى مينيسترلىگى مال شارۋاشىلىعى دەپارتامەنتىنىڭ ديرەكتورى باعلان ايمىرزاەۆ «24KZ» ارناسىنداعى «ءتۇيىن» باعدارلاماسىنا بەرگەن سۇحباتىندا ايتتى.

«كەيىنگى 5 جىلدا اۋىل شارۋاشىلىعىنا 2 ترلن تگ قاراجات ءبولىندى. جاقىندا اۋديت جۇرگىزىلىپ، سونىڭ 32 ملرد تگ ءتيىمسىز جۇمسالعانى انىقتالدى. بۇل 1%-ى عانا. جىل سوڭىنا دەيىن بارلىق اقپاراتتىق جۇيەلەردى بىرىكتىرۋدى جوسپارلاپ وتىرمىز»، - دەدى سپيكەر.

سونداي-اق، بۇگىندە قازاقستان ەتتى سىرتقا شىعارۋعا شەكتەۋ قويىپ وتىر. تەك ىشكى نارىقتان ارتىلعانىن عانا ەكسپورتتاۋعا بولادى. ۇكىمەت ىشكى نارىقتاعى ەت باعاسىن تۇراقتاندىرۋ ءۇشىن وسىنداي شارا قابىلدادى. 2025 جىلدىڭ 31 جەلتوقسانىندا ەنگىزىلگەن كۆوتا 2026 جىلدىڭ 30 ماۋسىمىنا دەيىن ءوز كۇشىندە بولادى.

باعدارلامانىڭ تولىق نۇسقاسى:

Abai.kz