قوناەۆ قالاسىندا داۋىس بەرۋ بارىسىندا تۇرعىنداردىڭ نازارىن ەرەكشە قاتىسۋشى اۋداردى. جاڭا كونستيتۋتسيانى قابىلداۋ جونىندەگى رەسپۋبليكالىق رەفەرەندۋمدا №949 سايلاۋ ۋچاسكەسىنە الماتى وبلىسىنىڭ سيمۆولى سانالاتىن قار بارىسىنىڭ كەيپىندەگى كوستيۋم كيگەن قالا تۇرعىنى كەلدى.

سۋرەت: اسلان كوجەكە

«قار بارىسىنىڭ» كەلۋى ۋچاسكەدە بولعان ازاماتتاردىڭ قىزىعۋشىلىعىن بىردەن تۋدىردى. داۋىس بەرۋشىلەر ەرەكشە قوناقتى جىلى قارسى الىپ، ونىمەن ەستەلىك سۋرەتكە ءتۇسىپ، مۇنداي كرەاتيۆتى باستاما ۋچاسكەدەگى كوڭىل-كۇيدى كوتەرەتىنىن اتاپ ءوتتى.

«قار بارىسى — ءبىزدىڭ وبلىستىڭ سيمۆولى. بۇگىن مەن ءوز ازاماتتىق بورىشىمدى ورىنداپ، ەلىمىز ءۇشىن ماڭىزدى وقيعا — جاڭا كونستيتۋتسيانى قابىلداۋ جونىندەگى رەفەرەندۋمعا قاتىسۋ ءۇشىن ءوز ۋچاسكەمە كەلدىم»، — دەدى قوناەۆ قالاسىنىڭ تۇرعىنى،  «قار بارىسى» كەيپىندە كەلگەن شىڭعىس مۇقاشەۆ.

داۋىس بەرگەننەن كەيىن «قار بارىسى» باسقا دا داۋىسبەرۋشىلەرمەن اڭگىمەلەسىپ، ەستەلىك فوتوسۋرەتتەرگە ءتۇستى.

Abai.kz