كەگەن اۋدانىندا شاڭعىشىلار ءبىر ۋاقىتتا داۋىس بەردى
بۇگىن كەگەن اۋدانىندا شاڭعى سپورتىمەن اينالىساتىن سپورتشىلار ءى.جۇماعۇلوۆ اتىنداعى ورتا مەكتەبىنىڭ عيماراتىنداعى №568 رەفەرەندۋم ۋچاسكەسىنە ارنايى كەلىپ، ءبىر ۋاقىتتا داۋىس بەردى. ولار وزدەرىنىڭ ازاماتتىق ۇستانىمدارىن ءبىلدىرىپ، ەل بولاشاعىنا جاۋاپكەرشىلىكپەن قارايتىندارىن كورسەتتى.
سپورتشىلار ماڭىزدى قوعامدىق-ساياسي شارادان تىس قالماي، بەلسەندىلىك تانىتتى. اۋدان شاڭعىشىلارى جاستارعا ۇلگى بولىپ، بارشا تۇرعىنداردى ەل تاعدىرىنا بەيجاي قاراماي، ءوز تاڭداۋلارىن جاساۋعا شاقىردى. ەلىمىزدىڭ بولاشاعى ءۇشىن ءار داۋىس ماڭىزدى!
Abai.kz
