بۇگىن ناۋرىزناما ونكۇندىگى اياسىندا جاڭارۋ كۇنىنە وراي تالدىقورعان قالاسىندا بۇلاقتىڭ كوزى اشىلىپ، اعاش ەگىلدى. بۇل ەكولوگيالىق شارالارعا وبلىس اكىمى بەيبىت يساباەۆ، ارداگەرلەر مەن ءوڭىر جاستارى قاتىستى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

ەركىن اۋىلدىق وكرۋگى اۋماعىنداعى بۇلاقتىڭ كوزىن اشۋعا ءوڭىر باسشىمەن بىرگە ءبىلىم، يننوۆاتسيا، مادەنيەت، سپورت سالالارىندا دارىنىمەن تانىلعان وقۋشىلار مەن ستۋدەنتتەر كەلدى. اتاپ ايتقاندا، «قازاقستاننىڭ ۇزدىك شاباندوزى» اتانعان ەڭ جاس شاباندوز حامزا امانگەلدى، WORLD SKILLS 2025 جانە TurkicSkills 2025 چەمپيوناتىنىڭ جەڭىمپازى، تالدىقورعان جوعارى پوليتەحنيكالىق كوللەدجىنىڭ 3 كۋرس ستۋدەنتى زەرە شاكەن، بولگاريادا وتكەن «Stars of the world» انشىلەر بايقاۋىنىڭ باس جۇلدەگەرى، ق.قاسىموۆ اتىنداعى №28 ءىت ليتسەي مەكتەبىنىڭ 8 سىنىپ وقۋشىسى ءىنجۋ باقبەرگەنقىزى، «AITU KazRoboDrone 3.0» درونرەيسينگ جانە اۆيا مودەلدەۋ رەسپۋبليكالىق بايقاۋىنىڭ جۇلدەگەرى، №22 ورتا مەكتەپتىڭ 9 سىنىپ وقۋشىسى دامير اعىتاي  اعا بۋىننىڭ بۇلاقتىڭ كوزىن اشۋ راسىمىنە كۋا بولىپ، ۇرپاقتار ساباقتاستىعىنىڭ جالعاستىعىن كورسەتتى. جينالعان قاۋىمعا بيكەن ريموۆا اتىنداعى اكادەميالىق دراما تەاترىنىڭ ءارتىسى ساعىندىق ءجۇمادىل ناۋرىز باتاسىن بەردى.

سۋرەت: gov.kz سايتىنان الىندى.

وبلىس اكىمى بالالارمەن تىلدەسىپ، ولاردىڭ شىعارماشىلىق جانە سپورتتاعى ىزدەنىستەرى جايلى سويلەستى. بالالاردىڭ بۇدان بىلاي دا الاڭسىز ءبىلىم الىپ، ءوز تالانتتارىن شىڭداپ، ەلىمىزدىڭ ايتۋلى ازاماتى بولۋلارىنا تىلەكتەستىگىن ءبىلدىردى.

سۋرەت: gov.kz سايتىنان الىندى.

بۇدان ءارى شارا ورتالىق ساياباقتا بەيبىت يساباەۆ ستۋدەنتتەر، ۆولونتەرلەر، جاستار ۇيىمدارىنىڭ وكىلدەرىمەن جۇزدەسىپ، ولاردىڭ قوعام ومىرىنە بەلسەنە قاتىسۋىنىڭ ماڭىزدى ەكەنىن جەتكىزدى:

- جاڭا كونستيتۋتسيا قابىلدانعان كەزدە پرەزيدەنتىمىز مەملەكەتتىڭ بولاشاق يەسى ءارى تىرەگى، ەلدىڭ ەرتەڭى جاستار ەكەنىن اتاپ ايتتى. سوندىقتان قازاقستانىمىز باقۋاتتى ءوسىپ-وركەندەۋ ءۇشىن سىزدەر جاقسى ءبىلىم الىپ، جاساندى ينتەللەكت پەن جاڭا، وزىق تەحنولوگيالاردى ەركىن مەڭگەرۋلەرىڭىز كەرەك. سىزدەردىڭ بولاشاقتارىڭىز ءوز قولدارىڭىزدا، - دەدى بەيبىت يساباەۆ.

سۋرەت: gov.kz سايتىنان الىندى.

مۇنان سوڭ جينالعان كوپشىلىك ساياباقتا 100 ءتۇپ قىلقان جاپىراقتى اعاش كوشەتتەرىن وتىرعىزدى.

وسى شاراعا ارنايى كەلگەن جاستار ءوز پىكىر ءبىلدىردى.

- «Jetisu lastary» كمم ۇيىمداستىرۋ بولىمىندە جۇمىس ىستەيمىن. ءوزىم -ۆولونتەرمىن. بيىلعى جىلدىڭ باسىنان بەرى «تازا قازاقستان» ەكولوگيالىق باعدارلاماسى اياسىندا تالدىقورعانداعى «جاستار» ساياباعىندا، د. راقىشەۆ اتىنداعى مەكتەپ-ينتەرناتتىڭ ماڭىنا بىرنەشە ءتۇپ اعاش وتىرعىزدىق. بۇگىن، مىنە، جاڭارۋ كۇنىنە دە اتسالىسىپ جاتىرمىز. بيىل حالىقارالىق ۆولونەرلەر جىلى دەپ جاريالاندى. ءبىز، ەرىكتى جاستار، كوگالداندىرۋ، قارت ادامدارعا قولعابىس ەتۋ جانە باسقا دا باعىتتاعى جۇمىستارىمىزدى ەسەلەي تۇسەمىز، - دەدى مەدەت ءانۋارۇلى.

سۋرەت: gov.kz سايتىنان الىندى.

اعاش ەگۋگە كەلگەن ستۋدەنتتەر دە وي قوستى:

- مەن تالدىقورعانداعى «اۆيتسەننا» كوللەدجىنىڭ ستۋدەنتىمىن. ءوزىم شىمكەنت قالاسىنانمىن. جالپى جەتىسۋدىڭ تابيعاتىنا قاتتى قىزىعاتىنمىن، وسى وڭىرگە وقۋعا تۇسكەنىمە قۋاندىم. قازىر مەيىرگەر ماماندىعىنا وقىپ جاتىرمىن. بۇگىن توبىمىزبەن اعاش ەگۋگە كەلدىك. بۇدان باسقا دا سانيتارلىق تازالىق شارالارىنا تۇراقتى قاتىسىپ ءجۇرمىن. قورشاعان ورتاعا قامقورلىق مادەنيەتىن اركىم وزىنەن باستاۋى كەرەك. ءبىز، جاستار، وزىمىزدەن كەيىنگى ءوسىپ كەلە جاتقان بالالارعا بۇل تۇرعىدا ۇلگى بولامىز دەپ ويلايمىن، - دەدى «اۆيتسەننا» كوللەدجىنىڭ 1 كۋرس ستۋدەنتى شىڭعىسحان سەيسەمباي.

سۋرەت: gov.kz سايتىنان الىندى.

اتاپ وتسەك، بۇگىن جاڭارۋ كۇنىندە وبلىس بويىنشا جالپى سانى 3 مىڭعا جۋىق اعاش ەگىلدى.

سونداي-اق وسى كۇنى ءوڭىر وقۋشىلارى وبلىس مەكتەپتەرىنىڭ اۋلاسىنا كوشەت وتىرعىزۋعا قاتىستى.

Abai.kz