بۇگىن تۇركىستاندا تۇركى مەملەكەتتەرى ەلدەرىنىڭ باسشىلارى باس قوستى. ال وسىنىڭ الدىندا تۇركيا پرەزيدەنتى رەجەپ تايىپ ەردوعان ەلىمىزگە مەملەكەتتىك ساپارمەن كەلگەن بولاتىن.

ساياسي تۇرعىدان العاندا، تۇرىك باسشىسىنىڭ ەلىمىزگە ساپارى قازاقستان مەن تۇركيانىڭ ستراتەگيالىق ارىپتەستىگىن كۇشەيتەدى. اسىرەسە كاسپي ارقىلى وتەتىن «ورتا ءدالىز» ترانسپورتتىق باعىتى، ەنەرگەتيكالىق قاۋىپسىزدىك، قورعانىس جانە اسكەري-تەحنيكالىق ىنتىماقتاستىق، تۇركى مەملەكەتتەرى ۇيىمى اياسىنداعى ينتەگراتسيا سياقتى باعىتتاردا ناقتى كەلىسىمدەر جاسالۋدا. ەكى ەل $15 ملرد ساۋدا اينالىمىنا جەتۋدى كوزدەپ وتىر. ودان سىرت مادەني سالاعا دا ءوز اسەرىن تيگىزەرى انىق.

بۇل تۋرالى ل.ن.گۋميلەۆ اتىنداعى ەۇۋ ءدىنتانۋ كافەدراسىنىڭ دوتسەنتى، ءدىنتانۋشى كەڭشىلىك تىشحانۇلى ءوز پىكىرىن ءبىلدىردى.

كەڭشىلىك تىشحانۇلى:

– بۇگىن تۇركىستان قالاسىنا تۇركى مەملەكەتتەرى ۇيىمىنىڭ بەيرەسمي ءسامميتى ءوتىپ جاتىر. بۇل ءتۇبى ءبىر تۋىس ەلدەر ءۇشىن ءوزارا ىقپالداستىق پەن ەكونوميكالىق، مادەني، تاريحي ىنتىماقتاستىقتى نىعايتۋعا جاسالعان تاعى ءبىر قادام بولماق.

وسى سامميتكە ورايلاستىرىلىپ جاسالعان  تۇركيا مەملەكەتىنىڭ پرەزيدەنتى تايىپ ەردوعان مىرزانىڭ ەلىمىزگە رەسمي ساپارى ەكى ەل اراسىنداعى بايلانىستى نىعايتا تۇسەرى ءسوزسسىز، قازىرگى الەمنىڭ ساياسي-ەكونميكالىق بەينەسى بىرقالىپتى ەمەس. وسى تۇستا تۇراقتى سەرىكتەس، اينىماس وداقتاس بولۋ تۇسىنىگى دە وزگەرگەندەي. مىنە، ءتۇبى ءبىر تۇركى ەلدەردىڭ ساياسي-ەكونميكالىق جاقىندىعى وسى تۇراقسىز جاعدايلاردان ءساتتى شىعۋدىڭ ءبىر جولى سانالسا كەرەك.

مەملەكەت باسشىسى اتاپ وتكەندەي: «ءدىلى ورتاق، ءدىنى ورتاق، ءتىلى جاقىن...» ەلمەن جاسالعان ءاربىر كەلىسىمنىڭ ءمانى زور. وسى جاقىندىقتى نەگىز ەتە وتىرىپ ەردوعان مىرزاعا ەلىمىزدە «قوجا احمەت ياساۋي» وردەنى تابىستالۋىنىڭ دا رامىزدىك ءمانى بار. ءبىلىم سالاسىندا ورتاق «اباي-مەحمەت اكيف» باعدارلاماسىنىڭ باستالۋى، قورعانىس سالاسىندا ورتاق جوبالاردىڭ ىسكە اسۋى دا وتە وزەكتى ماسەلەلە. قازىرگى الەمدىك ساياساتتا جەكە دارا ەلدىڭ قاۋىپسىزدىگى مەن ەكونوميكالىق تۇراقتىلىعىن ساقتاۋ كۇردەلى دۇنيە.

سوندىقتان دا قازاقتىڭ اۋزىنداعى «اقىرزامان تاياعاندا اركىم جاقىنىن تابادى» دەگەندەي، قيىن قىستاۋ كەزەڭدە تۋىستاس، دوستاس ەلدەردىڭ قاتارىندا بولۋ اينالاعا تونگەن قاۋىپتەن امان-ەسەن شىعىپ كەتۋدە وڭ ىقپالى بولماق. ءيا، ەلىمىز باياعىداي بەيتاراپ ءارى كوپ قىرلى ساياساتىن جالعاستىرا بەرەتىن بولار، دەگەنمەن الەمدىك نارىقتا ۇلكەن سالماعى بولاتىن تۇركى ەلدەرىنىڭ ورتاق ەكونوميكالىق تابىسىن ارتتىرۋ، جاساندى ينەتەللەكت جانە تسيفرلىق دامۋ ماسەلەسىندە تاجىريبە الماسۋ بۇگىنگى كۇننىڭ باستى تاقىرىبى. بولاشاقتا قولدانىسقا ءتۇسۋى مۇمكىن ورتاق ءالىپبي ماسەلەسى دە ءبىزدىڭ مادەني، عىلىمي جانە تەحنولوگياداعى ينتەگراتسيامىزدى جەدەلدەتەر ەدى دەپ ويلايمىن. قالاي بولعاندا دا ەلىمىزدىڭ بولاشاعى تۇرعىسىنان، ساياسي-ەكونوميكالىق نىعايۋى تۇرعىسىنان تۇركيامەن جاقىن قارىم-قاتىناستا بولۋى ءتيىمدى، ءارى دۇرىس قادام دەپ سانايمىن!

Abai.kz