الماتى قالاسىندا قازاقستان رەسپۋبليكاسىنىڭ ۇلتتىق ورتالىق مۋزەيىندەگى جەلدەتۋ جانە اۋا باپتاۋ جۇيەسىن جاڭعىرتۋ جۇمىستارى اياقتالدى. جوبا مەملەكەت باسشىسىنىڭ تاريحي-مادەني مۇرانى ساقتاۋ جانە مۋزەيلەردىڭ ماتەريالدىق-تەحنيكالىق بازاسىن نىعايتۋ جونىندەگى تاپسىرمالارىن ىسكە اسىرۋ اياسىندا جۇزەگە اسىرىلدى.

ورتالىق ازياداعى ەڭ ءىرى مۋزەيلەردىڭ ءبىرى سانالاتىن مەكەمە ءۇشىن ينجەنەرلىك جۇيەلەردى جاڭارتۋ ايرىقشا ماڭىزدى. بۇگىندە ۇلتتىق ورتالىق مۋزەي قورىندا ارحەولوگيالىق جادىگەرلەر، قولجازبالار، قۇجاتتار، ونەر تۋىندىلارى مەن قازاقستان تاريحىنان سىر شەرتەتىن وزگە دە قۇندى مۇرالاردى قوسا العاندا 300 مىڭنان استام ەكسپونات ساقتاۋلى.

زاماناۋي جەلدەتۋ جانە اۋا باپتاۋ جۇيەسى مۋزەي قورىنداعى جادىگەرلەردى ساقتاۋ جاعدايىن جاقسارتۋعا، ەكسپوزيتسيالىق جۇمىستىڭ ساپاسىن ارتتىرۋعا جانە كەلۋشىلەرگە، زەرتتەۋشىلەر مەن مۋزەي ماماندارىنا قولايلى ورتا قالىپتاستىرۋعا مۇمكىندىك بەرەدى. جوبانى جۇزەگە اسىرۋ ءۇشىن ارنايى مەردىگەر ۇيىم تارتىلىپ، قاجەتتى جابدىقتار ەۋروپالىق وندىرۋشىدەن تىكەلەي ساتىپ الىندى.

جوبا بولات وتەمۇراتوۆ قورىنىڭ قولداۋىمەن جۇزەگە اسىرىلدى. جۇمىستار 2025 جىلدىڭ قىركۇيەگىندە باستالىپ، 2026 جىلعى 20 مامىردا تولىق اياقتالدى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz