قحپ فراكتسياسىنىڭ جەتەكشىسى ماگەررام ماگەرراموۆتىڭ پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆاعا شەتەلدىك كوزدەردەن قارجىلاندىرىلاتىن شەتەلدىك اگەنتتەردى رەتتەۋ شارالارى تۋرالى دەپۋتاتتىق ساۋالى جولدادى. ءبىز اتالعان دەپۋتتاتتىق ساۋالدىڭ تولىق نۇسقاسىن وقىرمان تالقىسىنا ۇسىنامىز.

بۇعان مەملەكەتتىك كىرىستەر كوميتەتىنىڭ شەتەلدىك كوزدەردەن قارجىلاندىرۋ الاتىن جەكە جانە زاڭدى تۇلعالاردىڭ جاڭارتىلعان ءتىزىلىمىن جاريالاۋى سەبەپ بولدى. وندا العاش رەت قارجى الۋشىلار عانا ەمەس، بولىنگەن قاراجات كولەمىمەن ونىڭ قايدان تۇسكەنى تۋرالى مالىمەتتەر دە كورسەتىلگەن.

دەپۋتاتتىڭ ايتۋىنشا، 2025 جىلدىڭ ەكىنشى جارتى جىلدىعىندا عانا قازاقستانعا شەتەلدىك كوزدەردەن 12 ملرد تەڭگەدەن استام قارجى تۇسكەن.

– اتالعان قاراجاتتىڭ ەداۋىر بولىگى وزدەرىن قۇقىق قورعاۋ, مەديا جانە ساراپتامالىق ۇيىمدار رەتىندە تانىستىراتىن, قوعامدىق-ساياسي كۇن ءتارتىبىن قالىپتاستىرۋعا قاتىساتىن قۇرىلىمدارعا باعىتتالعان, – دەدى ماگەرراموۆ.

سونىمەن قاتار دەپۋتات قولدانىستاعى ءتىزىلىم شەتەلدىك قارجىلاندىرۋ تۋرالى تەك جالپى مالىمەت بەرەتىنىن ايتتى.

– تىزىلىمدە تەك قارجى كولەمى مەن باستاپقى الۋشىلار عانا كورسەتىلگەن. الايدا ناقتى قانداي جوبالار قارجىلاندىرىلعانى, قارجىنىڭ قانداي ماقساتقا بولىنگەنى, قاراجاتتىڭ قالاي بولىنگەنى جانە تۇپكىلىكتى ورىنداۋشىلار تۋرالى اقپارات جوق. سونىڭ سالدارىنان قوعام مەن مەملەكەتتىك ينستيتۋتتار بۇل قاراجاتتىڭ قالاي پايدالانىلىپ جاتقانىن جانە شەتەلدىك قارجىلاندىرۋ ەسەبىنەن قانداي جوبالار جۇزەگە اسىرىلىپ جاتقانىن تولىق باعالاي الماي وتىر, – دەلىنگەندەپۋتاتتىق ساۋالدا.

دەپۋتاتتار نە ۇسىنادى?

دەپۋتاتتار جاريالاناتىن مالىمەتتەردى كەڭەيتۋدى ۇسىنادى. اتاپ ايتقاندا، شەتەلدىك قاراجات ەسەبىنەن ىسكە اسىرىلاتىن جوبالار تۋرالى اقپاراتقا ناقتى جوبالار مەن باعدارلامالار، قارجىلاندىرۋدىڭ ماقساتى مەن باعىتى، جوبالاردى جۇزەگە اسىراتىن ۇيىمدار مەن ورىنداۋشىلار، باستامالاردى ىسكە اسىرۋعا قاتىساتىن تۇلعالار جانە جوبالاردىڭ ناتيجەلەرى تۋرالى مالىمەتتەر ەنگىزىلۋى ءتيىس.

دەپۋتاتتاردىڭ پىكىرىنشە، بۇل قوعامعا شەتەلدىك گرانتتاردىڭ قاي باعىتتارعا جۇمسالىپ جاتقانىن جانەولاردىڭ قانداي ناتيجە بەرىپ وتىرعانىن جاقسىراق تۇسىنۋگەمۇمكىندىك بەرەدى.

– ءبىز ۇكىمەتتىك ەمەس ۇيىمداردىڭ قىزمەتىنە تىيىمسالۋدى ۇسىنىپ وتىرعان جوقپىز. ماسەلە – اشىقتىقتى ارتتىرىپ, قوعامنىڭ حاباردارلىعىن كۇشەيتۋ, – دەدىماگەرراموۆ.

اشىقتىق پەن قوعامدىق باقىلاۋ ماسەلەسى

دەپۋتاتتىق ساۋالدا شەتەلدىك قارجىلاندىرۋ تاقىرىبى بۇگىندە قوعامنىڭ ەرەكشە قىزىعۋشىلىعىن تۋدىرىپ وتىرعانى ايتىلعان. ويتكەنى ول مەديا، ساراپتامالىق تالداۋجانە ازاماتتىق باستامالار سالاسىندا جۇمىس ىستەيتىن ۇيىمداردىڭ قىزمەتىنە قاتىستى.

– قازىرگى سىن-قاتەرلەر جاعدايىندا اشىقتىق قوعامنىڭ سەنىمىن نىعايتۋ جانە ۇلتتىق مۇددەنى قورعاۋ ءۇشىن ماڭىزدى مانگە يە, – دەپ اتاپ ءوتتى دەپۋتات.

وسىعان بايلانىستى پارلامەنتاريلەر ۇكىمەتكە شەتەلدىك قارجىلاندىرۋدى ەسەپكە الۋدىڭ قولدانىستاعى جۇيەسىن جەتىلدىرۋ مۇمكىندىگىن قاراستىرىپ، ەسەپتىلىكتى كەڭەيتۋدىڭ ىقتيمال تەتىكتەرى تۋرالى اقپارات بەرۋدى ۇسىندى.

Abai.kz