تۋريزم، گاسترونوميا جانە ءومىر سالتى باعىتىنداعى ترەندتەردى قالىپتاستىراتىن، اۋقاتتى ساياحاتشىلارعا ارنالعان بەدەلدى بريتاندىق Country & Town House باسىلىمى الماتى تۋرالى ماتەريال جاريالاپ، قالانى قازاقستاننىڭ زاماناۋي مادەنيەتىمەن تانىسۋعا ارنالعان ەڭ قىزىقتى باعىتتاردىڭ ءبىرى رەتىندە تانىستىردى.

سۋرەت: الماتى قالاسى اكىمدىگىنەن الىندى.

سۋرەت: الماتى قالاسى اكىمدىگىنەن الىندى.

باسىلىمنىڭ قاعاز نۇسقاسى، رەسمي سايتى جانە الەۋمەتتىك جەلىلەردەگى پلاتفورمالارىن قوسا العاندا، جالپى اۋديتورياسى 500 مىڭنان اسادى. ولاردىڭ قاتارىندا ساياحاتشىلار، كاسىپكەرلەر جانە كرەاتيۆتى يندۋستريا وكىلدەرى بار. بۇل تۋريستىك باعىتتار تۋرالى جاريالانىمداردىڭ حالىقارالىق اۋديتورياعا كەڭىنەن تارالۋىنا مۇمكىندىك بەرەدى.

جاريالانىمدا الماتىنىڭ گاسترونوميالىق مادەنيەتىنە ەرەكشە نازار اۋدارىلعان. سونداي-اق ماتەريالدا قالانىڭ جاڭا مادەني كەڭىستىكتەرى تانىستىرىلىپ، ولاردىڭ قاتارىندا Almaty Museum of Arts الماتىنىڭ زاماناۋي مادەنيەتىنىڭ ماڭىزدى ورتالىقتارىنىڭ ءبىرى رەتىندە اتالعان.

Country & Town House باسىلىمىنداعى جاريالانىم الماتىنىڭ حالىقارالىق دەڭگەيدەگى تانىمالدىعىن ودان ءارى ارتتىرۋعا ىقپال ەتىپ، قالانىڭ باي مادەني مۇراسى، گاسترونومياسى مەن قارقىندى دامىپ كەلە جاتقان قالالىق ورتاسى ۇيلەسكەن زاماناۋي تۋريستىك باعىت رەتىندەگى تارتىمدىلىعىن شەتەلدىك اۋديتوريا اراسىندا كەڭىنەن ناسيحاتتايدى.

Abai.kz