ءىىم قازاقستاندىقتاردىڭ دەربەس دەرەكتەرىنىڭ ساتىلىمعا شىعارىلعانى تۋرالى اقپاراتقا قاتىستى پىكىر ءبىلدىردى، – دەپ حابارلايدى Polisia.kz.

قازاقستان ازاماتتارىنىڭ دەربەس دەرەكتەرى ساتىلىمعا شىعارىلدى دەگەن اقپارات قوعامدا الاڭداۋشىلىق تۋعىزعانى بايقالادى. ىشكى ىستەر مينيسترلىگى اتالعان اقپاراتتى تەكسەردى. بۇگىنگى تاڭدا eGov پورتالىنا زاڭسىز كىرۋ نەمەسە قول جەتكىزۋ فاكتىلەرى تىركەلگەن جوق. سونىمەن قاتار مۇنداي حابارلاندىرۋدىڭ جاريالانۋ فاكتىسى نازاردان تىس قالعان جوق.

-قازىرگى ۋاقىتتا حابارلاندىرۋدى ورنالاستىرعان تۇلعانى، ۇسىنىلىپ وتىرعان دەرەكتەردىڭ قايدان الىنعانىن، سونداي-اق ولاردى زاڭسىز الۋعا جانە تاراتۋعا قاتىسى بار بارلىق ادامدى انىقتاۋ بويىنشا قاجەتتى شارالار قابىلدانىپ جاتىر، -دەلىنگەن حابارلامادا.

ىشكى ىستەر مينيسترلىگى ءوز قۇزىرەتى شەگىندە ازاماتتاردىڭ دەربەس دەرەكتەرىن قورعاۋعا قاتىستى كونستيتۋتسيالىق كەپىلدىكتى ىسكە اسىرۋعا بارىنشا جاۋاپكەرشىلىكپەن قارايدى.

كونستيتۋتسيانىڭ 21-بابىندا دەربەس دەرەكتەردى زاڭسىز جيناۋدان، وڭدەۋدەن، ساقتاۋدان جانە پايدالانۋدان، ونىڭ ىشىندە تسيفرلىق تەحنولوگيالاردى قولدانۋ ارقىلى جۇزەگە اسىرىلاتىن مۇنداي ارەكەتتەردەن قورعاۋ تىكەلەي كوزدەلگەن.

وسىعان دەيىن قر جاساندى ينتەللەكت جانە تسيفرلىق دامۋ مينيسترلىگى 15 ملن ادامنىڭ دەرەگى تارادى دەگەن اقپاراتقا قاتىستى پىكىر بىلدىرگەن بولاتىن.

Abai.kz