«الماتى جىلۋ جۇيەسى» جشس مالىمەتىنشە، 9 قازاننان باستاپ قالادا ورتالىق جىلۋ جۇيەسىنە قوسۋ جۇمىستارى باستالادى. الدىمەن جىلۋ الەۋمەتتىك نىساندارعا — بالاباقشالارعا، مەكتەپتەرگە جانە مەديتسينالىق مەكەمەلەرگە بەرىلەدى.

تۇرعىن ۇيلەردى ورتالىق جىلۋعا قوسۋدى 10 قازاننان باستاۋ جوسپارلانعان. جىلۋ ۇيگە بەرىلگەننەن كەيىن پيك پەن ميب ماماندارى ىشكى جىلۋ جۇيەلەرىن رەتتەيدى. ولار رادياتورلار مەن تىكقۇبىرلارداعى اۋانى شىعارىپ، قىسىمدى رەتتەيدى جانە جىلۋدىڭ پاتەرلەرگە بىركەلكى تارالۋىن قامتاماسىز ەتۋى ءتيىس.

— جىلۋ جەلىلەرىندە تۋىنداۋى مۇمكىن ماسەلەلەرگە جەدەل دەن قويۋ ءۇشىن ماتەريالدار مەن قاجەتتى جابدىقتاردىڭ قورى جاساقتالدى. 2026-2027 جىلدارداعى جىلىتۋ ماۋسىمىندا 16 اپاتتىق جانە جوندەۋ بريگاداسى كەزەكشىلىك اتقارادى. بارلىعى 220 مامان مەن 56 تەحنيكا جۇمىلدىرىلادى، — دەپ حابارلادى «الماتى جىلۋ جۇيەسى» جشس.

ەسكە سالايىق، بۇعان دەيىن ورال قالاسىندا تۇرعىن ۇيلەرگە جىلۋ بەرىلە باستادى.

سونداي-اق قىزىلوردا قالاسىنا جىلۋ بەرىلدى.

Abai.kz