قۇرىلتاي «ءشامشى قالداياقوۆ» مەدالى مەن «ەڭبەك سىڭىرگەن سۋرەتشى» اتاعىن تاعايىنداۋدى ماقۇلدادى، دەپ حابارلايدى اگەنتتىك ءتىلشىسى.

«قۇرىلتاي دەپۋتاتتارى «قازاقستان رەسپۋبليكاسىنىڭ مەملەكەتتىك ناگرادالارى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى»، - دەپ حابارلايدى سارسەنبىدە قۇرىلتايدىڭ ءباسپاسوز قىزمەتى.

زاڭ جوباسى مەملەكەت باسشىسىنىڭ ءبىرىنشى شاقىرىلىمداعى قۇرىلتايدىڭ ءبىرىنشى سەسسياسىنىڭ اشىلۋىندا مادەنيەت جانە ونەر سالاسىنداعى مەملەكەتتىك ناگرادالار تۋرالى زاڭنامانى جەتىلدىرۋ جونىندە بەرگەن تاپسىرماسىن ورىنداۋ ماقساتىندا ازىرلەنگەنى اتاپ وتىلەدى.

«زاڭ جوباسىندا وتاندىق مۋزىكا ونەرى مەن ءان شىعارماشىلىعىن دامىتۋداعى جەمىستى قىزمەتى مەن ەرەكشە ەڭبەگى ءۇشىن ازاماتتاردى ماراپاتتاۋعا ارنالعان «ءشامشى قالداياقوۆ» مەدالىن تاعايىنداۋ ۇسىنىلادى. بۇدان بولەك، بەينەلەۋ ونەرى قايراتكەرلەرىنە ۇزدىك شىعارمالار جاساعانى جانە وتاندىق كوركەمونەر مادەنيەتىن دامىتۋداعى ەرەكشە ەڭبەگى ءۇشىن «قازاقستاننىڭ ەڭبەك سىڭىرگەن سۋرەتشىسى» قۇرمەتتى اتاعىن ەنگىزۋ ۇسىنىلىپ وتىر»، - دەلىنگەن حابارلامادا.

Abai.kz