قر ءىىم قىلمىستىق-اتقارۋ جۇيەسى مەكەمەلەرىندەگى سوتتالعانداردى تاماقتاندىرۋمەن اينالىساتىن «ەڭبەك» رمك باسشىلارىن ۇقك سىبايلاس جەمقورلىققا قارسى قىزمەتىنىڭ قىزمەتكەرلەرى ۇستادى، دەپ حابارلايدى «باسە».

«قازاقستان ۇقك سىبايلاس جەمقورلىققا قارسى ءىس-قيمىل قىزمەتىنىڭ قىزمەتكەرلەرى «ەڭبەك» رمك باس ديرەكتورى ەرمەك شۇرمانوۆ پەن كاسىپورىننىڭ تاماقتاندىرۋ باسقارماسىنىڭ باستىعى فۇرقات حۋدايبەرگەنوۆتى ۇستادى»، – دەلىنگەن حابارلامادا.

باسىلىم دەرەككوزدەرىنىڭ مالىمەتىنشە، ۇستاۋ شاراسى تىكەلەي ولاردىڭ قىزمەتتىك كابينەتىندە جۇرگىزىلگەن. كاسىپورىن باسشىلارى ازىق-تۇلىك ساتىپ الۋ جانە ونى جەتكىزۋمەن بايلانىستى سىبايلاس جەمقورلىق قىلمىستارىن جاسادى دەگەن كۇدىككە ءىلىندى.

Abai.kz