الماتىداعى اتى شۋلى «شاڭىراق-2» شاعىناۋدانىنان تاعى دا شۋ شىقتى. بۇل جولى تابيعات اپاتىنان زارداپ شەگۋشىلەر كىمدى كىنالارىن بىلمەي داعدارىپ قالدى. ويتكەنى مامىر جانعا جايلى اي بولماي شىقتى. ءجيى جاۋعان جاڭبىر نوسەرگە ۇلاسىپ، ساي-سالادان باسپانا سالعانداردى ابىگەرگە تۇسىرۋدە. «شاڭىراقتا» وتكەن بەيسەنبىدەگى جاڭبىر سۋى شاعىناۋداننىڭ جوعارى تۇسىندا ورنالاسقان بوگەتتى بۇزىپ كەتىپ، ونسىز دا ازەر كۇن كورىپ وتىرعان ءجۇز ەلۋ ۇيدە تۇراتىن مىڭداعان تۇرعىندى شىرقىراتىپ قويدى. سايداعى سامان كەسەكپەن سالىنعان ۇيلەر سىر بەردى. ولاردىڭ ىشىندە 40-تان استام باسپانا قۇلاپ قالدى.
قالالىق توتەنشە جاعدايلار جونىندەگى دەپارتامەنت باسشىلارىنىڭ اقپاراتتارىنا قاراعاندا، الاتاۋ اۋدانىنا قاراستى «اقبۇلاق»، «دارحان»، «شاڭىراق-1» جانە «شاڭىراق-2» شاعىناۋداندارىندا دا سۋ استىندا قالعان جەر تەلىمدەرى جەتكىلىكتى. ولاردىڭ ىشىندە «شاڭىراق-2»-دەگى جاعداي ەلدى ەلەڭدەتەرلىكتەي. جاساندى كولگە جينالعان 1 ملن تەكشە مەتر جاعالاۋدى جىرىپ كەتكەن.

الماتىداعى اتى شۋلى «شاڭىراق-2» شاعىناۋدانىنان تاعى دا شۋ شىقتى. بۇل جولى تابيعات اپاتىنان زارداپ شەگۋشىلەر كىمدى كىنالارىن بىلمەي داعدارىپ قالدى. ويتكەنى مامىر جانعا جايلى اي بولماي شىقتى. ءجيى جاۋعان جاڭبىر نوسەرگە ۇلاسىپ، ساي-سالادان باسپانا سالعانداردى ابىگەرگە تۇسىرۋدە. «شاڭىراقتا» وتكەن بەيسەنبىدەگى جاڭبىر سۋى شاعىناۋداننىڭ جوعارى تۇسىندا ورنالاسقان بوگەتتى بۇزىپ كەتىپ، ونسىز دا ازەر كۇن كورىپ وتىرعان ءجۇز ەلۋ ۇيدە تۇراتىن مىڭداعان تۇرعىندى شىرقىراتىپ قويدى. سايداعى سامان كەسەكپەن سالىنعان ۇيلەر سىر بەردى. ولاردىڭ ىشىندە 40-تان استام باسپانا قۇلاپ قالدى.
قالالىق توتەنشە جاعدايلار جونىندەگى دەپارتامەنت باسشىلارىنىڭ اقپاراتتارىنا قاراعاندا، الاتاۋ اۋدانىنا قاراستى «اقبۇلاق»، «دارحان»، «شاڭىراق-1» جانە «شاڭىراق-2» شاعىناۋداندارىندا دا سۋ استىندا قالعان جەر تەلىمدەرى جەتكىلىكتى. ولاردىڭ ىشىندە «شاڭىراق-2»-دەگى جاعداي ەلدى ەلەڭدەتەرلىكتەي. جاساندى كولگە جينالعان 1 ملن تەكشە مەتر جاعالاۋدى جىرىپ كەتكەن.
Ђكىنىشكە قاراي، بىلتىر دا وسى جەرگە ات باسىن بۇرعان اكىمقارالار توسىن اپاتقا دايار تۇرۋ ءۇشىن سايدىڭ تابانىنان ەڭىسكە قاراي قۇبىر تارتاتىندىقتارىن ايتقان ەدى. امال قانشا، بۇل باستاما اياقسىز قالعان. ونسىز دا نوسەرلى كۇندەرى اياق الىپ جۇرگىسىز بالشىققا اينالاتىن سايعا ەندىگارى باسپانا سالماۋعا كەڭەس تە بەرىلگەن. بىراق تاعى دا ۇيلەر بوي كوتەرە باستاپتى. بۇل جولى دا ولار سۋ استىندا قالدى. تجد ماماندارى تاراتقان مالىمەتتەرگە قاراعاندا، جاساندى وزەننەن تومەن ورنالاسقان 700 جەر تەلىمىنىڭ يەلەرىن ءالى دە قانداي توسىن جاعدايلار كۇتىپ تۇرعانى بەلگىسىز.
ەڭ باستىسى، ءتۇن ىشىندە كولدىڭ سۋ بۇزعان ەرنەۋىن تۇرعىندار وزدەرى بارىپ بەكىتىپ، العاشقىلاردىڭ ءبىرى بولىپ قۇتقارۋ جۇمىستارىن جۇرگىزگەن. ەگەر كول دەڭگەيى ۇدايى ولشەنىپ، ساقتىق شارالارى جاسالعاندا، بۇل وقيعا بولماس تا ەدى.
– بۇل كولدىڭ يەسى بەلگىسىز. باقىلاۋشىلار دا جوق. قاۋىپتى ايماق سانالاتىن جەردە بەس جىلدان بەرى تۇرامىز. مۇنداي سۇمدىق بولماعان ەدى. «ەندى نە ىستەۋ كەرەك؟» دەگەن سۇراق تۋىندايدى. اكىمشىلىكتەن ماماندار كەلىپ، قازىر قۇتقارۋ شارالارى جاسالىپ جاتىر. ەڭ ءبىرىنشى كەزەكتە سايداعى سۋ ارنايى تەحنيكا كۇشىمەن سورعىزىپ الىنىپ، ۇلكەن ارىققا اعىزىلۋدا. وسىندا كەلگەن اكىمشىلىكتەگىلەر ماسكەۋدەن ماماندار شاقىرتىپ، جەردىڭ كەسكىندەمەلەرىن انىقتاپ، قوسىمشا شارالار قابىلداۋ ءۇشىن مەملەكەتتىك باعدارلاماعا ەنگىزبەكشى. قىسقاسى، سايدىڭ تابانىنا جينالعان سۋ اعىپ كەتەتىن قۇبىرلار سالىنادى. كومەككە كەلگەن ازاماتتارعا راقمەت، اكىمشىلىكتەگىلەر قۇلاعان، جارامسىز ۇيلەردى زاڭداستىرىپ، ناقتى كومەك بەرەتىندىكتەرىن ايتتى.
قازىر توتەنشە جاعدايلار دەپارتامەنتىنىڭ وكىلدەرى ءتۇننىڭ سۋىق بولۋىنا بايلانىستى تۇرعىنداردى №26 مەكتەپكە اپارىپ قوندىردى. ىستىق تاماقپەن قامتاماسىز ەتۋدە، – دەيدى جاپا شەككەن تۇرعىننىڭ ءبىرى روزا مىرزابەكوۆا.
– مەنىڭ جەتى بالام بار. ءۇيىمىزدى وسىدان بەس جىل بۇرىن سالعان ەدىك. قۇجاتتارى زاڭداستىرىلعان. اكىمشىلىكتەن كەلگەندەر كومەكتەسۋگە ۋادە بەردى. سودان ۇمىتتەنىپ وتىرمىز، – دەيدى بالعايشا جەكسەمباەۆا.
سۋ ورىپ كەتكەن جاعالاۋداعى كىشكەنە عانا باسپاناسىنان ايىرىلىپ قالعان جەسىر كەلىنشەك ورالاي بايىمبەكوۆانىڭ «باسپانالى» بولعانىنا ءتورت جىل بولىپتى. شىندىعى كەرەك، زاڭداستىرىلماعان دا. سوعان قاراماستان، اۋداندىق اكىمشىلىكتەگىلەر ول كىسىنى دە تابيعات اپاتىنان زارداپ شەككەندەر قاتارىنا قوسىپ، باسپانالى بولۋىنا مۇمكىندىك جاساماقشى كورىنەدى. بۇل دا قولىندا بيلىگى بار كىسىلەردىڭ ۇلكەن ازاماتتىعى ەكەنى داۋسىز.
جۇرتقا بارىنەن دە سايدى سۋدان تەزىرەك تازارتىپ، ۇيلەرىن جوندەپ الۋلارىنا كومەك قاجەت بولىپ تۇر. سەبەبى باسپاناسى سۋ استىندا قالعان وتباسىلاردىڭ بالالارى ءالى كۇنگە دالادا ءجۇر. كۇننىڭ سالقىندىعى دا تۇرعىندارعا وڭاي تيمەگەن سىڭايلى. الاتاۋ اۋدانىنىڭ ماماندارى كەشكىلىك اۋماقتا پالاتكالار تىگۋدى ۇيعارىپتى. توسەك-ورىندار تاراتىلعان. قالالىق قۇتقارۋ قىزمەتى اۆتوماتتى ەلەكتر قۋاتىمەن قامتاماسىز ەتەتىن جابدىق ورناتقان.
العاشقى كۇندەرى وسىندا بولعان قالا اكىمى احمەتجان ەسىموۆ تە كولدەگى سۋدىڭ كولەمىن ازايتىپ تۇرۋ ءۇشىن ارنايى قۇبىرلار سالىپ، سۋدى بۇرىنداي باعىتىندا اعىزىپ تۇرۋعا ۋادە ەتىپتى. قازىر «رەگيونگيدروستروي» جشس جۇمىسشىلارى قۇبىر سالۋعا كىرىسىپ تە كەتتى.
جانى كۇيزەلگەن جۇرتقا جاردەمدەسۋدى ءجون كورگەن «شاڭىراق» رەسپۋبليكالىق قوعامدىق ۇيىمى دا ارنايى شتاب قۇرىپ، جۇرتتى اسارعا شاقىرىپ جاتىر. ولار قايىرىمدى ازاماتتاردان ازىق-تۇلىك، پالاتكا، ماتراس، سۋ، كيىم-كەشەك جەتكىزۋدى سۇرايدى. بۇل ءۇشىن ارنايى قۇرىلعان شتابقا
385-10-43, 385-10-44, فاكس 292-36-85, 8-700-32-31-8-31, 8-777-308-18-94 تەلەفوندارى ارقىلى حابارلاسۋعا بولادى.

جولداسبەك دۋاناباي
“ايقىن” گازەتى 27 مامىر 2009 جىل