قانشا جاۋىر بولسا دا ايتپايىن دەسەڭ كۇيدىرىپ بارا جاتقان مەملەكەتتىك ءتىلدىڭ جايى تاعى. 10 اي  بۇرىن، پاۆلودارداعى بانك بولىمدەرىنىڭ بىرىنە سالىق تولەۋگە بارعان رۋزا بەيسەنبايتەگىنە  «تسەسنابانك» قىزمەتكەرلەرى «اتى-ءجونىڭىز قازاقشا بولعاندىقتان قىزمەت كورسەتە المايمىز» دەپ جاۋاپ بەرەگەن.   بەلگىلى ءتىل جاناشىرى رۋزا  «مەملەكەتتىك ءتىل» تۋرالى زاڭدى العا تارتىپ، ازاماتتىق قۇقىعىن تالاپ ەتكەننەن  كەيىن عانا اتالعان بانك قۇجاتتى قابىلداعان.  بىراق،  بانك تاراپى تۇتىنۋشىنىڭ قازاق تىلىندە جازعان اتى-ءجونىن قۇجاتقا تۇسىنىكسىز بەلگىلەرمەن تولتىرىپ بەرىپتى. مۇنىڭ سەبەبى رەتىندە بانكتە مەملەكەتتىك تىلدە جازاتىن باعدارلاما جوق دەپ تۇسىندىرگەن. مەملەكەتتىك ءتىلدىڭ بۇلاي قورلانعانىنا نارازى بولعان رۋزانىڭ استانا قالاسىنداعى اۋداندىق سوتقا تۇسىرگەن شاعىمى ناتيجەسىن بەردى. سوت شەشىمى بويىنشا بانك رۋزا بەيسەنبايتەگىنە 56 مىڭ تەڭگە مورالدىق وتەماقى تولەۋگە مىندەتتەلگەن. «تسەسنابانك» وكىلدەرى سوت شەشىمىمەن كەلىسپەي قايتا قاراۋعا ارىزدانعان. الايدا، استانا قالالىق سوتى شەشىمدى وزگەرىسسىز قالدىردى.

قازاق ءتىلىن مەنسىنە قويمايتىن «تسەسنابانك» قازاقستاندا 22 جىلدان بەرى جۇمىس ىستەپ كەلەدى. بانك ءوز باعدارلاماسىنا قازاق ءتىلىن قوسۋدى 20 جىل ىشىندە ەش ويلانباپتى. رۋزا بەيسەنبايتەگىنىڭ ەسىمىندە بار جالعىز قازاقشا ءارىپ - ء«ى». بۇل ءارىپ كەز كەلگەن ورىس ءتىلدى باعدارلامادا تانىلا بەرەدى، قالا بەردى ول لاتىن قارىپىنىڭ دە قاتارىندا بار. انىعىندا ماسەلە قازاق ارىپتەرىنىڭ بانك باعدارلاماسىندا جوقتىعىندا  ەمەس، ماسەلە بانكتىڭ مەملەكەتتىك ءتىلدى سىيلامايتىنىندا بولىپ وتىر.

قىسقاسى، «تسەسنابانكتىڭ» بۇل ارەكەتى قازاقتى، قازاقتىلىن قورلاۋدىڭ، مازاق ەتۋدىڭ كەزەكتى كورىنىسى بولىپ تابىلادى. ايتەپەسە، اتالعان بانك ءوز كليەنتىنىڭ جۇيكەسىنە ءتيىپ، تابانىنان توزدىرىپ، اۋىرە-سارساڭعا سالماس ەدى. دەپ كەلگەندە ماسەلە جالعىز قازاق قارىپى ء«ى»-دە ەمەس، ىشتەگى ىرىڭدە ەكەنى تۇسىنىكتى. ءبىزدىڭ قوعامداعى استام ويلى، نيگيليستىك دەرتكە ۇرىنعان قاۋىمنىڭ ىشىندەگى ىرىڭدە...

P.S. ازاماتتاردىڭ وتiنiشتەرiنە قايتارىلاتىن جاۋاپ تiلi مەملەكەتتiك جانە مەملەكەتتiك ەمەس ۇيىمداردىڭ ازاماتتاردىڭ وتiنiشتەرi مەن باسقا دا قۇجاتتارعا قايتاراتىن جاۋاپتارى مەملەكەتتiك تiلدە نەمەسە ءوتiنiش جاسالعان تiلدە بەرiلەدi.

(قازاقستان رەسپۋبليكاسىنىڭ ءتىل تۋرالى زاڭى، 2- تاراۋ 11-باپ)

نۇرتاي نۇرعالي

Abai.kz