باتىس ءباسپاسوزى رەسەي ۋكراينانىڭ شىعىسىنا باس كوكتەپ كىرىپ العان دا سياقتى جانە ونىڭ قازىرگى ءىس-ارەكەتى «جات قولىنداعى تۋدىڭ استىندا» بولعان قىرىم وقيعاسىن قايتالاۋعا ۇقسايدى» دەپ جازادى.   شىعىس ۋكرايناداعى اكىمشىلىك ۇيلەرىن رەسەيدىڭ ارنايى جاساقتارى باسىپ جاتىر ما، الدە رەسەيدىڭ دايىندىعىنان وتكەن ۋكرايندىكتەر يەمدەنۋدە مە؟  ءبىر نارسە انىق: ءپۋتيننىڭ ماقساتى – «جالعان ديپلوماتيانىڭ مۇمكىندىگىن پايدالانىپ» سوعىستان كەيىن ەۋروپامەن اراداعى شەكارانى رەسەيدىڭ ىڭعايىنا شەشىپ الۋ، دەيدى باتىس ءباسپاسوزى.

«ۋكرايناداعى قاقتىعىستى ەندى توقتاتۋ قيىن بولۋى مۇمكىن. ەگەر وباما مەن كەرريدىڭ ۋادەسىنە وراي اقش قاجەتتى شارالاردى قولدانباسا، ۋكرايناداعى ازىرگە بار قالعان-قۇتقان سەنىمنەن ايرىلادى. 13 ساۋىردە باستالعان سوعىس جالعاسا بەرسە، ۆاشينگتون كيەۆتى «قاناتسىز» قۇرالدارمەن جانە قارۋ-جاراقپەن قامتاماسىز ەتۋى ءتيىس. ەگەر ۋكرايندىقتار ءوز وتاندارى ءۇشىن سوعىسۋعا ءماجبۇر بولسا، ولارعا كومەكتەسۋ قاجەت»، - دەپ جازادى  The Washington Post.

قىرىمدى ءۇنتۇنسىز جاۋالاپ العانىن ەسكەرتە كەلە  The Wall Street Journal رەسەي ۋكراينانىڭ شىعىسىنا باسىپ كىردى دەيدى.

«بۇل رەتتەگى ايىرماشىلىق  ۋكراينا بارلىق كۇشىن جۇمىلدىرىپ، قارۋلى كۇشتەرىن «شىعىستاعى انتيتەررورلىق ارەكەتتەرگە جۇمسايدى» دەيدى اتالعان باسىلىم. 

  «رەسەي ۋكراينانىڭ تەرريتورياسىن تاعى دا قۇپيا تۇردە باسىپ الدى، - دەپ حابارلايدى The Times. – ۇكىمەت ۇيلەرىنە كىرىپ «جايعاسقاندار» رەسەيدىڭ ارنايى جاساعى بولىپ كيىنىپ العاندار ما، الدە، ماسكەۋدەن ءدارىس وقىپ دايىندالعان جەرگىلىكتى ۋكرايندىقتار ما، ول ەندى ماڭىزدى ەمەس. ولاردىڭ ەندىگى ماقساتى – 25 مامىردا سايلانۋى ىقتيمال بيلىكتى بولدىرماي، ۋكراينادا تۇراقسىزدىق قالىپتاستىرۋ».

«جات تۋدىڭ استىندا ءىس-قيمىلدار» جاساۋ ارەكەتىنىڭ «ەڭ ىرگەلىسى» زاماناۋي تاريحتا 1939 جىلى بولعان ەدى. پولياكتاردىڭ اسكەري كيىمىن كيگەن نەمىس سولداتتارى نەمىستىڭ راديوستانسالارىنا شابۋىلدار جاسادى. مىنە، وسى جايت گيتلەردىڭ پولشاعا باسىپ كىرۋىنە سەبەپ تۋدىردى. پۋتين، ارينە، ءوزىن ناتسيست ديكتاتورمەن قاتار قويۋدى قالامايدى، سوندىقتان ول ءوزىن قالىپقا ساي ۇستاي ءبىلۋى كەرەك» دەپ ەسكەرتەدى The Times. 

 «ۆلاديمير ءپۋتيننىڭ ۋكرايناعا قاتىستى قولدانىپ وتىرعان تاكتيكاسىندا ءمىن جوق، الايدا، ستراتەگيالىق تۇرعىدان ول الىستى كوزدەي الماۋدا»، -  دەلىنگەن The Independent باسىلىمىنىڭ رەداكتسيالىق ماقالاسىندا. ماقالادا سونداي-اق، ۋكراينانى ۇرەيلەندىرىپ  وتىرعان رەسەيدىڭ دورەكى، دەسپوت ەل ەكەندىگى تۋرالى باتىستا بۇرىننان قالىپتاسقان پىكىردىڭ كۇشەيە تۇسكەنى ايتىلادى.

«ۋكرايناداعى داعدارىسقا پۋتين كۇشتىلىگىنەن ەمەس، السىزدىگىنەن بولىپ ارالاستى. بۇنىسىمەن ول يۋگوسلاۆيا رەسپۋبليكالار وداعىنان سەربتىڭ ۇلكەن دەرجاۆاسىن جاساماققا ارەكەتتەنىپ، اقىرىندا مەنشىگىندەگى كومپارتيانىڭ كۇيرەپ تىنۋىمەن اياقتالعان سلوبودان ميلوشەۆيچتى ويىمىزعا ورالتادى»، - دەگەن سوزدەر بار The Independent باسىلىمىنىڭ رەداكتسيالىق ماقالاسىندا.

ء«بىر كەزدەگى يۋگوسلاۆيا سياقتى رەسەي قازىر قۇلاۋدىڭ قارساڭىندا تۇر» دەپ قورتىندىلايدى  The Independent باسىلىمى ءوزىنىڭ رەداكتسيالىق ماقالاسىن.

باتىس باسپاسوزىنە شولۋ جاساعان – Abai.kz