مەملەكەت باسشىسىنىڭ جارلىعىمەن ادىلبەك جاقسىبەكوۆ قر مەملەكەتتىك حاتشىسى قىزمەتىنە تاعايىندالدى. بۇل تۋرالى اقوردانىڭ تۆيتتەردەگى پاراقشاسىندا جاريالاندى. 

ءومىربايانى: 

1954 ج. 26 شىلدەدە قوستاناي وبلىسى قارابالىق اۋدانى ءبۇرلى اۋىلىندا دۇنيەگە كەلگەن.
1978 ج. بۇكىلوداقتىق كينەماتوگرافيا (ماسكەۋ ق.) مەملەكەتتىك ۋنيۆەرسيتەتىن تامامداعان، 1987 ج. پلەحانوۆ اتىنداعى حالىق شارۋاشىلىعى ينستيتۋتىندا «ماتەريالدىق-تەحنيكالىق جابدىقتاۋدىڭ ۇيىمداستىرۋشىسى» ماماندىعى بويىنشا قايتا دايارلىقتان وتكەن. ەكونوميكا عىلىمدارىنىڭ كانديداتى.

قازاق كسر مەمكينو جۇيەسىندە، ماتەريالدىق-تەحنيكالىق جابدىقتاۋ ورگاندارىندا جۇمىس ىستەپ، كاسىپورىندارعا باسشىلىق ەتكەن.
1988—95 جج. كوپسالالى «تسەسنا» كورپوراتسياسىنىڭ باسشىسى.
1995 ج. قازاقستان رەسپۋبليكاسى پارلامەنتىنىڭ سەناتىنا سايلانادى.
1996 ج. اقمولا وبلىسى اكىمىنىڭ ورىنباسارى قىزمەتىنە تاعايىندالادى.
1997 ج. جەلتوقسانىنان 2003 ج. ماۋسىمىنا دەيىن استانا قالاسىنىڭ اكىمى.
2003 ج. شىلدەسىنەن 2004 ج. جەلتوقسانىنا دەيىن قازاقستان رەسپۋبليكاسى يندۋستريا جانە ساۋدا ءمينيسترى.
2004 ج. جەلتوقسانىنان قازاقستان رەسپۋبليكاسى پرەزيدەنتى اكىمشىلىگىنىڭ باسشىسى.
2008 ج. قاڭتارىنان نۇر وتان حالىق دەموكراتيالىق پارتياسى توراعاسىنىڭ ءبىرىنشى ورىنباسارى.
2008 ج. قاراشا ايىنان قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى.
«قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ»، III دارەجەلى «بارىس»، ءىى دارەجەلى كنياز ياروسلاۆ مۋدرىي (ۋكراينا) وردەندەرiمەن، باسقا دا ۇكىمەتتىك ناگرادالارمەن ماراپاتتالعان.
استانا قالاسىنداعى «دوڭگەلەك الاڭ» ساۋلەت كەشەنى ءۇشىن قازاقستان رەسپۋبليكاسىنىڭ 2008 جىلعى مەملەكەتتىك سىيلىق يەگەرى. 
«زاجەچ زۆەزدۋ-ستوليتسۋ»، «تاك ناچينالاس استانا. زاپيسكي پەرۆوگو اكيما ستوليتسى» كىتاپتارىنىڭ اۆتورى.
2009 ج. ماۋسىم ايىنان قازىرگە دەيىن  قازاقستان رەسپۋبليكاسىنىڭ قورعانىس ءمينيسترى قىزمەتىن اتقاردى.

"اباي-اقپارات"