بۇگىن پارلامەنت ءماجىلىسىنىڭ توراعاسى نۇرلان نىعماتۋليننىڭ جەتەكشىلىگىمەن وتكەن پالاتانىڭ جالپى وتىرىسىندا «قازاقستان رەسپۋبليكاسى مەن وزبەكستان رەسپۋبليكاسى اراسىنداعى ستراتەگيالىق ارىپتەستىك تۋرالى شارتتى راتيفيكاتسيالاۋ تۋرالى» زاڭ جوباسى ماقۇلداندى دەپ حابارلايدى «قازاقپارات». 

شارت تالاپتارىنا سايكەس، قازاقستان مەن وزبەكستان وزدەرىنىڭ قارىم-قاتىناستارىن تەڭدىك، ءوزارا سەنىم، ستراتەگيالىق ارىپتەستىك نەگىزىندە قالىپتاستىراتىن بولادى.

قۇجاتقا سايكەس، ەكى مەملەكەتتىڭ نەمەسە بىرەۋىنىڭ قاۋىپسىزدىگىنە قاتەر تونگەن جاعدايدا قوس تاراپ ول ماسەلەنى كەڭەسىپ، ورتاق شەشىمگە كەلەتىن بولادى. سوعان سايكەس قازاقستان مەن وزبەكستان ءوزارا اسكەري جانە اسكەري-تەحنيكالىق سالالاردا، ازاماتتىق قورعانىس سالاسىندا ىنتىماقتاسادى.

بۇل دەگەن ءسوز ءبىزدىڭ ەلىمىزگە قانداي دا ءبىر قاتەر تونگەن جاعدايدا وزبەك باۋىرلارىمىز قاراپ تۇرمايدى دەگەن ءسوز. كەرىسىنشە وزبەك جۇرتىنا كوز الارتقاندار بولسا قازاق بيلىگى دە ءتيىستى قادامعا بارادى.

ناقتى ايتساق، مۇستافا شوقاي ارمانداعان تۇركى بىرلىگىنىڭ، ەلباسىمىز ايتىپ جۇرگەن «ورتا ازيا ەلدەرى وداعى» يدەياسىنىڭ ناتيجەسى بۇل.

«اباي-اقپارات»