پەتروپاۆلدەگى زاڭداستىرۋ كوميسسياسىنا 200-دەن استام ادام ءوتىنىش ءبىلدىردى
پەتروپاۆل قالاسىنداعى زاڭداستىرۋ كوميسسياسىنا 2 قىركۇيەككە دەيىن 200-دەن استام تۇرعىن ءوتىنىش بىلدىرگەن دەپ حابارلايدى BNews.kz.
قالا اكىمىنىڭ ورىنباسارى، زاڭداستىرۋ بويىنشا قۇرىلعان كوميسسيا ءتورايىمى زاۋرە نۇرمۇقانوۆا وسىنداي مالىمەت بەرىپ وتىر.
"تۇرعىنداردىڭ ءوتىنىشىن قالا اكىمدىگى اپپاراتىنىڭ كەڭسەسى ارقىلى قابىلداپ جاتىرمىز. زاڭداستىرۋ بويىنشا كوميسسيا جۇمىس ىستەۋدە. ونىڭ قۇرامىنا سالىق ينسپەكتسياسى، ادىلەت باسقارماسى جانە ت.ب. ورگانداردىڭ وكىلدەرى كىرگەن. جالپى قالا بويىنشا 19 اتتەستاتسيالانعان ساراپشى جۇمىس ىستەيدى" دەدى ز.نۇرماقانوۆا.
حالىقتى نەگىزىنەن زاڭداستىرۋ تۋرالى زاڭناما، زاڭداستىرۋ سۋبەكتىلەرىنە قاتىستى ساۋالدار قىزىقتىرادى ەكەن. نۇرماقانوۆانىڭ ايتۋىنشا، زاڭداستىرۋ ەكى باعىت بويىنشا جۇرگىزىلىپ جاتىر: وزگە تۇلعاعا راسىمدەلگەن مۇلىك جانە ءوز جەر ۋچاسكەسىندە رۇقساتسىز سالىنعان نىساندار.
اباي-اقپارات
