بۇگىن  وڭتۇستىك قازاقستان وبلىسىنىڭ اكىمى اسقار مىرزاحمەتوۆتىڭ قاتىسۋىمەن كونستيتۋتسيا كۇنىنە وراي «وركەندەۋ مەن تۇراقتىلىقتىڭ كەپىلى – اتا زاڭ» فورۋمى ءوتتى. مەملەكەت باسشىسى ن.ءا.نازارباەۆ: «كونستيتۋتسيانىڭ بىزگە بەرگەن ەڭ باستى قۇندىلىعى – تاڭداۋ قۇقىعى، باسقاشا ايتقاندا، ءوز ءومىرىڭنىڭ قوجاسى بولۋى كەز كەلگەن قازىنادان باعالى» دەپ، مەملەكەتتىك بيلىكتىڭ قاينار كوزى حالىقتىڭ ءوزى ەكەنىن ايقىنداعان بولاتىن.

بيىل ساياسي تۇراقتىلىق پەن ىشكى تىنىشتىقتى ساقتاپ، بارشا قازاقستاندىقتاردى بەرەكەلى بىرلىك پەن پايىمدى پاراساتتىلىققا ۇيىستىرۋدى ماقسات تۇتقان كونستيتۋتسيامىزدىڭ قابىلدانعانىنا 19 جىل. وبلىستىق ىشكى ساياسات باسقارماسىنىڭ ۇيىمداستىرۋىمەن وتكەن فورۋمدا وبلىس اكىمىنىڭ ءبىرىنشى ورىنباسارى بەرىك وسپانوۆ بايانداما جاسادى. شاراعا زيالى قاۋىم، قۇقىق قورعاۋ ورگاندارىنىڭ باسشىلارى، ءماسليحات دەپۋتاتتارى مەن ەتنو-مادەني ورتالىقتارىنىڭ وكىلدەرى، جاستار قاتىستى.

م.اۋەزوۆ اتىنداعى وقمۋ ءدىنتانۋ زەرتتەۋلەر ورتالىعىنىڭ جەتەكشىسى، ت.ع.ك. عاپپار مايماقوۆ، وبلىس پروكۋرورىنىڭ م.ا. قايرات ءادىحانوۆ، وبلىستىق ارداگەرلەر كەڭەسىنىڭ توراعاسى جەڭىسبەك ماۋلەنقۇلوۆ، وبلىستىق سلاۆيان ەتنو-مادەني ورتالىعىنىڭ توراعاسى يۋري كيريۋحين، وبلىستىق وزبەك ەتنو-مادەني ورتالىعى جانىنداعى «جاس وتان» جاستار قاناتىنىڭ جەتەكشىسى ريحسيباي مامەدوۆر ءسوز سايلەدى.

فورۋم بارىسىندا كونستيتۋتسيا كۇنىنە ارنالعان بەينەفيلم كورسەتىلىپ، مەرەكەلىك پاتريوتتىق اندەر شىرقالدى.

وقو اكىمى اپپاراتىنىڭ ءباسپاسوز قىزمەتى