وتكەن اپتادا قازاقستاننىڭ وڭتۇستىك قازاقستان، قوستاناي وبلىستارىنىڭ كەيبىر تۇرعىندارى ۋكراينانىڭ دونباسس قالاسىندا ويران سالىپ جاتقان سەپاراتيستەرگە كومەك بەرۋدى ۇيىمداستىرعان ەدى. سول كەزدە ۋكرايناداعى سەپاراتيستەرگە جاردەم بەرۋگە رەسەيلىك الەۋمەتتىك جەلى قولدانۋشىلارى ءارتۇرلى ۇراندار جازىپ، مۇرىندىق بولعان ەدى. سەپاراتيستەرگە جاردەمدەسۋ ماسەلەسىن قازاقستانداعى ءورىستىلدى گازەتتەر مەن zakon.kz, nur.kz  قاتارلى سايتتار جاپا-تارماعاي جازىسقان. انەۋگۇنى رەسەيدىڭ  «ۆكونتاكتە» الەۋمەتتىك جەلىسىندە قازاقستاننىڭ سولتۇستىك بەس وبلىسىن رەسەي قوسۋعا ۇندەيتىن سۋرەت جارىق كورگەنىن Facebook قولدانۋشىلارى مەملەكەتكە ءتونىپ كەلە جاتقان قاۋىپ رەتىندە كورسەتىپ، پاراقشالارىندا جاريالاعان.

سوندىقتان الەۋمەتتىك جەلىلەردە قازاقستانعا قاراي جىلىستاپ كەلە جاتقان قاۋىپتىڭ الدىن الىپ، بولدىرماس ءۇشىن پارلامەنت دەپۋتاتتارىنىڭ تالقىسىندا جاتقان قىلمىستىق كودەكستىڭ جاڭا جوباسىنا مەملەكەتتىڭ تەرريتوريالىق تۇتاستىعى مەن تاۋەلسىزدىگىنە قاۋىپ توندىرەتىن جانە قازاقستان ازاماتتارىن وزگە ەلدىڭ (دىنىنە، ۇلتىنا قاراماستان) تەرريتورياسىنداعى تەرروريستىك، سەپاراتيستىك پيعىلداعى توپتاردى قولداۋعا شاقىراتىن الەۋمەتتىك جەلىلەردەگى جازبالاردىڭ يەلەرىن جاۋاپقا تارتاتىن ارنايى باپ ەنگىزىلۋى كەرەك.

مۇنداي باپتىڭ قىلمىستىق كودەكستىڭ جاڭا جوباسىنا ەنگىزىلۋى - ۋاقىت تالابى. ويتكەنى بۇل –  وتكەندە عانا جوباعا ەنگىزىلگەن «الەۋمەتتىك جەلىلەردە ادامنىڭ ار-نامىسىنا تيەتىن كوممەنت ءۇشىن 500 اەك (1 اەك – 1852 تەڭگە ) ايىپپۇل نەمەسە 3 اي قارا جۇمىسقا جەگۋ تۋرالى» نورمادان الدەقايدا ماڭىزدى (http://abai.kz/post/view?id=818).

زاڭ جوباسىن تالقىلاپ جاتقان دەپۋتاتتار جەكە ادامنىڭ ار-نامىسىنان بۇرىن مەملەكەتتىڭ تۇتاستىعى مەن قاۋىپسىزدىگىن جانە ەلگە تونەتىن قاۋىپتىڭ الدىن الۋدى ويلاعاندارى ءجون شىعار.

Abai.kz