بيىل 6 شىلدە كۇنى «اسقاقتاي بەر، استانا!» اتتى جىل سايىنعى ءداستۇرلى كونتسەرتكە امەريكالىق ءانشى Akon قاتىسادى، دەپ حابارلايدى Bnews.kz.

 Akon الەمدەگى تانىمال انشىلەردىڭ ءبىرى. جاستاردىڭ سۇيىكتى ءانشىسى I Wanna Love You, Smack That, Belly Dance, Lonely, Right now سىندى حيت اندەردى ورىندايدى. ونىڭ العاشقى Trouble اتتى البومى وسىدان 10 جىل بۇرىن جارىق كوردى، اتاپ ايتار بولساق، 2004 جىلدىڭ ماۋسىم ايىندا تۇساۋى كەسىلدى. سودان كەيىن ونىڭ جۇلدىزى جارقىراپ الەمدىك چاتتاردىڭ الدىڭعى قاتارىنان كورىندى. 2008 جىلى ەكىنشى البومى دا ءساتتى شىعىپ، جۇلدىزدىڭ ايى وڭىنان تۋدى.

قالا كۇنىندە «اسقاقتاي بەر، استانا!» شوۋىنىڭ حەدلاينەرى امەريكالىق R'n'B-ءانشى Akon بولادى. استانانىڭ 16 جىلدىعىنا ارنالعان كونتسەرتتە تانىمال ءارى حيت-شەرۋلەردى باستاپ كەلە جاتقان وتاندىق ەسترادا جانە شەتەلدىك جۇلدىزدار ونەر كورسەتەدى. ناقتىراق ايتساق، The Jigits, عالىمجان مولدانازاروۆ، قايرات نۇرتاس، "پيتستسا" توبى، پولينا گاگارينا، Blue توبى.

ەستەرىڭىزگە سالا كەتەيىك، 2013 جىلى تۇنگى بي كەشىنىڭ حەدلاينەرى «The Pussycat Dolls» توبىنىڭ ءانشىسى نيكول شەرزينگەر بولعان ەدى. بۇدان سىرت جىل سايىن استانا كۇنى قارساڭىندا الەمنىڭ ءار تۇكپىرىنەن تانىمال انشىلەر مەن وپەرا جۇلدىزدارى، بي مايتالماندارى شاقىرىلۋدا. ءبىر انىعى «مارتەبەسى» بيىك شەتەل جۇلدىزدارى استانانى تۋعان كۇنىمەن تەگىن «قۇتتىقتاپ» كەتپەيدى.

اباي-اقپارات