قمگ ءبو جاستار قوزعالىسى تۋرالى
جاس ماماندار كەڭەستەرى قمگ ءبو كومپانياسىنىڭ ورتالىق اپپاراتىندا دا، ەنشىلەس كاسىپورىندارىندا دا جۇمىس جاسايدى. 2012 جىلدان بەرى «وزەنمۇنايگاز» اق جانە «قاراجانباسمۇناي» اق جاس ماماندار كەڭەسى بەلسەندى جۇمىس اتقارىپ كەلەدى. 2014 جىلدىڭ كوكتەمىندە «ەمبىمۇنايگاز» اق مەن «قازگەرمۇناي» بك» جشس جاس ماماندار كەڭەستەرى قۇرىلدى. بيىلعى جىلدىڭ سوڭىنا دەيىن قمگ ءبو بارلىق ەنشىلەس ۇيىمدارىندا جاس ماماندار كەڭەسى قۇرىلادى دەپ جوسپارلانىپ وتىر.
جاس ماماندار كەڭەسىنىڭ العاشقى فورۋمى 2013 جىلدىڭ 14 ماۋسىمىندا وتكىزىلدى. وندا «قازاقستان مۇناي-گاز سالاسىنىڭ بولاشاعى - جاستار جاۋاپكەرشىلىگى» دەكلاراتسياسى قابىلداندى. دەكلاراتسيا قمگ ءبو جاستار قوزعالىسىنىڭ نەگىزگى پرينتسيپتەرى مەن قۇندىلىقتارىن ايقىندايدى: ۇرپاقتار ساباقتاستىعى، ۇزدىكسىز جەتىلدىرۋ جانە تيىمدىلىك، مەريتوكراتيا، بەلسەندىلىك جانە ىنتىماقتاستىق.
2014 جىلدىڭ 18 ساۋىرىندە استانادا جاس ماماندار كەڭەسى وكىلدەرى مەن قمگ ءبو ەنشىلەس كومپانيالارى مەن بىرلەسكەن كاسىپورىندارىنىڭ بەلسەندى جاستارى قاتىسقان دوڭگەلەك ۇستەل وتكىزىلدى. ونىڭ قورىتىندىسى بويىنشا قمگ ءبو جاستار قوزعالىسىنىڭ ميسسياسى مەن ماقساتتارى ماقۇلداندى.
جاستار قوزعالىسىنىڭ ميسسياسى - جاستاردىڭ قومپانيا جۇمىسىنا، سونىڭ ىشىندە كومپانيانىڭ وندىرىستىك جانە ستراتەگيالىق ماسەلەلەرىن شەشۋگە بەلسەنە ارالاسۋىنا سەرپىن بەرۋ. سونىمەن قاتار، جاس مامانداردا كورپوراتيۆتىك قۇندىلىقتاردى قالىپتاستىرۋ، قمگ ءبو كومپانيالار توبى ستراتەگياسىنا سايكەس ولاردىڭ عىلىم، تەحنيكا، ءوندىرىستى باسقارۋداعى قابىلەتتەرىن اشۋ جانە ولاردى جەتىلدىرۋ.
قمگ ءبو جاستار قوزعالىسىنىڭ بىرنەشە ماقساتى بار. ءبىرىنشىسى – قمگ ءبو كومپانيالار توبىنداعى وندىرىستىك، اكىمشىلىك-شارۋاشىلىق ۇردىستەردىڭ تيىمدىلىگىن ارتتىرۋ ءۇشىن جانە قورلاردى ءتيىمدى پايدالانۋ ءارى شىعىنداردى ازايتۋ ماقساتىندا راتسيونالدىق، يننوۆاتسيالىق جوبالاردى ۇسىنۋ جانە ولاردىڭ وندىرىسكە ەنگىزىلۋىنە بارىنشا ىقپال ەتۋ. ەكىنشىسى – قمگ ءبو كومپانيالار توبىنداعى جاس مامانداردىڭ وقىپ، جەتىلۋىنە جاعداي جاساۋ. قمگ ءبو كومپانيالار توبىنا كىرەتىن كاسىپورىندارداعى جاس مامانداردىڭ ءوزارا ىنتىماقتاستىعىن ارتتىرۋ. ءۇشىنشىسى – جاس قىزمەتكەرلەردىڭ دەنساۋلىعىن نىعايتىپ، ولاردىڭ رۋحاني دامۋىنا سەپتىگىن تيگىزۋ جانە الەۋمەتتىك، مادەني، سپورت شارالارىن ۇيىمداستىرۋ ارقىلى قمگ ءبو ۇجىمدارىنىڭ بىرلىگىن ارتتىرۋ.
2014 جىلدىڭ ءساۋىر ايىندا وتكەن دوڭگەلەك ۇستەلدىڭ ناتيجەسى بويىنشا قمگ ءبو كومپانيالار توبىنداعى بارلىق جاس ماماندار كەڭەستەرىنە ارنالعان ەرەجە بەكىتىلگەن، جاستار قوزعالىسىنىڭ بەلگىسى مەن ۇرانى ماقۇلدانعان بولاتىن. ۇرانى: «بىرلىگى مىقتى جاستار – بولاشاققا جول باستار!».
ورتالىق اپپارات جاس ماماندار كەڭەسىنىڭ باستاماسىمەن جۇمىستان تىس ۋاقىتتا بارلىق قىزمەتكەرلەرگە شەبەرلىك كلاستارى وتكىزىلەدى، وندا باسشىلىق پەن قاتارداعى قىزمەتكەرلەر تاجىريبەسىمەن، بىلىمىمەن بولىسەدى. مىسالى، ستراتەگيا جانە تاۋەكەلدەردى باسقارۋ دەپارتامەنتى ديرەكتورىنىڭ ورىنباسارى دەنيس كورسۋنوۆ باسقارۋ شەشىمدەرىنىڭ تيىمدىلىگىنە ساراپتاما جاساپ، «جەتى رەت ولشە» اتتى تاقىرىپتا شەبەر سىنىبىن وتكىزدى، گەولوگيا جانە يگەرۋ جونىندەگى باسقارۋشى ديرەكتور مۇرات مۇستافاەۆ - «گەولوگيا مەن يگەرۋ جايلى قاراپايىم تىلمەن ايتقاندا»، ال ينجەنەرلىك ورتالىقتىڭ ديرەكتورى مىرزاعالي ماساتوۆ «بۇرعىلاۋ. تاسىلدەرى مەن نەگىزگى تەحنولوگيالىق وپەراتسيالارى» تاقىرىبىندا شەبەرلىك سىنىپتار وتكىزدى.
جاس ماماندار كەڭەستەرى ءوندىرىس القاپتارىندا دا قايىرىمدىلىق اكتسيالارىن ۇيىمداستىرىپ، ايماقتى جاسىلداندىرۋ مەن كوركەيتۋ شارالارىنا قاتىسىپ، سپورت سايىستارى مەن قىزىقتى سپيكەرلەرمەن كەزدەسۋ وتكىزىپ تۇرادى.
بايلانىس اقپاراتى:
قمگ ءبو جۇرتشىلىقپەن بايلانىس دەپارتامەنتى
