الماتى تۇرعىنى سيرياداعى لاڭكەستىك ارەكەتكە قاتىسقانى ءۇشىن 7 جىلعا سوتتالدى. ۇكىمدى كەشە المالى اۋداندىق سوتىنىڭ سۋدياسى شىعاردى. بۇل تۋرالى قالالىق سوتتىڭ ءباسپاسوز حاتشىسى قۋاندىق ەشىمەتكە سىلتەمە جاساپ قازاقپارات حابارلادى.

سوت ۇكىمى بويىنشا  الماتى تۇرعىنى كامىل ابدۋللينگە قر قك 233-2-بابىنىڭ 2-تارماعى (لاڭكەستىك توپتى قۇرۋ، باسقارۋ، قاتىسۋ), 233-1-بابىنىڭ 2-تارماعى بويىنشا (لاڭكەستىك پەن ەكسترەميزمگە اشىقتان-اشىق ۇندەۋ), 164-بابىنىڭ 2-تارماعى بويىنشا (الەۋمەتتىك، ۇلتتىق، ءدىني تۇرعىدان ارازدىق تۋدىرۋ) كىنالى دەپ ايىپ تاعىلىپ، وعان جالپى رەجيمدەگى كولونيادا 7 جىل كولەمىندە جازا كەسىلدى.

سوت وتىرىسى بارىسىندا ايتىلعان مەملەكەتتىك ايىپتاۋشىنىڭ ءسوزى بويىنشا كامىل ابدۋللين 2013 جىلدىڭ مامىر ايىنىڭ سوڭىندا سيرياداعى جيحادقا قاتىسقان. 2013 جىلدىڭ 1 ماۋسىمىندا تۇرىك-سيريا شەكاراسىنداعى الەپپو قالاسىنداعى بەلسەندى قارۋلى قاقتىعىستارعا قاتىسقان. «ابۋزار» لاقاپ اتىن جامىلعان ول «ەسكى تۇركىستان» مونوۇلتتىق لاڭكەستىك توپتىڭ قۇرامىنا جۇمىس ىستەگەن. وسى جەردە ءجۇرىپ اسكەري دايىندىقتان ءوتىپ، قارۋدى قالاي قولدانۋعا ماشىقتانعان.  پروكۋرورلاردىڭ ايتۋىنشا، اتالعان راديكالدى توپتىڭ مۇشەسى بولا ءجۇرىپ، ول جوعارىدا وزىنە تاعىلعان قىلمىستاردىڭ ءبارىن جاساعان.

اباي-اقپارات