اتىراۋ قالاسىنىڭ ماڭىنداعى جۇمىسكەر كەنتىندە ورنالاسقان ي.تايمانوۆ اتىنداعى مەكتەپتتىڭ وقۋشىلارى مەن مۇعالىمنىڭ ۋلانۋ سەبەبى بەلگىلى بولدى. ولار كادىمگى تۇتىنىستاعى گاز باللونىن بۇركۋىنەن كەيىن وزدەرىن ناشار سەزىنگەن ەكەن.

بۇل تۋرالى «وقۋشىلاردىڭ ءبىرىنىڭ مەكتەپتىڭ 1-قاباتىنداعى كيىمىلگىش بولمەسىنە گاز باللونىنان بۇركۋى سالدارىنان جوعارعى سىنىپتاردىڭ 21 وقۋشىسى مەن مەكتەپتىڭ ءبىر قىزمەتكەرى اەروزولدىق گازعا ۋلانۋ بەلگىسىمەن اۋرۋحاناعا جەتكىزىلدى. زارداپ شەككەندەرگە دەر كەزىندە كومەك كورسەتىلدى، سونىڭ ارقاسىندا اتالعان مەكتەپتىڭ بىردە-ءبىر وقۋشىسى جانە قىزمەتكەرى جانساقتاۋ بولىمىنە تۇسكەن جوق. 22 قاڭتارداعى ساعات 18:00-دەگى جاعداي بويىنشا 18 وقۋشى اۋرۋحانادان شىعارىلدى. ءۇش وقۋشى ءارتۇرلى شامالى شاعىممەن  دارىگەرلەردىڭ قاراۋىندا قالدىرىلدى»، - دەپ حابارلادى وبلىس اكىمدىگىنىڭ ءباسپاسوز قىزمەتى.  

ال، اتىراۋ قالاسى ءبىلىم ءبولىمىنىڭ جەتەكشىسى نۇرساۋلە سايلاۋوۆا: «الدىن الا مالىمەتتەر بويىنشا، وقۋشىلاردىڭ ءبىرى بۇزاقىلىقپەن ەمەس، اۋەستىكپەن گاز باللونىن بۇرىككەنىن موينىنا الدى» دەپ تۇسىنىك بەردى وقيعاعا وراي.

وقيعاعا ورنىنان اۋرۋحاناعا جەدەل جەتكىزىلگەن وقۋشىلار مەن ولاردىڭ ۇستازىنىڭ جاعدايىن بىلۋگە اتىراۋ وبلىسىنىڭ اكىمى باقتىقوجا ىزمۇحانبەتوۆتىڭ ءوزى بارعان بولاتىن. ءوڭىر باسشىسى زارداپ شەككەندەردىڭ حال-جاعدايىن ءبىلىپ، جاۋاپتى ورگاندارعا ءوڭىر وقۋشىلارىنىڭ اراسىندا مۇنداي وقيعاعا جول بەرمەۋ ماقساتىندا الدىن الۋ جۇمىستارىن جۇرگىزۋدى تاپسىردى.

اباي-اقپارات.