جۇما, 29 ناۋرىز 2024
ادەبيەت 7011 0 پىكىر 6 قاڭتار, 2015 ساعات 14:23

تالعات ەشەنۇلى. تاعدىر ساپارى

تاعدىرىم كەيدە جات،
ءاي ءبىر،
جەتىم بوتاداي بوزدايدى.
كەيدە ەندى جانعان وت،
ءاي ءبىر،
ورتەنىپ كەتە جازدايدى.

بوزداعانداعى جاسىمەن
ءورت مىنەزىمدى وشىرەم.
تاعدىرىم، ساعان نەسىنە
ەگە بولدى ەكەم وسى مەن؟

قۋانسا كەيدە بالاداي
قولدى-اياققا تۇرمايدى.
تۇنەرسە تۇككە قاراماي
سوڭعى كۇلكىمدى ۇرلايدى.

بىرەسە تاۋداي وسىرەم،
بىرەسە جاۋداي وشىگەم.
تاعدىرىم، ساعان نەسىنە
ەگە بولدى ەكەم وسى مەن؟

ءيىدىڭ، كەيدە قاتايدىڭ،
ساپارىڭ جايسىز، زور قانداي – 
اياكوز بەن تارباعاتايدىڭ
اراسىنداعى جولدارداي.

يىسەڭ اندەي ەسىلەم،
قاتساڭ قايىستاي كەسىلەم.
تاعدىرىم، ساعان نەسىنە
ەگە بولدى ەكەم وسى مەن؟

ساپاردىڭ بار ما، تۇراعى؟
ەستەلىكتەرىڭ ءزىل قانداي – 
الىستا، الماتىداعى 
جاتاقتا قالعان جىلدارداي.

ءار نارسە ءتۇسىپ ەسىمە،
ءار نۇكتەگە ءبىر تەسىلەم.
تاعدىرىم، ساعان نەسىنە 
ەگە بولدى ەكەم وسى مەن؟

شىن، كەيدە ءوزى ءتۇن-ەي ءبىر!
كۇن-ەي ءبىر، تاڭدى شات قىلعان!
...بەيمەزگىل شاقتا كىم-ەي، بۇل،
وت الىپ تاعى كەپ تۇرعان؟

سەنسىڭ بە، تاعدىر؟
دوسىم ەڭ.
قويشى، ءبارىن دە كەشىرەم.
جالقى عۇمىردى نەسىنە
جەتىمسىرەتەم وسى مەن!..

اباي.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610