http://abai.kz/post/view?id=2505 

http://abai.kz/post/view?id=2489

http://abai.kz/post/view?id=2464     

http://abai.kz/post/view?id=2450

http://abai.kz/post/view?id=2410 

http://abai.kz/post/view?id=2392

http://abai.kz/post/view?id=2365

http://abai.kz/post/view?id=2341

http://abai.kz/post/view?id=2328

http://abai.kz/post/view?id=2298 

http://abai.kz/post/view?id=2264

http://abai.kz/post/view?id=2251

http://abai.kz/post/view?id=2238 

بۇل سىلتەمەلەر ارقىلى جازۋشى تۇرسىن جۇرتبايدىڭ «امەريكا كۇندەلىكتەرى» اتتى جولجازبا كىتابىنىڭ باستاپقى بولىمدەرىن تاۋىپ، وقي الاسىزدار. اباي.kz پورتالى بۇل مايەكتى تۋىندىنى الداعى ۋاقىتتا دا جاريالاپ، وقىرماندار نازارىنا ۇسىنا بەرەتىن بولادى.

14.01.2014.

(كۇندەلىككە قوسىمشا)

سونىمەن، ۆاشينگتوندى كورگەن سوڭ، سول كورگەنىمدى كوز الدىما ەلەستەتە وتىرىپ، «33»-كە جول اشاتىن قۇپيا ءىلىمدى ىزدەۋدى جالعاستىرامىن. ول ءۇشىن تاعى دا دەن براۋنعا جۇگىنەمىن. كاپيتوليانىڭ ىرگەتاسى جانە بۇرىشتارىن بەكىتەتىن تۇعىرتاسى (كراەۋگولنىي كامەن) قاتاڭ تۇردە ماسوندىق ىرىم مەن نىسپىعا نەگىزدەلە قالانعان. «ەرىكتى تاس قالاۋشىلار»، ياعني، ماسوندىق قۇرىلىمنىڭ امەريكاداعى جۇيەسىن قۇرعان دجوردج ۆاشينگتون، بەندجامين فرانكلين، باس ساۋلەتشى پەر لانفان استانانى  بارىنشا ماسوندىق سيمۆولدارمەن كومكەرگەن، ساۋلەت پەن سۋرەت ونەرىندەگى بارلىق نىسپىلار بۇرىنعىدان بەتەر استارلانىپ، قۇپيالاندىرا تۇسكەن. اسا قۇپيا ءىلىمنىڭ شەشىمىن سول نىسپىلارعا جاسىرىپتى. كاپيتوليانىڭ كۇمبەزى 9 ميلليون فۋنت تارتادى. 1793 جىلى 18 قىركۇيەك كۇنى كۇندىزگى ساعات ون ەكى جارىم مەن ءبىر جارىمنىڭ اراسىندا تۇعىرتاس قويىلعان. نەگە؟ اسپانداعى ءابجىلاننىڭ (دراكون) باسى بيكەشكە (دەۆا) تۇيىسكەن شاق.

«ماسوندار – قۇپيا ۇيىم ەمەس، كەرىسىنشە قۇپياسى كوپ ۇيىم» – «ماسونى – نە تاينىە وبششەستۆو، ا وبششەستۆو س تاينامي».

جۇلدىز الەمى مەن ادام تاعدىرى ءوزارا بايلانىستى.

كاپيتوليا – اق ءۇي – دج.ۆاشينگتوننىڭ ۇستىنى ءۇش بۇرىش جانە اسپان دەنەلەرىنىڭ ورنالاساۋىنا تىكەلەي بايلانىستى. ماسوندار – جاساعانعا نەمەسە  عالامنىڭ ۇلى جاراتۋشىسىنا عانا ماسوندار سەنەدى. سوندىقتان دا: «ماسونستۆا – ەتا سيستەما مورالنىح نورم، سكرىتايا ۆ سيمۆولاح ي زاۆۋاليروۆاننايا اللەگوريامي» (سوندا) .

ماسون مۇشەلەرى مىندەتتى تۇردە بالداق تاعادى. بالداقتىڭ (پەرستەن) بەتىنە ەكىباستى سامۇرىق پەن 33 دەگەن تسيفر جازىلادى.

ەڭ سالتاناتتى ءارى قورقىنىشتى نارسە – ميستەريا. ال قولىن كوككە شوشايىپ تۇرۋ – ماسوندىق ميستەرياعا شاقىرۋ بەلگىسى بولىپ تابىلادى.

تۇسىنىكتەن تىس قۇبىلىستى ءتۇيسىنۋ – ۇرەي تۋدىرادى. باس بارماقتا – ۆەنەتس، سۇق ساۋساقتا – جۇلدىز تاڭبالانىپ، جوعارى قاراي شوشايىپ تۇرسا  – اسا بۇلقىنىستى ارەكەتكە شاقىرعانى. قالعان ءۇش ساۋساق جۇمىلىپ تۇرۋى كەرەك.  تاڭداۋلىلار عانا بىلەتىن ميستەرياعا قۇرمەتتى شاقىرۋ شاراسى – وسى قوس بارماق بولىپ تابىلادى.

مۇنى جازىپ وتىرعانىم، سەكسەنىنشى جىلدارى كەڭەس وداعىندا بالتىق جاعالاۋى ەلىندە بارماعى مەن سۇق ساۋساعىن اسپانعا قاراتىپ شوشايتىپ تۇرعان قوس بىلەكتىڭ ءمۇسىنى بولاتىن. رودەننىڭ دە وسىنداي ەكى ءمۇسىنىنىڭ تۇپنۇسقاسىن فيلادەلفياداعى مۇراجايىنان وسى جولى كوردىم. سوندا بۇل ماسونداردىڭ جالپىلاما عازاۋاتقا شاقىرعان نىسپىسى ەكەنىن كەڭەس وداعىنىڭ قىراعى يدەولوگياسى بىلمەدى مە؟

الدە ماسوندىق بەس جۇلدىزدى گەربىنە بەينەلەگەن،  ءوزى دە ماسوندى، بىراق قىزىل يدەياعا قۇرىلعان مەملەكەتكە بۇل نىسپى دا قاسيەتتى  كورىندى مە ەكەن؟

بەس جۇلدىز دەمەكشى، ميلاديدەن بۇرىنعى بەسىنشى-التىنشى عاسىردىڭ مۇرازاتى بولىپ تابىلاتىن وسى بەس جۇلدىزدىڭ بەرەلدەگى التىن ادامنىڭ قورعانىنان تابىلعانى تاڭ قالدىرادى.

سوندا، كونە تۇركىلەر دە ماسوندارمەن بايلانىستى بولعانى ما؟ ەگەر بەس جۇلدىزدىڭ  اسپان جۇلدىزىمەن بايلانىستى ەكەنىن ەسكەرسەك، تۇپكى نىسپىسىن دا تۇسىنۋگە بولادى. ال ماسوندىق جۇلدىز نىسپىسىنىڭ ماعىناسىندا تۇسىنسەك، وندا ويلانۋعا تۋرا كەلەدى.

ءبىزدىڭ فيلوسوفيالىق تاس – دەپ جۇرگەنىمىز – ماڭگىلىك ولمەيتىن عۇمىر بەرەتىن قۇدىرەت. دەمەك، ۆاشينگتون – كاپيتوليدىڭ ىرگەتاسىن وسىنداي نىسپىمەن قويۋى – امەريكا ماڭگىلىك ەل بولسىن – دەگەن جورا عوي. دۇرىس تىلەك.

ماڭگىلىك وتتىڭ بەلگىسى – ءتورت بۇرىشقا جارىعىن ءتۇسىرىپ تۇرعان  4 بۇرىشتى جۇلدىز. بىزدە – بەسبۇرىش.

اپافەوز – ادامنىڭ قۇدايعا اينالۋ پروتسەسى. اق ءۇيدىڭ كۇمبەزىنىڭ تۋرا ورتاسىندا 40 مەتر تەرەڭدىكتە شىراق جاعاتىن وشاق بار. دجوردج ۆاشينگتوننىڭ قۇدايلانۋى پروتسەسى تۋرالى سۋرەت «اپافوەوز ۆاشينگتونا» دەپ اتالادى. ونى يتاليا سۋرەتشىسى  كونستانتينو برۋمي  تۋرا جاڭاعى  وشاقتىڭ  توبەسىندەگى قابىرعاعا 1805 جىلى سالعان. ۆاشينگتوندى 13 حور قىزى – دەۆا – قورشاپ تۇر. وندا امەريكانىڭ ۇلى جاڭالىقتارى: مورزەنىڭ تەلەگراف جۇيەسى، بۋ دۆيگاتەلى، ەگىن، ءشوپ وراتىن شالعى ماشيناسىنىڭ نىسپىلارى سالىنعان. بۇلار امەريكانىڭ عىلىمي قۋاتىن مويىنداتقان ۇلى جاڭالىقتار. كاپيتوليانىڭ كۇمبەزى – التى بۇرىشتى نەگىز ەتكەن.

ەكى باستى سامۇرىق – ماسونداردىڭ ەڭ باستى سيمۆولى. امەريكانىڭ دا ەڭ باستى گەربىنىڭ بەدەرى.

ماسونداردىڭ بالداعىنا «33» سانى جازىلادى. 13 تسيفرى ماسوندار ءۇشىن قاسيەتتى. 13 باسپالداق. 13 عيمارات، ون ءۇش جەبە، پيراميدانىڭ ون ءۇش باسپالداعى، قالقانداعى ون ءۇش جولاق سىزىق پەن ون  ءۇش ارىپتەن تۇراتىن ءسوز، ون ءۇشىنشى بولمە.

بىزدە 13 – مۇشەل.

«پوسەتي ۋگروبۋ زەملي ي، ناپراۆيۆ سۆوي پۋت، تى نايدەش تاينىي كامەن».

بۇل – پيراميدانى مەڭزەتەدى. ال ول پيراميدادا بارلىق قۇپيا عىلىم مەن ءبىلىم قۇپيا بەلگىلەرمەن بەدەرلەنگەن.

دۇنيە جۇزىندەگى ەڭ ۇلكەن كىتاپحانا – كونگرەسس كىتاپحاناسى. ونى كورۋ اركىمگە ارمان. سىرتىن كورۋىن كوردىم-اۋ، ال ءىشى شە؟ 2001 جىلى بايلانىس ورناتۋدىڭ رەتى ءتۇسىپ ەدى. 2 قىزمەتكەرى بىزگە كەلگەن. ءتىپتى حات تا العامىن. بىراق بايلانىس ءۇزىلدى. ءبارى دە اعىلشىن ءتىلىن بىلمەگەندىكتەن...

(جالعاسى بار...)

اباي.kz