بەيسەنبى, 4 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6240. قايتىس بولعاندار — 48
ءبىزدىڭ شەنەۋنىك 4991 0 پىكىر 6 جەلتوقسان, 2014 ساعات 18:39

پۋتينگە ادال قىزمەت

 

6 جەلتوقسان، 2014 جىل. سەنبى.

ساعات 11:07.

استانا.

“حاباردى” قوستىم. “ورتالىق كوممۋنيكاتسيالار قىزمەتىندە” سولتۇستىك قازاقستان وبلىسى اكىمى ەرىك سۇلتانوۆ ەسەپ بەرىپ تۇر ەكەن.

كورشى رەسەي فەدەراتسياسىنىڭ مەملەكەتتىك تىلىندە سويلەپ جاتىر. كەيدە قازاقشا ءبىر-ەكى سويلەمدى قىستىرا سالادى دا، قايتادان كورشى ەلدىڭ مەملەكەتتىك تىلىنە كوشە سالادى. شامامەن قازاقشاسى جالپى العاندا بايانداماسىنىڭ كولەمىنەن بىرەر پايىزىنان دا اسپايدى.

قارسى وتىرعان باق وكىلدەرى وڭشەڭ قاراكوزدەر. ءبىر جاس قىزدى ورىس پا دەپ قالىپ ەدىم، جاقىننان كورسەتكەندە ول دا ءوزىمىز بولىپ شىقتى. تەك قانا شاشى اق فوتوگراف كىسى وزگە ۇلتتان بولۋ مۇمكىن سياقتى. جو-جوق، سۇراقتىڭ ءبىرىن ورنىنان تۇرىپ ءبىر جاستاۋ ورىس جىگىتى (تەگى ۋكراين، بەلورۋس، نەمىس، پولياك، ەۆرەي دە بولۋ مۇمكىن، البەتتە) بەردى... باسقالار جاپپاي قازەكەڭ.

جارايدى، سولتۇستىگىمىزدە قارا ورماننىڭ ءيسى مۇڭكىپ تۇر دەلىك. بىراق، بۇل اۋىلىندا ەمەس جانە ءوز جەرلەستەرى اراسىندا ەمەس، ەلوردامىز استانادا، قازاقستان رەسپۋبليكاسىنىڭ ورتالىق كوممۋنيكاتسيالار ورتالىعىندا بۇكىل ەلگە تاراتىلاتىن بايانداما جاساپ تۇر ەمەس پە؟!

رەسمي ەسەپتى بەرىپ تۇر عوي!

نەگە مەملەكەتتىك قىزمەتكەر مەملەكەتكە بەرگەن ەسەبىن مەملەكەتتىك تىلدە جاسامايدى؟ نەگە كورشى شەتەل ەلدىڭ مەملەكەتتىك تىلىندە سويلەيدى كوبىنەسە؟

ساعات 11:47 بولدى.

قىرىق مينۋتتا قىرىق ءسوزىن قازاقستاننىڭ مەملەكەتتىك تىلىندە ايتپاعان اتقامىنەر كىمگە ەسەپ بەرىپ تۇر سوندا، دەپ، دال بولدىم؟

قازاق حالقىنا ما، قازاقستان پرەزيدەنتىنە مە؟ جوق! جوق جانە جوق! ەرەكەڭ كەشىرسىن، بۇنداي سىن تەك وزىنە عانا ەمەس، ءبىزدىڭ جوعارى جاقتاعى 90 % باستىقتارىمىزعا تيەسىلى عوي. امال نەشىك، سىرەسىپ تۇرعان استانامىزعا كەلىپ سولارعا جاققىسى كەلگەن دە شىعار، كىم ءبىلسىن، ول دا پەندە عوي...

دەگەنمەن، قاراپايىم سۇراق قويايىقشى وزىمىزگە دە، ولارعا دا، اعايىن:

“قۇرمەتتى ءبىزدىڭ مەملەكەتتىك جوعارى دارەجەلى شەنەۋنيكتەر، سىزدەر كىمگە جۇمىس ىستەيسىزدەر، كىمگە ەسەپ بەرىپ تۇرسىزدار، كورشى رەسەيدىڭ باسشىسى پۋتينگە مە، ءبىزدىڭ مەملەكەت باسشىسى نۇرسۇلتان نازارباەۆقا ما؟

شەتەل مەملەكەتتىڭ يەگەرى ورىس حالقىنا ما، ءوزىنىزدىڭ تۋعان حالقىڭىز قازاققا ما؟ كىمگە؟

بۇنىڭ جاۋابى بىرەۋ-اق.

قاي ەلدىڭ مەملەكەتتىك تىلىندە سويلەيسىزدەر جانە جۇمىس ىستەيسىزدەر  –  سول ەلگە!

باياندامالارىڭدى نازارباەۆقا ەمەس  –  پۋتينگە بەرىپ تۇرسىزدار!

قىتايشا سايراساڭىز  –  سي دزينپينگە!

فرانتسۋزشا سويلەسەڭىز، مىنا ءدال قازىر بىزدە قوناقتا جۇرگەن  –  فرانسۋا وللاندقا!

ورىسشا رەسمي ەسەبىڭىزدى ايتساڭىز، ەش كۇمان جوق  –  ۆلاديمير پۋتينگە...

         ۋكرايندەر دە ءبىراز ءبىزدىڭ جولىمىزبەن ءجۇرىپ، ەندى قاتتى وپىق جەپ وتىر. ەسىڭ باردا ەلىڭدى تاپ دەگەندى قاشان تۇسىنەدى قازاقتىڭ ءمينيسترى مەن اكىمى؟

         قاشان ولار پۋتينگە ەمەس، نازارباەۆقا جۇمىس ىستەي باستايدى؟

         قاشان؟

 

ۇلتجان نىعايتاروۆ.

اباي.kz

0 پىكىر