جۇما, 29 ناۋرىز 2024
جاڭالىقتار 4171 0 پىكىر 23 قىركۇيەك, 2014 ساعات 14:15

TURKVIZYON – 2014 حالىقارالىق ءان بايقاۋى باستالدى!!!

2014 جىلدىڭ 19-21 قاراشاسى ارالىعىندا وسى جىلى تۇركى الەمىنىڭ مادەني استاناسى اتانعان رف تاتارستان رەسپۋبليكاسىنىڭ قازان قالاسىندا تۇركىتىلدەس ەلدەر ءۇشىن ەڭ ماڭىزدى مۋزىكالىق جىل جاڭالىعى «Turkvisyon-2013» وتكىزىلەدى دەپ حابارلايدى ۇيىمداستىرۋشى «ADAM Media Group» كومپانياسى. بۇل كوپتەگەن مەملەكەتتەر ءۇشىن «ەۆروۆيدەنيە» بايقاۋىن الماستىرا الاتىن حالىقارالىق دەڭگەيدەگى جاڭا ءان بايقاۋى. الەمدىك مۋزىكالىق وندىرىستە ۇلكەن قۇبىلىس بولعالى تۇرعان بايقاۋ تۇركى مۋزىكاسىنىڭ وكىلدەرىن ءبىر ساحنادا توعىستىرۋدى ماقسات تۇتادى. بايقاۋدىڭ اۋديتورياسى ۇلكەن – 300 ميلليون كورەرمەن. 

     بيىل ءازىربايجان، التاي رەسپۋبليكاسى، باشقۇرستان، بەلارۋسيا، بوسنيا مەن گەرتسەگوۆينا، گرۋزيا، قازاقستان، قىتاي، قىرعىزستان، ماكەدونيا، مولدوۆا، قىرىم رەسپۋبليكاسى، سولتۇستىك كيپر، تاتارستان، تۇركمەنستان، تۇركيا مەن وزبەكستاننىڭ بايراعىن ۇستاعان قاتىسۋشىلار تۇركى الەمىنىڭ ۇزدىك داۋسى اتاعى ءۇشىن بايگەگە تۇسەدى.

    قازاقستان نامىسىن الەمدىك ساحنادا كىم قورعايدى؟ بايقاۋدا ءوز باعىڭدى سىناپ كور!

قاتىسۋشىلاردىڭ وتىنىشتەرى 12 قازانعا دەيىن قابىلدانادى.

ۇلتتىق ىرىكتەۋ مەن قازاقستاندىق قاتىسۋشىنىڭ بايقاۋعا قاتىسۋى استانا قالاسى اكىمدىگىنىڭ قولداۋىمەن وتكىزىلەدى.

2014 جىلدىڭ  15 قازان كۇنى  - ۇلتتىق ىرىكتەۋدىڭ جارتىلاي فينالى، 26 قازان - استانادا،  تىكەلەي ەفيردە فينال وتەدى.

   «Turkvizyon» ءان-دوداسىن «TÜRKSOY» تۇرىك مادەنيەتىنىڭ حالىقارالىق ۇيىمىنىڭ قولداۋىمەن تMB TV تۇرىك تەلەارناسى ۇيىمداستىرىپ وتىر.

«Turkvizyon» - حالىقتىق داۋىس بەرۋدىڭ ادىلدىگى مەن قورىتىندىنىڭ اشىق بولۋ ءپرينتسىپىن تاڭداعان، ساياسي، كاسىبي قىسىمنان تاۋەلسىز ءبىرىنشى مۋزىكالىق بايقاۋ. بۇل ەشكىمگە ۇقسامايتىن، الپىس جىلدىق تاريحى بار «ەۆروۆيدەنيەگە» كورىنىس، اۋقىم، تەحنيكالىق جابدىقتالۋ جاعىنان ەسە جىبەرمەيتىن دۋمان بولماق.   

 

«Turkvizyon» بايقاۋىنىڭ ماقساتى مەن مىندەتى:

 

* تۇركى جۇرتىنىڭ مادەني، ماتەريالدى مۇرالارىن ساقتاۋ، دامىتۋ جانە بولاشاق ۇرپاققا جەتكىزۋ ءۇشىن تۇركىتىلدەس حالىقتار اراسىندا تىعىز قارىم-قاتىناس جاساۋ، سونىمەن قاتار تۇركىتىلدى ورىنداۋشىلاردى قولداۋ جانە ولاردىڭ بەينەباياندارىن تۇركيا مەن باسقا مەملەكەتتەردە جاريالاۋ. 

 

*​ ورتالىق ازيا مەن قازاقستان مۋزىكاسىن تانىمال ەتۋ جانە دامىتۋ;

 

* الەمدىك جانە تمد مۋزىكا نارىعىندا قازاقستان مۋزىكاسىن دامىتۋ;

 

*​ مەملەكەتتىڭ جاعىمدى بەينەسىن قالىپتاستىرۋ;

 اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594