12 قىركۇيەك – عارىشكەردىڭ جەرگە قوناتىن كۇنى

اقسارباس شالدىق ۇشقاندا ءوزىڭ ايدىن-اۋ،

عارىشتا سەنىڭ سەرىگىڭ بولدى اي مىناۋ.

بارلادىڭ بارىپ بار عالامشاردى سۇڭقارىم،

ەندىگى ءبىتسىن جەردەگى جانجال، قايعى، داۋ.

اقيىق قىران سامعاعان جەردىڭ توسىنەن،

 (قاداري حالقى قالماعان ۇلى كوشىنەن).

ءۇشىنشى بولىپ ۇشقاندا ۇلتتىڭ ۇلانى

ماڭگىلىك ەندى كەتپەيدى جۇرتتىڭ ەسىنەن.

عارىشكەر سانات،

قومدادى قانات سامۇرىق،

قالعانداي بولدى بار الەم بايقاس اڭىرىپ.

بەس ءجۇزىنشى رەت كوتەرىلدى كوككە زىمىران،

عارىشقا سوناۋ سىڭگەندەي ەدى تاڭ ۇرىپ.

جەتىسۋ جەرى جەرۇيىق مەكەن ەرتەدەن،

جيدەلىبايسىن دەگەندەي وعان تەر توگەم.

جەرلەسىم مەنىڭ – ايدىنىم سامعاپ كوككە ءبىر،

اتاندى عاسىر قاھارمانى بولىپ ەر-كەنەن!

«قازعارىشتان» ول تۇڭعىش رەت ۇشقان قىرانىم،

ماڭگىلىك مەنىڭ تاۋسىلمايتىنداي جىر-ءانىم.

العاشقى ەدى قازاقشا جازعان حۇسني حات –

عارىشتان بىزگە جىبەرگەن سالەم ۇلانىم!

ەڭبەگىن ەرتتەپ،

تەڭىزدەر زەرتتەپ زەرلەگەن،

اساۋ اتتاي ول اتىلىپ شىققان كەرمەدەن.

بۇرىن دا سوڭدى مۇنداي دا شاتتىق تاسقىنىن

اتام قازاعىم كونەدەن بەرى كورمەگەن.

...ورەكپىپ جۇرەك،

ورشىلدەپ بارىپ باسىلماق،

ازامات باعىن ارداقتى ەلى اسىرماق.

ايدىننان كەيىن قاۋلاسىن قازاق-قاناتتار،

جايقالسىن جاساق - جاسىل باق!

تۇسپا-تۇس كەلگەن قازاق حاندىعىنىڭ تويىنا

شادىمان شاتتىق شاشۋلار ەندى شاشىلماق! 

باقىتجان توباياق-تەگى

استانا