Google رەسمي بلوگىندا حابارلاۋىنشا، Google كورپوراتسياسى كەنەتتەن قۇرىلىمىن وزگەرتۋگە شەشىم قابىلداعان. ەندى جاڭا Alphabet حولدينگى قۇرىلىپ، Google وعان ەنشىلەس كومپانيا بولىپ قالادى. بۇل تۋرالى  ء"بىز باسىندا اقىلعا قونىمسىز بولىپ كورىنەتىن جۇمىستار ىستەدىك. قازىر ءبىزدىڭ كومپانيا جاقسى جۇمىس ىستەپ جاتىر، دەگەنمەن ءبىز ونى ودان ارى دامىتقىمىز كەلەدى", - ، - دەگەن كومپانيانىڭ نەگىزىن قالاۋشى لارري پەيدج. بۇل اقپاراتتى Tengrinews.kz تاراتتى.

پەيدجدىڭ ايتۋىنشا، كورپوراتسيانىڭ ىزدەۋ ءبولىمى، YouTube ۆيدەوحوستينگى مەن باسقا دا ۆەب-كومپانيالار وزدەرىنىڭ عىلىمي-زەرتتەۋ جانە يننوۆاتسيالىق بولىمشەلەرىن ءبولۋ ءۇشىن قۇرىلىمىن وزگەرتەدى. پەيدج Google كومپانياسىنىڭ اتقارۋشى ديرەكتورى قىزمەتىندە قالادى، سونىمەن قاتار، Alphabet-ءتى باسقارادى. سەرگەي برين حولدينگتىڭ پرەزيدەنتى قىزمەتىن اتقارادى. Google كورپوراتسياسى باس ديرەكتورىنىڭ قىزمەتىنە كومپانيانىڭ ءونىم جونىندەگى ۆيتسە-پرەزيدەنتى سۋندار ءپيچايدىڭ كانديداتۋراسى ۇسىنىلدى.

سونىمەن قاتار، باعاسى بەلگىلەنبەلى بيرجاداعى Google اكتسيالارى Alphabet قۇندى قاعازدارىمەن الماسادى.

ايتا كەتەيىك، Google كومپانياسى 1988 جىلى 2 قىركۇيەكتە قۇرىلدى. Google ىزدەۋ جۇيەسىن ستەنفوردسكي ۋنيۆەرسيتەتىنىڭ اسپيرانتتارى لارري پەيدج جانە سەرگەي برين جاساپ شىعاردى. اتالمىش كومپانيانىڭ ونىمدەرىنىڭ الەمدە ءجۇز ميلليونداعان تۇتىنۋشىسى بار.

اباي-اقپارات