الماتى قالاسىن 7 جىل 4 اي باسقارعان ەسىموۆتى باۋىرجان بايبەك اۋىستىردى. ەسىموۆ «ەكسپو-عا» كەتتى. بايبەكتەن بوس قالعان «نۇر وتان» پارتياسى باسشىسى ورىنتاعىنا وقو-ءنىڭ اكىمى اسقار مىرزاحمەتوۆ كەلدى. بۇل تۋرالى بۇعان دەيىن دە حابارلاعان بولاتىنبىز.

باۋىرجان كىدىرعاليۇلى بۇدان بۇرىن «نۇر وتان» پارتياسى توراعاسىنىڭ ءبىرىنشى ورىنباسارى قىزمەتىن اتقاردى. ول 1974 جىلى 19 ناۋرىزدا الماتى قالاسىندا تۋعان.

«بولاشاق» باعدارلاماسى بويىنشا گەتە ينستيتۋتتىن (برەمەن قالاسى، 1995) «نەمىس ءتىلى»; «بولاشاق» باعدارلاماسى بويىنشا ليۋبەك قالاسىنداعى جوعارى مەكتەپتى (گفر، 1998) پەداگوگ; ورتالىق ازيا ۋنيۆەرسيتەتىن (2002) حالىقارالىق ەكونوميست ماماندىقتارى بويىنشا بىتىرگەن.

1999 جىلدان – ماينداعى فرانكفۋرت قالاسى قر باس كونسۋلدىعىنىڭ رەفەرەنتى، اتتاشەسى – گفر-داعى قر ەلشىلىگى ەكونوميكالىق ءبولىمىنىڭ ءۇشىنشى حاتشىسى (بەرلين قالاسى). 2002 جىلدان – قر پرەزيدەنتى اكىمشىلىگى جۇيەلى زەرتتەۋلەر ورتالىعىنىڭ ساراپشىسى. 2003 جىلدان – قر پرەزيدەنتى حاتتاماسىنىڭ اقپارات پەن تالداۋ سەكتورىنىڭ مەڭگەرۋشىسى، 2004 جىلدان – باس ينسپەكتورى، 2006 جىلدان – حاتتاما جەتەكشىسى.

قىدىرعاليۇلى 2009 جىلدىڭ تامىز ايىنان بەرى – قر پرەزيدەنتى اكىمشىلىگى جەتەكشىسىنىڭ ورىنباسارى. 2013 جىلدىڭ 1 قاڭتارىنان – «نۇر وتان» پارتياسى توراعاسىنىڭ ءبىرىنشى ورىنباسارى.

قر پرەزيدەنتىنىڭ حالىقارالىق «بولاشاق» ستيپەندياسى ستيپەندياتتارى قاۋىمداستىعى كەڭەسىنىڭ (2008 جىلدان); قازاق گۋمانيتارلىق زاڭ ۋنيۆەرسيتەتى قامقورشىلىق كەڭەسىنىڭ (2010 جىلدان) توراعاسى. س. د. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى قامقورشىلىق كەڭەسىنىڭ (2010 جىلدان) مۇشەسى.

قىرىقتىڭ قىرقاسىنا جاڭا كەلگەن باۋىرجان بايبەكتىڭ الماتىعا اكىم بولۋىن قواعم قالاي قابىلدادى؟ الەۋمەتتىك جەلىدەگى جازبالارعا نازار سالايىق:

كەشەگى جۋرناليست، بۇگىندە شقو، ءۇرجار اۋدىنىڭ اكىمشىلىگىندەگى مەملەكەتتىك قىزمەتكەر، ىشكى ساياسات ءبولىمىنىڭ باس مامانى ەربولات مۇحامەدجان:

«جاس كەلسە ىسكە!

مەنىڭ ويىمشا الماتى كوپ كۇتتى جاڭا اكىمدى. ءتىپتى بىرنەشە رەت رەنجىپ تە ۇلگەردى، «قاشان ماعان جاڭا اكىم كەلەدى؟» دەپ.

لايىقتى ازامات. باۋىرجان بايبەك جان-جاعىمەن تەز ءتىل تابىسا بىلەتىن ساياساتكەر ءارى مەملەكەتتىك قىزمەتكەر.

اشىق، مەملەكەتشىل، ۇلتجاندى (سوڭعى جىلدارى تەك مەملەكەتتىك تىلدە سويلەپ جۇرگەنىن بايقايمىز) ءارى دەموكراتيالىق كوزقاراسى جوعارى. ءبىر بايقاعانىم، حالىقپەن، سونىڭ ىشىندە جاستارمەن كەزدەسۋدەن ەشقاشان قاشپايدى.

قىسقاسى، "الماتى، اكىمدەرىڭىز قۇتتى، ءارى قايىرلى بولسىن!"»، - دەپ جازدى Facebook-تەگى پوستىنا.

ال، وسى الەۋمەتتىك جەلىدە بايبەك تۋرالى بىرەر اي بۇرىن «"نۇر وتاندىقتار" جاساندىلىقتىڭ شىرماۋىنىن ەشقاشان شىعا الماس دەپ ويلايتىنمىن. 

العاشقى قادامدارىن اجۋاعا اينالدىرساق تا ءبىرىنشى ورىنباساردىڭ جاساپ جاتقان تىرلىگى سەنىم شاقىرا باستادى.

"باردى بار دەۋ كەرەك شىعار؟!"

باۋىرجان بايبەك سەكىلدى نيەتى ءتۇزۋ ازاماتتاردىڭ بيلىكتە كوپ بولعانىن تىلەيمىن!»، - دەپ پوست جازعان بەلگىلى جۋرناليست سەرىك اباس-شاح, ءوز پوستىنا:«الدىن الا ساۋەگەيلىك جاساپ جاتىرمىز. جاۋعا اتتانسا جاس بالاعا باتا بەرەدى، جولعا شىقسا جات ادامعا دا اق جول تىلەيدى. باۋىرجاننىڭ جاڭا قىزمەتىنە جاقسى تىلەك بىلدىرەيىك»، - دەپ پىكىر جازدى.

الماتىنىڭ ەكس-اكىمى بىلتىرعى جىلى استاناعا كەلىپ ەسەپ بەرگەندە «الماتىداعى تاۋەلسىزدىك مونۋمەنتىنە گۇل قويماۋىنىڭ سەبەبىن سۇراعان»  گۇلبانۋ انياتقىزى بولسا، ءوز پوستىندا «جاستىعىنا قاراماستان، تىپ-تىنىش ءجۋرىپ ءبىراز قىزمەت اتقارعان, «نۇر وتانعا كىلەڭ جاستاردى جيناپ، حالىقتىق دەموكراتيالىق ءسوزىن كەستىرىپ، جاي عانا نۇر وتان جاساعان، ساتىلاپ ءوسىپ كەلە جاتقان باۋىرجان بايبەك الماتىعا دا جاكسى وزگەرىستەر اكەلسىن! باۋىرجان بايبەككە جۇمىسى وڭ بولسىن دەپ تىلەيىك!»، -دەپ ءوز پىكىرىن جازدى.

ال، اقىن اقبەرەن ەلگەزەك:

«قالادا وسكەن بالا شاھار پروبلەمالارىن ادەتتە جاقسى بىلەدى. ونىڭ ۇستىنە "الماتىم مىنداي بولسا، شىركىن!" - دەگەن تۋىپ-ەرجەتكەن مەكەنىنە قاتىستى ارماندارى دا بار شىعار. جاس ەمەس، ناعىز جۇمىس ىستەيتىن كەزى. سىناۋعا ءالى ەرتە. اتقارار قىزمەتى ەڭ باستىسى الماتىلىقتارعا، سودان كەيىن وزىنە قايىرلى ءھام باياندى بولسىن. كىمنىڭ كلاسستاسىنىڭ ۇلى بولسا دا، قازاقتىڭ بالاسى عوي. ءوزى دە ءبىراز نارسەگە كوز جەتكىزىپ، اككى بولا باستاعان شىعار قازىر...

وڭتۇستىك استانامىزعا ات باسىن بۇرعان باۋىرجان بايبەك مىرزانىڭ جاڭا قىزمەتىنە تابىس تىلەيمىز. "نۇر وتان" پارتياسىنىڭ توراعا ورىنباسارى بولىپ، ەلباسىنىڭ ءۇمىتىن اقتاي ءبىلدى دەپ ەسەپتەيمىن. وسى جۇمىسىندا ءجۇرىپ، ءوزىنىڭ قاراپايىمدىلىعىمەن، جاڭاشىل باستاماسىمەن كوزگە تۇسكەن بولاتىن. جايدارمان ويىندارىنا دا ۇلكەن قولداۋ كورسەتتى. ەندى ەلىمىزدىڭ ەڭ ۇلكەن شاھارىن ودان ارمەن كوركەيتە تۇسۋىنە ۇلكەن ۇلەس قوسارىنا سەنىمىمىز مول!»، - دەپ تىلەگىمەن قوسا سەنىمىن ءبىلدىردى.

باۋىرجان بايبەك پارتيادا قىزمەتتە بولعاندا جاستار اراسىنداعى "جايدارمان" ويىندارىندا پارتيانىڭ "جاس وتان" جاستار قاناتى ۇلكەن قولداۋ بىلدىرگەن ەدى. قازاقستان كۆن وداعىنىڭ پرەزيدەنتى ەسەن ەلەۋكەن دە بايبەكتىڭ جاڭا قىزمەتى تۋراسىندا: "وڭتۇستىك استانامىزعا ات باسىن بۇرعان باۋىرجان بايبەك مىرزانىڭ جاڭا قىزمەتىنە تابىس تىلەيمىز. "نۇر وتان" پارتياسىنىڭ توراعا ورىنباسارى بولىپ، ەلباسىنىڭ ءۇمىتىن اقتاي ءبىلدى دەپ ەسەپتەيمىن. وسى جۇمىسىندا ءجۇرىپ، ءوزىنىڭ قاراپايىمدىلىعىمەن، جاڭاشىل باستاماسىمەن كوزگە تۇسكەن بولاتىن. جايدارمان ويىندارىنا دا ۇلكەن قولداۋ كورسەتتى. ەندى ەلىمىزدىڭ ەڭ ۇلكەن شاھارىن ودان ارمەن كوركەيتە تۇسۋىنە ۇلكەن ۇلەس قوسارىنا سەنىمىمىز مول!", - دەپ جازدى الەۋمەتتىك جەلىدە. 

ءبىز بولساق جاڭا اكىم حالىقتىڭ العىسىنا بولەنىپ، ىستىق ىقىلاسىنا كومىلەتىن قىزمەت اتقارسىن دەپ تىلەيمىز.

Abai.kz