مەملەكەتتiك باعدارلامالار اۋىل كاسiپكەرلەرiنiڭ دە تىنىسىن كەڭەيتۋدە. سونىڭ ارقاسىندا شالعاي ەلدi مەكەندەردە ءتۇرلi جوبالار جۇزەگە اسىپ، كوپتەگەن ادامدار تۇراقتى جۇمىسپەن قامتىلۋدا. اۋىلدا جۇزەگە اسقان جوبالاردىڭ بiرi – تۇلكiباس اۋدانىنان اشىلعان «تۇلكiباس نان» جشس-نiڭ زاماناۋي نان زاۋىتى (وقو). كاسiپورىن بۇگiندە 7-8 مىڭ دانا نان ونiمدەرiن شىعارۋدا. ال، جوبا بويىنشا ونىڭ قۋاتى كۇنiنە 7,5 توننا ۇن وڭدەپ، 10 مىڭ دانا نان ونiمدەرiن شىعارۋعا جەتەدi.

نان زاۋىتى بيىل ناۋرىز ايىندا iسكە قوسىلعان. قۇرال-جابدىقتار تۇركيادان اكەلiنگەن. بيزنەس-جوبانىڭ قۇنى – 146 ملن. تەڭگە. ونىڭ 59,3 ملن. تەڭگەسiن كاسiپكەر «قازاقستان حالىق بانكiنەن» نەسيەگە العان.

ايتا كەتەلiك، «قازاقستان حالىق بانكi» مەملەكەتتiك باعدارلامالار اياسىندا شاعىن جانە ورتا بيزنەس سەكتورىن بەلسەندi قارجىلاندىرىپ كەلەدi. كاسiپكەرلەر ءۇشiن اقپاراتتىڭ قولجەتiمدiلiگiن ۇلعايتۋ جانە شاعىن بيزنەستi قولداۋ جونiندەگi مەملەكەتتiك باعدارلامالاردى دامىتۋ ءۇشiن بiرقاتار iس-شارالار كەشەنi قولعا الىنعان. بۇل ورايدا قر ۇلتتىق كاسiپكەرلەر پالاتاسى مەن «قازاقستان حالىق بانكi» اراسىندا مەموراندۋم دا بار. ەكi تاراپ وعان 2014 جىلدىڭ 25 ماۋسىمىندا قول قويعان. وسىنىڭ نەگiزiندە بانك بيزنەستi قارجىلاندىرىپ قانا قويماي، كاسiپكەرلەرگە كەشەندiك كەڭەس بەرۋمەن دە اينالىسادى. كاسiپكەر بيزنەستiڭ ەرەكشەلiگiن ەسەپكە الا وتىرىپ، بولجامدى قارجىلاندىرۋدى دۇرىس قۇرىلىمداۋ، كاسiپورىننىڭ ۇيىمدىق-قۇقىقتىق نىسانىن ەسەپكە الۋ مەن سالىق سالۋ ماسەلەلەرi, مەملەكەتتiك باعدارلامالاردىڭ تالاپتارى تۋرالى تەك كاسiپكەرلەرگە قىزمەت كورسەتۋ ورتالىقتارىنان عانا ەمەس، «قازاقستان حالىق بانكiنە» كەلiپ تە ماعلۇمات الا الادى. بۇل ارادا كاسiپكەردiڭ مۇمكiندiكتەرi مەن مۇددەلەرi ەسكەرiلە وتىرىپ، اسا وڭتايلى شارتتار ۇسىنىلادى.

بۇگiندە «قازاقستان حالىق بانكi» «بيزنەستiڭ جول كارتاسى –2020»، «وڭدەۋ ونەركاسiبi سالاسىندا جۇمىس iستەيتiن شاعىن جانە ورتا كاسiپكەرلiك سۋبەكتiنi قولداۋ» مەملەكەتتiك باعدارلامالارى مەن «دامۋ» كاسiپكەرلiكتi قولداۋ قورى iسكە اسىراتىن وزگە دە باعدارلامالاردى جەڭiلدەتiلگەن نەسيە بەرۋ ارقىلى قارجىلاندىرىپ وتىر.

تۇلكiباستاعى نان زاۋىتى «دامۋ-ءوندiرiس» وڭدەۋشi ونەركاسiپ سالاسىنداعى جەكە كاسiپكەرلiك سۋبەكتiلەرiن قولداۋ باعدارلاماسى بويىنشا قارجىلاندىرىلعان. «قازاقستان حالىق بانكi» اق – وسى باعدارلاماعا قاتىسۋشى ارiپتەس بانكتەردiڭ بiرi. «تۇلكiباس نان» جشس-عا 6 پايىزدىق وسiممەن جەڭiلدەتiلگەن نەسيە زاۋىتقا قاجەتتi قۇرال-جابدىقتار الۋ ءۇشiن بەرiلگەن.

– نەسيە الۋ بارىسىندا بiزگە «قازاقستان حالىق بانكiنiڭ» دە، «دامۋ» قورىنىڭ دا ماماندارى كوپ كومەكتەستi. وزiمiزدە دايىن بيزنەس-جوبا بولعان، ولار كەم-كەتiگiن تۇزەپ، تولىقتىرىپ، كەڭەستەرiن اياعان جوق، – دەيدi نان زاۋىتتىڭ ديرەكتورى ءۋاليحان وتەمiسوۆ.

تۇلكiباس – ءوندiرiستi اۋدان. كەيiپكەر، كاسiپكەرiمiز تاماق ءوندiرiسiن تاڭداعان. بيزنەسكە اقشا سالاردا نارىقتى تەرەڭ زەرتتەپ، تالداۋ جاساپتى. سوندا اۋدان حالقىن نان جانە نان ونiمدەرiمەن كورشiلەس سايرام اۋدانى مەن جامبىل وبلىسى قامتاماسىز ەتiپ وتىرعانىن انىقتاعان. قالتاسىندا زاڭگەر جانە ەكونوميست دەگەن قوس ديپلومى بار ءۋاليحان قۇربانتايۇلى تاماق ونەركاسiبi سالاسىنداعى بيزنەسكە وسىلاي كەلiپتi. ارنايى ديپلومى، تاجiريبەسi بار تەحنولوگتارمەن ارالاسا ءجۇرiپ، ءوزi دە نان پiسiرۋدiڭ قىر-سىرىن مەڭگەرiپ كەلەدi.

– سىرت جاققا شىعا قالسام مiندەتتi تۇردە ناننىڭ ءتۇر-ءتۇرiن ساتىپ الۋ ادەتكە اينالدى. جۇمىسقا اكەلiپ ءبارiمiز ءدامiن تاتىپ كورiپ، ەرەكشەلiكتەرiن تالقىلايمىز. پiشiنiنە كوڭiل بولەمiز، – دەيدi كاسiپكەر.

بۇگiنگە دەيiن تۇسiنگەنi, ءدامدi ءارi ساپالى نان جابۋ ءۇشiن جاعىمدى اۋرا كەرەك. ناننىڭ قامىرى اينالاسىنداعى ايقاي-شۋدى كوتەرمەيدi. ايتپەسە، نان دۇرىس كوتەرiلمەيدi.

قازiرشە «تۇلكiباس نانى» تۋرالى ەلدiڭ پiكiرi جوعارى. ولاردىڭ بولكەسi فورماسىمەن ەرەكشەلەنەدi. وزگە نان زاۋىتتاردىڭ بولكەسiنiڭ شەتi دوعالداۋ بولىپ كەلسە، بۇلاردا بۇرىشتارى تiپ-تiك. ەندi ولار ءونiم تۇرلەرiن كوبەيتپەك.

– زاۋىتتىڭ اشىلعانىنا ءۇش اي بولدى، ناننىڭ ءوتiمi جاقسى. قازiرشە جەتi-سەگiز ءتۇرلi نان ءونiمiن شىعارامىز. كۇندە كەشكە قىزمەتكەرلەرiمiز اۋدانداعى اۋرۋحانا، بالالار باقشاسى، دەمالىس ورىندارى، دۇكەندەر مەن جەكە نان ساتۋشىلاردان تاپسىرىس الىپ، جۇمىس جوسپارىن سوعان سايكەس ازiرلەيمiز. باستىسى، بiز ساپاعا، زاۋىتتىڭ ابىرويى ءۇشiن جۇمىس iستەيمiز. قولىمىزعا سەرتيفيكات العان سوڭ ستاندارتتان اۋىتقىماۋىمىز كەرەك، – دەيدi ول.

بۇگiندە اتالمىش زاۋىت اۋداننىڭ 42 ازاماتىن جۇمىسپەن قامتىپ وتىر. ولاردىڭ جالاقىسى ۋاقتىلى تولەنۋدە.

الداعى ۋاقىتتا زاۋىت اۋدانداعى بارلىق 23 ەلدi مەكەننەن ارنايى دۇكەندەر اشۋدى كوزدەپ وتىر. اۋدان اكiمدiگi تاراپىنان دۇكەن سالۋعا قاجەتتi جەر تەلiمدەرi بولiنگەن.

ءۋاليحان وتەمiسوۆ مەملەكەت تاراپىنان كاسiپكەرلەرگە جاسالىپ جاتقان قولداۋلارعا ءدان ريزا. «قازاقستاننان باسقا بiردە-بiر مەملەكەتتە كاسiپكەرلiكتi دامىتۋعا وسىنشالىقتى كوڭiل بولiنبەگەن شىعار. بيزنەس-يدەيامىزدىڭ جۇزەگە اسۋىنا قولداۋ بiلدiرiپ، كاسiپ باستاۋعا مۇمكiندiك بەرگەن «دامۋ» قورى مەن «قازاقستان حالىق بانكiنە» العىسىمىز شەكسiز»،– دەيدi «تۇلكiباس نان» جشس-نiڭ ديرەكتورى.

Abai.kz