استاناداعى مامانداندىرىلعان اۋدانارالىق قىلمىستىق ىستەر جونىندەگى سوتتىڭ شەشىمى بويىنشا،  كاسىپكەر قايرات جاماليەۆ 13 جىلعا سوتتالدى، ول جازاسىن قاتاڭ رەجيمدەگى كولونيادا وتەيتىن بولدى. سونىمەن بىرگە، ونىڭ مۇلكى تاركىلەنەدى، - دەپ حابارلايدىTengrinews.kz 

بۇل ءىس بويىنشا سوت پروتسەسى 11 ماۋسىمدا باستالعان ەدى.

"سوت جاماليەۆ قايراتتى قر قك 126-بابىنىڭ 2-بولىگىنىڭ 1, 3-پۋنكتتەرى، 121-بابىنىڭ 2-بولىمىندەگى 2-پۋنكتى، 194-بابىنىڭ 4-بولىگىنىڭ 2-پۋنكتى بويىنشا قىلمىستىق زاڭ بۇزۋشىلىق جاسادى دەپ تانىپ، مۇلكىن تاركىلەۋ ارقىلى قاتاڭ رەجيمدەگى كولونياعا 13 جىلعا باس بوستاندىعىنان ايىرۋ جازاسىن كەسەدى", - دەدى ۇكىمدى جاريالاعان سوت توراعاسى ەربول راحىمبەكوۆ.

سوتتىڭ شەشىمى بويىنشا، ارمان ابىلتاەۆ 12 جىلعا باس بوستاندىعىنان ايىرىلدى، ول جازاسىن قاتاڭ رەجيمدەگى كولونيادا وتەيدى. ال اناتولي پريبىتكوۆ قاتاڭ رەجيمدەگى كولونياعا 8 جىلعا باس بوستاندىعىنان ايىرىلدى. ەكەۋىنىڭ دە مۇلكى تاركىلەنەدى.

جاماليەۆكە قاتىستى ۇكىم وقىلىپ بىتكەننەن كەيىن سوتتالۋشىنىڭ تۋىستارىنىڭ جىلاعان داۋىستارى ەستىلگەن. سوتتىڭ شىعارعان ۇكىمىنە سايكەس، مۇندا ماسەلە سوتتالۋشىلاردىڭ بارلىق مۇلكىن تاركىلەۋ تۋرالى بولىپ وتىر. ال سوتتالۋشىلار بۇل ۇكىمگە قارسى شاعىمدانا الادى. ءتىلشىمىزدىڭ سۇراعىنا بەرگەن جاۋابىندا جاماليەۆ پەن ابىلتاەۆ ۇكىمگە شاعىمداناتىنىن ايتقان.

سوتتالۋشىلاردىڭ تۋىستارى ەموتسيالارىن جاسىرا الماي، سوت زالىندا شۋ شىعارعان. قايرات جاماليەۆتىڭ تۋىستارى مەن جاقىندارى سوت زالىندا وقيعانى سۋرەتكە جانە ۆيدەوعا ءتۇسىرىپ جاتقان تىلشىلەردى قۋىپتى.

سوتتالۋشىلارعا ۇكىم شىعارۋ اشىق تۇردە وتكەن. سۋديا ۇكىمدى 50 مينۋت بويى وقىپتى.

ال، ءالىبي جۇماعۇلوۆتىڭ ادۆوكاتى اناتولي ۋتبانوۆ ۇكىم وقىلعاننان كەيىن سوت شەشىمىمەن كەلىسەتىنىن مالىمدەگەن.

ەسكە سالا كەتەيىك، استانا تۇرعىنى ءالىبي جۇماعۇلوۆتى ۇرىپ-سوعۋعا بايلانىستى داۋ بيىلعى ساۋىردە باستالعان ەدى. جىگىتتىڭ اكەسى نۇرلان جۇماعۇلوۆ الەۋمەتتىك جەلىگە بالاسىنىڭ سۋرەتىن سالىپ، ونى قالاداعى بەلگىلى كاسىپكەر قايرات جاماليەۆ ۇردى دەپ حابارلادى. كەيىن كاسىپكەر ۇستالىپ، ەكى ايعا قاماۋعا الىندى. ايىپتالۋشى جاماليەۆ پەن پريبىتكوۆ كىنالارىن مويىنداعان جوق، ولار وزدەرىنە تاعىلعان ايىپپەن كەلىسپەيدى. قايرات جاماليەۆ ءالىبي جۇماعۇلوۆقا تەك دەنە جاراقاتىن سالدىم دەگەن.

اباي-اقپارات